[mohammad alajmi]

طيران الامارات ال.... مادري وش اسميه!
اليوم من اول ساعه الي الان حصل لي مشكله كبيره برحلتي من الكويت الي باريس عبر طيران الامارات.
اليكم التفاصيل فتكونو حكم واكون اما صاحب حق او باطل.
التاريخ 27/1/2017
الدرجة رجال اعمال.
مفروض الاقلاع من الكويت الساعه 3:45.
الاقلاع من دبي الي باريس
7:50
تغلق البوابة في مطار دبي 7:30
انا وصلت البوابة 7:34 .
طارة اصلا متاخرة من الكويت اعتقد 4:30 او قبل بشوي.
لمى كنا قريب دبي قعدت تلف وتلف وتلف لغاية م سمح لها بالهبوط.
بعد الهبوط توقفت بمكان بعيد. نزلنا عبر سلالم.
كان الوقت 7:10.
وصلنا مبنى المطار 7:23
او اكثر.
وركض ياخوان. صعدنا الي قطار ومنه الي بوابة A23
لاحظ انا راكب رجال اعمال.
وصلت والا البوابة مغلقة!
تضايقت وعصبت وانا مو مسؤول واهم يقرون بهالشي.
قالوا تب نوديك فندق الي موعد الطائرة الثانية الساعه
14:50 .
ولا تبي نعطيك لاونج الدرجة الأولى.
ف قلت لهم اني اطالب بالترقية الي الاولى اوتقرير بالوضع لاتمكن من طلب تعويض.
فقالوا لا التقرير ناسف.
اخذوني الي لاونج الدرجة الاولى.
قالوا اذا ماجازلك راح نوديك الفندق روتانا اللي عند المطار. وترد عال١٢.

طبعا طلبت ونبهتهم على انهم يعطوني على نفس المقاعد
A اللي هي تكون عالشباك ورفضوا! بحجة أن الطائرة تم حجز
وكل مقاعد الشباك بالجهة لااخرى تم حجزها. والطائرة من نوع A380.
وانا نبهت عليهم بضرورة ايجاد المقاعد المفضلة.
شديت عليهم ودار هالكلام ادناه مع ٤ من موظفات استقبال الدرجة الاولى.

انا اللي دافع فلوس.
انتو غيرتو رحلتي.
وغيرتو مقعدي.
مو ناقص الا تغيرون وجهتي!

ومازلت حاليا اتحدث اليكم اقبع في قاعات الاولى انتظر الطائرة في الساعه 14:50 مع وعد بترقية اما اللي في المقاعد اصلا او ترقيتي الي الاولى. لكن لم يصروا على انه وعد.
ارجو الافاده عن حقوقي اللي يجب عليهم تعويضي بها ومااحتفظ به كي اطالب بالتعويض ان لم يقدمو لي مقاعدي المختارة او الترقية مع اني عطيتهم عرض اما مقاعدي وترقية الركاب الجالسين بها او ترقيتنا لان احنا اثنين لان كل مايهمني ان احصل على حقي فقط.
مع العلم ان المدة في باريس ٥ ايام . الاربعا صباحا ارجع.
اليوم لمى اوصل باخرة..معناها راح كله!!
مع بالغ الشكر للجميع.