[marinafm]

تصرف الكابتن سليم 100 في المئة

الصراحه التسيب الي قاعد نشوفه في تصرفات بعض أفراد الحماية و التأخير هذا طيران مو راكبين جمس يعني الطيارة الساعه 11:45 يايين الأخوان الساعه 12 و يشتكون و الله قواة عين .. و فوق هذا كله يقول ارواح ناس !! لو ارواح الناس تهمهم ما تأخروا و كانوا على مناطق توزيعهم الأصليه عند الكاونتر و البوابة و يشيكون على الطيارة كلها قبل لا يدخل أحد داخل الطيارة.

و الكباتن في الكويتية تعبوا من الفوضى الي يسببها بعض رجال الحماية من تصرفات و مغازل و تحرش في البنات (هذي شوف عيني محد قال لي) الحبيب يتحرش في البنت و يراويها السلاح و الهوية على انه كشخة... و المصيبه 3 ارباع العاملين في القطاع هذا غير مؤهلين و واسطات و دون مستوى التعليم حتى لغات ماكو .. يعني اشلون يتفاهم مع أحد في حاله المشكله...

و ال130 الف ... و الله ما أخسرها الشركة لانه لو كانوا الأشخاص القائمين على الحماية يفكرون بخدمة الوطن و حماية الناس أول شي يفكرون فيه المال العام ( و لا هذا ماي سبيل؟ الكل يسحب منه على مزاجه)


زين ما سوا الكابتن .. و على راسي .. و انا مكانك اسوي نفس الشي .. و أكتب تقرير في الحماية لانه المصيبه الي يشتغلون في إدارة الحماية و الحماية نفسها ما يعرفون شي عن طريقه العمل في مجال الطيران .. ما يدرون انه التأخير يمكن يسبب خساير و تأخير و ضياع وقت الهبوط المحدد عند بلد الوصول..

هذا رأيي الشخصي و للأسف عندما يقال الحق .. بعض الناس لا تحس و لا تستحي