والله انا واحد من الناس اللي بيفضلوا مطار النزهة بكتير عن برج العرب
لكن مشاكله اكتر من مميزاته
ده كفاية شكل مبنى الركاب بالضبط عامل زي عمارة من دورين
و لا برج المراقبة اللي موجود على سطح المبنى
و كله كوم و صالة الوصول كوم تاني خالص
بالضبط عاملة زي الشقة المفروشة اللي من غير غرف يا دوب تكفي 50 واحد
أصلي مش المهم بس يطولوا المدرج و كفاية
لازم مبنى الركاب اللي موجود دلوقتي يتهدم و يتعمل واحد جديد و حديث
و يجيبوا اجهزة هبوط مساعدة جديدة و حتى على الأقل يتعمل برج مراقبة
أما بقى لو حيطولوا المدرج و تفضل كل حاجه زي ما هي
يبقى يروحوا يناموا احسن !
و ربنا يوفق الجميع
شكرا على الخبر كابتن ايمن