[لايطول غيابك]

انا ساكن جنب فلايت سيفتي بالضبط . ماانصح فيها.. لانها غالية على الفاضي.. صحيح انها واحده من اقوى مدرستين في امريكا بجانب امبري ريدل لكن نظامهم اكاديمي بحت والطيران معهم اكاديمي مافيه اي متعه.. يعني نظام شركة وحصص ولبس موحد ولا فيه اي حريه.. يعني ماتطير على كيفك وكل شي عندهم اغلى من غيرهم!

انا رأيي ان الطيران المفروض يكون متعة وان المعلومات والخبرة بمتناول الجميع وان مافيه فرق بين رخصة من مدرسة صغيرة او فلايت سايفتي لان كل الرخص صادرة من الاف اي اي ونفس الشخص يرسلونه لك يختبرك ونفس الاختبار.. يعني فلايت سيفتي ماراح تطلعك طيار عظيم

المسألة شخصية ومسالة قدرات.. والطيران ممكن دراسة الجانب الاكاديمي منه في البيت وتوفير ثروة ووقت طويل تستهلكه مدارس مثل فلايت سيفتي..

اذا كنت شخص واثق من نفسك ويهمك الفلوس والوقت وتحب تستمتع بالطيران وتحب المرونة في الجدول والمعاملة الشخصية الودية من المدرسة لاتروح لفلايت سيفتي.

اذا انت شخص تحب الضغط والحصص والجدول الالزامي عشان تنجح ( فيه ناس كثير كذا) وماعندك مانع تلبس زي رسمي كل يوم ولا عندك مانع تاخذ الدراسة مدة اطول ولاتهمك الفلوس, انصحك تروح فلايت سيفتي لان سمعتها قوية ولو تشد حيلك معهم راح يفيدونك في الجانب الاكاديمي اكثر من المدارس الصغيرة لكن عمرهم ماراح يخلونك تصير طيار افضل مما انت عليه.