السلام عليكم
مرحبا فيك أخوي سالم
رأيك غير مستغرب ولكنه بصراحه هو من أسباب المشاكل عندنا بالكويت و في العديد من الدول
قبل لا أدخل بالنقطة التي اختلف معاك فيها و هي موضوع سياسة التوظيف اعلم اني أتمنالك و أتمنى لجميع شبابنا الكويتيين كل خير و التوفيق والنجاح
لكن نقطة اني أتخصص بتخصص و ادرسه و يا حكومة تعالي وظفيني بالمكان الي أنا اختاره و أقعد أحط واسطة و أحب الخشوم و أتوظف بالمكان الي بمزاجي في حال إن كان هذا المكان أساسا مافيه شواغر فهذه مصيبة أولا بسبب تكدس موظفين و البعض بداوم و بعضهم ما راح يكون له أي دور ولا بداوم وانا ما اقصد هنا وظيفة الطيار بالذات لكن هذا وضع عام عندنا بالديرة وهذا خطأ خطأ خطأ لا البلد قاعد يستفيد منه ولا قاعدين نطور الأداء الحكومي ولا قاعد الموظف ياخذ خبرة كافية علشان باجر يصير مسؤول و قادر يتحمل المسؤولية
أتمنالك كل التوفيق و باذن الله تتعين بوظفية مساعد طيار بعد تخرجك لكن لا يصير فكرك و توجهك فقط نحو الكويتية و نحو القطاع الحكومي الكويتي انك راح تتوظف فيه و الحمد لله شركات الطيران في المنطقة قاعده تتوسع و اذا حصلت فرصة لا تطوفها على الأقل ما تحس انك قاعد بمكان زيادة عدد و انهم موظفينك مجاملة لشخص ما لا لكفائتك و مهنيتك العالية
السلام عليكم
الي افهمه منك انه ليش ادرس طيران لاني احبه
اخوي الوظايف كلها فل وين نروح ؟؟
هندسه فل اعرف شخص صارله سنه متخرج هندسه بترول ومن جامعه الكويت وبدرجات عاليه و قاعد بالبيت ؟؟
والطيران نفس الشي وجميع الوظايف
علما ب انا ادرس على حسابي الخاص مو على حساب الحكومه ولا حب خشوم ولا شي
عموما انا لما اتخرج او اي كويتي ماراح يحتاج واسطه وحب خشوم في شي اسمه ويتنق لست كوني كويتي
وسالفه الواسطه هذا سستم الديره ماشيه عليه من عشرات السنين ولا يمكن نغيره انا او انت
" ان ما طاعك الزمن طيعه"