[مواطن كويتي]

اقتباس:     المشاركة الأصلية كتبت بواسطة s-a-l-e-m  

اتفق معاك بكل ما تقوله اخوي مواطن و الي اقصده ان الكويتية مهمله من قبل الحكومه من ناحيه الدعم
اما اختلف معاك في نقطه سالفه التوضيف مثال انا الحين بتخرج طيار وكويتي وين اتوظف ؟؟ اكيد الكويتية كونها شركه حكوميه ملزوم عليهم يوظفوني وهذا يحدث في جميع الشركات التوظيف شي اساسي و صحيح ان الاعداد كبيره ليش ؟؟ لو تقارنها بالشركات الثانيه تطلع قليله جدا جدا بس بسبب اهمال الحكومه لدعم الكويتية الشركه واقفه وما قاعد تتوسع والناس كل يوم تزيد و تدرس وتحصل على شهادات هذول شي طبيعي بيتوظفون مالهم شغل ب النتجيه خساره الكويتية كونهم كويتيين
التعليم العالي الحين هذي السنه الثالثه مادري الرابعه فاتحين هندسه طيران بعثات داخليه و خارجيه
؟؟؟ هذول وين بيتوظفون ؟؟؟ راح يلجئون للكويتية

بختصار اخوي انا اشوف ان موظفين الكويتية عددهم قليل مقارنه بمؤسسات اخرى حكوميه الحكومه اهي الي حطت نفسها في هل الموقف

اما بنسبه للخدمات و الطيران ك سفر فهو ممتاز في كل المقاييس

السلام عليكم
مرحبا فيك أخوي سالم
رأيك غير مستغرب ولكنه بصراحه هو من أسباب المشاكل عندنا بالكويت و في العديد من الدول
قبل لا أدخل بالنقطة التي اختلف معاك فيها و هي موضوع سياسة التوظيف اعلم اني أتمنالك و أتمنى لجميع شبابنا الكويتيين كل خير و التوفيق والنجاح
لكن نقطة اني أتخصص بتخصص و ادرسه و يا حكومة تعالي وظفيني بالمكان الي أنا اختاره و أقعد أحط واسطة و أحب الخشوم و أتوظف بالمكان الي بمزاجي في حال إن كان هذا المكان أساسا مافيه شواغر فهذه مصيبة أولا بسبب تكدس موظفين و البعض بداوم و بعضهم ما راح يكون له أي دور ولا بداوم وانا ما اقصد هنا وظيفة الطيار بالذات لكن هذا وضع عام عندنا بالديرة وهذا خطأ خطأ خطأ لا البلد قاعد يستفيد منه ولا قاعدين نطور الأداء الحكومي ولا قاعد الموظف ياخذ خبرة كافية علشان باجر يصير مسؤول و قادر يتحمل المسؤولية
أتمنالك كل التوفيق و باذن الله تتعين بوظفية مساعد طيار بعد تخرجك لكن لا يصير فكرك و توجهك فقط نحو الكويتية و نحو القطاع الحكومي الكويتي انك راح تتوظف فيه و الحمد لله شركات الطيران في المنطقة قاعده تتوسع و اذا حصلت فرصة لا تطوفها على الأقل ما تحس انك قاعد بمكان زيادة عدد و انهم موظفينك مجاملة لشخص ما لا لكفائتك و مهنيتك العالية