فى البداية احب اوجه شكر للأستاذ نزيه على الموضوع وانا لا اعرفه ولكن بقى عندي شغف اعرفه من كلام الناس عليه واحترامه وردوده التفصيلية على الناس
كنت عايز بس استفسر من حضرتك على حاجة
دلوقتي انا مازلت طالب مع العلم اني ابلغ من العمر 22 سنة بس ظروف تنقلات بجامعات والحمدلله المهم انا كويس جدا جدا باللغة الانجليزية وكمان عندي خلفية كبيرة عن الطيران والحجز اونلاين الشخصي و بعض اكواد البلدان وكمان حابب جدا اشتغل فى مكتب سياحة
اتمني ماتردش تقولي ركز فى دراستك لاني فعلا متفرغ تقريبا تماما ماعدا اسبوعين الامتحانات .. وانا كده كده بشتغل نظرا لسني وعقليتي ... فحابب استفسر ان مكاتب السياحة تشترط شهادة الاعفاء النهائي تماما من الجيش؟؟ لاني معايا شهادة تأجيل اللى هيا لسن 28 سنة لاني ناوي لو اخدت الكورس عند حضرتك فى المركز ولو ربنا كرمني وما اشتغلتش او ملقيتش مكان بيها اني عالاقل انزل تدريب فى شركة سياحة او خط طيران لأني بصراحة حلمي اشتغل فى مجال السياحة وخصوصا الطيران ... وخلال المرحلة وظيفة موظف حجز تذاكر هتبقى مناسبة جدا جدا ليا لأني عايز ادخل المجال ده من خلال حجز تذاكر الطيران
وسؤال تاني .. بالنسبة للموظف المتميز والسريع البديهة ازاي بيجيله الاوفر على مرتبه من خلال العمولات وكده ؟؟" يعنى لو موظف شاطر وذكي وسريع ومتميز فى المجال ده مرتبه ممكن يوصل لكام ؟؟؟
وعايز اعرف بالنسبة للفترة الجاية اللى هيا قبل رمضان ورمضان .. فى بداية كورسات عندكم ؟؟ ولا الحجز نظامه ايه فى السنتر علشان انا هاجي من برا القاهرة
واسف على الاطالة واتمني الرد من حضرتك
الكورسات لدينا باستمرار حتى في رمضان ان شاء الله سيكون لدينا مواعيد صباحية ويمكن مسائية حسب رغبة المتدربين
يمكنك الاتصال وحجز الكورس معنا فورا اول كورس السبت القادم موعد صباحي من 11-4 السبت والاثنين والاربعاء
بالنسبة للعمل لن تطلب منك شركات السياحة موقفك من التجنيد الا في حالة طلب التأمين عليك اي انك موظف متميز ويريدون الاحتفاظ بك ضمن فريق عملهم وهذا لن يكون الا بعد اشهر من العمل واثبات كفاءتك ومهارتك وقدرتك على العمل
ارجوا ان يكون تنقلك بين جامعات ولازلت تدرس ان لا ينعكس على العمل ايضا بمعنى انك لا تستطيع الاستقرار في عمل اذا واهتك مشكلة او ضغط زائد وتتركة او تغير المجال اصلا
يمكنك العمل واخذ خبرة حتى موعد تخرجك وتاكد ان شهادتك مهمة جدا وموقفك من التجنيد اهم سواء بالمعافاه او اداء الخدمة العسكرية من واقع المحيطين بي اول سبل النجاح اداء ما عليك تجاه دراستك مهما كانت والقدرة على تحمل واجب الخدمة العسكرية بعدها يمكنك مواجهة صعوبات العمل او الاستمتاع به على حسب رؤيتك له ومجالنا به فرص كبيرة جدا جدا الآن وغدا
بالتوفيق
نزيه محمد