[abdo22]

احب ان شارك بهذه السطور المتواضعه من واقع عملى وخبرتى كموظف حجوزات طيران واتمنى انى يستفاد منها الجميع :


اولا ممكن نقسم موظف حجز الطيران لثلاث مستويات كلها مرتبطه ببعضها بمعنى اخر لا يمكن ان تبدا بمستوى اعلى من التانى او تبدا بالثلث مستويات مع بعض مهما كانت درجه ذكائك او استيعابك للكورسات لازم تكون مرحله مرحله حتى لو كان الفارق الزمنى بينهم بسيط:


اول مستوى هو موظف حجز مبتدئ:

وهو من شاءت له الظروف ان يعمل بهذا المجال او سمع عنه وحابب يجرب او يدخل المجال ده فمن اهم عوامل نجاح المرحله الاولى كالتالى:
1-ممكن تبدا بكورس نظرى عن نظام الحجوزات الاليه فى احد المعاهد او الاماكن المخصصه فى هذا المجال بحيث هتاخد فكرة ياعنى ايه حجز وياعنى ايه تذكرة وشركات الطيران .
2-ممكن تدعم هذه الكورسات انك تبحث على النت وتحاول تقرا اكتر عن الموضوع او انك تحاول تتعلم على برامج مشابه للبرامج الحقيقيه وده طبعا بعد الكورس النظرى .

3- ممكن لو تعرف شركه سياحه تروح يوم او يومين فى الاسبوع بحيث تعرف الاسئله الشائعه او الى بيدخل شركه سياحه بيستفسر عن ايه وطريقه تعامل الموظف مع العميل بتاعه.

4-تبدا بحفظ اكواد المطارات الشائعه التداول ومش شرط تحفظها ممكن تجمعها فى مذكره عندك وترتبها بحيث تقدر تطلع الكود الى انته عايزة بسهوله .

5-بعد ده ممكن تقدر تدخل اى شركه سياحه كموظف تحت الاختبار

تانى مستوى موظف حجز طيران متوسط:

1-تبدا بعمل الحجوزات وتسال اى زميل لك عن اى خطا او مشكله بتظهر لك لانها غالبا بتكون حاجات بسيطه بس انت متهيالك ان الدنيا بازت عندك او ترجع للمذكرات بتاعتك بحيث تصحح الادخالات الغلط لان السيستم عمرة مهيقبل حاجه غلط لازم تكون بالادخال الصحيح ليها .

2-لو ليك زميل فى المكتب حاول تكون قريب منه وتشاهد هو بيعمل ايه وتحاول تتعلم الحاجات الصعبه عليك والاختصارات الى بيستخدمها .

3-يكون كويس لو الشركه عملت لك دورات بحيث تربط بين شغلك العملى والتدريب.

4-تبدا باصدار التذاكر وعمل تقرير المبيعات.

ثالث مستوى لموظف حجوزات الطيران:

1-تبدا بعمل الاصدار واعاده الصدار البسيط
2-اصدار التذاكر المخفضه والديل مع شركات الطيران.
3-تعلم نماذج الاسترجاع وطريقه عمل الريفاند.
5-طباعه تقارير المبيعات ومراقبه الحجوزات.وكيفيه التعامل مع الكيواهات.


ملاحظات على موظف الطيران المتيز:

1-قم بتلخيص الحجز للعميل قبل شرا اصدار التذكرة.
2-شرح كل شروط السعر للعميل من استرجاع او تغيير.
3-تقديم الخمات الاضافيه للرحلات كحجز المقعد والوجبات والكرسى المتحرك حسب حاجة العميل.
4-اضافه كل معلومات الاتصال بالعميل فى البلد الى مسافر اليها حيث فى بعض الحالات يحدث الغاء او تاخير للرحلات فيكون من السهل لشركة الطيران الوصول للعميل وبلاغه.
5-اللباقه فى الحديث وفهم احتياجات العميل اذا كان يبحث عن سعر افضل او خدمه افضل.


الا الا يتضايق البعض من الطرح النظرى ان شاء الله نعمل امثله عمليه وارحب باى اضافه من العضاء المحترمين.


تقبلوا تحياتى وشكرااااااا