[tulipflower]

طبعا كالعادة هما كانوا قايلين المعاد الساعة واحده طبعا فضلنا ملطوعين من واحده للساعة 3 لما حد جة عبرنا عشان يقيسوا وزن وطول و طبعا الطويله بتقصر و القصيره بتقصر اكتر و متسألونيش ازاى بس و رجعنا تانى نستنى و المقابلة بدأت الساعة اربعة بالثانية بصوا يا جماعة هو انترفيو عادى خالص مفيش اى اسئلة معقدة الواحد بيدخل مبتسم و قداموا سبعة من اعضاء اللجنه بيجيبوكى من فوق لتحت طبعا كل اللى سألوة انتى خريجة اية و دفعت سنة كام عندك كام سنه بابا شغال اية و ماما و اخواتك و طبعا السؤال الغتيت ليه عايزه تبقى مضيفة و بتقرى قطعة و بيقولك ميرسى و هو دا اللى حصل معايا و هتلاقيهم ظوراف و كوول خالص بس بيقعدوا يبصوا للواحد بطريقة توتر مووووت و كمان اللى عملوه مع البنات اللى دخوا قبلى خلوا الواحد يتوتر جدا من اول ما يتفتح الباب تسمع التعليقات لالالالالالا دا انتى قصيره خالص لالالالالالالالالا دا انتى اوفر ويت طبعا باقى الجروب كانت اعصابة فى الحضيضلما بيسمع الكلام دا بس هو دا كل اللى حصل بس بصراحة انا مش متفائلة ,يلا بئا ربنا يستر و اللى عايزه ربنا هو اللى هيكون , و ارجوا انى اكون افدكوا يا جماعة