انا بالنسبة للشباب مابعرف كيف كانت مقابلاتهم يعني انا حكيت بالنسبة للبنات
بس يلي بعرفه انه كمان الاسئلة بسيطة وسهلة
وبهمهم الشخص يكون محترم و مؤدب
بجاد مالنا غيرك انت قلهم للشباب كيف كانت مقابلتك
:iconloli:
طبعا بالنسبة للشباب " السعوديين " بالتأكيد انكم رسلتوا الاوراق المطلوبه للإيميل اللي اعطاكم اياه اخونا خالد الدوسري بعدها راح يكون التالي :
- راح يجيك اتصال من الشركه من احد المسؤولين يسألك سؤال او سؤالين والاغلب انها راح تكون بالانغليش بس لاجل يتاكد انك قادر على التحدث باللغه الانجليزيه ومن خلال هذا الاتصال راح يقيمك تقييم مبدئي واحتمال يعطيك موعد للمقابله الشخصيه او يكون اسمك بـ قائمه الانتظار وبكذا عليك انتظار اتصال ثاني من الشركة
- طبعا بعدها المقابلة الشخصية وراح تكون على الارجح والمعتاد في مكتب شركة ناس في شارع التحليه مقابله مستشفى النخبه .. طبعا دخولك عادي جدا يعني مافيه اي تعقيد بس ممكن يسألك رجل الامن عن سبب الزياره واسم الشخص المقصود بالزياره .. طبعا مجرد انك تخبره ان عندك مقابله شخصيه اكيد بيكون اسمك موجود او راح يتصل على المسؤول ويسمح لك ويوجهك الى المكتب المقصود
- طبعا اول ما توصل للمكتب المقصود راح تلاقي شباب غيرك موجودين لان المقابله راح تكون ل مجموعه من الشباب بس العدد ما راح يكون اكثر من 20 شخص يعني الموضوع راح يكون مرتب ومافيه اي ازعاج او فوضى
- بعدها يجي شخص يتاكد ان الجميع اسمائهم موجوده عنده بالورقه وهم نفس الاشخاص اللي جاهم اتصال وطلب منهم الحضور لاجراء المقابله
- بعدها يطلب منكم الدخول في قاعه او غرفه اجتماعات وفيها متوفر الاقلام والاوراق بس ما يمنع يكون معك قلمك الشخصي ويفضل يكون ازرق .. وتوزع عليكم الاوراق الاختبار وسبق وذكرت امل ايش اللي يحتوي عليه الامتحان .. كله خيارات قواعد ومصطلحات يختبر مستواك باللغه النجليزيه واكيد راح تقول ايش مستوى الصعوبه وانا اقول لك انه ماهو سهل بس اذا كنت كويس باللغه راح تعمل كويس
- بعدها تنتظروا بنفس المكان اللي كنتوا متجمعين فيه بالاول وينادى عليكم شخص شخص للمقابلة الشخصية .. وراح تكون مع اشخاص من الموارد البشريه ومن شخص او شخصين من قسم الضيافه الجويه .. راح يكون فيه سعوديين واجانب بالمقابله بس المقابله بنسبة 90% راح تكون باللغه الانجليزيه والاسئله راح تكون متنوعه ومنها عرف بنفسك وراح تكون السيرة الذاتية معهم وراح يسألونك عن دراستك اذا كنت دارس من قبل وعن خبرتك لو معك خبرة بالطيران او بأي مجال ثاني .. وهذا النوع من الاسئله لها اهداف كثيره منها معرفة مستواك باللغه الانجليزيه ومنها اخذ خلفية عنك شخصيا
- بعدها يطلب منك الانتظار او المغادره وانتظار اي اتصال من الشركه .. انتظارك او مغادرتك لا يدل على قبولك للوضيفة او لا .. لان في اشخاص طلب منهم المغادره وانتظار اتصال وفعلا تم الاتصال معهم وتم التنسيق معهم لإجراء الكشف الطبي وتوقيع العقد
تقريبا هذا وصف كامل لجميع المراحل اللي راح تمر فيها بالتقديم لوضيفة مضيف جوي ب طيران ناس وبالنسبة للبس والاشياء اللي تاخذها معك
- نسخ من اوراقك الشخصية وسيرتك الذاتية وصور لأجل تكون جاهز لأي نقص في اوراقك المطلوبه حتى لو كنت راسلها من قبل بالايميل
- بالنسبة للبس يفضل وبشكل كبير يكون اللبس الرسمي والتخلي عن الزي السعودي من ثوب وشماغ لان بالمقابله حابين يشوفون كيف راح تكون لو لبست اليونيفورم بعد قبولك ان شاء الله ويا ليت يتم الابتعاد عن اللبس الكاجول .. يعني جينز وتي شيرت .. اشدد على اللبس الرسمي والمرتب وانك تكون بأفضل صوره .. وانصحك تروح ل حلاق تركي يزين لك السكسوكه والقذله :iconloli:
- في توصيه اخيره وهي الحضور بالموعد المحدد وغالبا يكون موعد المقابلات صباحا يعني تجنب التاخير وزحمه الرياض بانك تطلع للشركة بددددري كثير
اتمنى لكم التوفيق يا رب واتمنى اني قدمت ولو الشيء القليل واللذي فيه فائده للجميع