[Abdullah_uk]

بسم الله الرحمن الرحيم


رحلتنا في بريطانيا غـــيـــر


ليش غير ؟

لأن وبكل بساطه رحلتنا غير وبإختلاف 180 درجة عن سياحة 99.9 % من السواح


اكيد حابين تعرفون وش السالفه


راح اقولكم نبذه بسيطه عن الرحله والرحله تعتبر قديمة نوعاً ما لكن ذكرياتها مازالت عالقه بأذهاننا


في يوم من ايام صيف 2007 اتصل بس صديق عزيز يدرس معنا في بريطانيا وقالي في شباب مثلك وشرواك جايين بريطانيا وابي نسوي شي ماعمره حصل نبي نضحك نبي نلعب نبي ننبسط ما نبي فنادق ما نبي فلل ما نبي داخل مدن

قلت له هذا لغز مو طلب


قال في فكره في بالي بس ما تضبط إلا وانت تكون شخص اساسي بالفكره

قلت له كيف ؟

قالي عبدالله انت معك سيارة وعندك كل اغراض الطلعات يعني (العزبه متوفره عندك) لمن لا يعرف العزبه فهي شنطة بها جميع ما يحتاجه الشخص في رحلاته البرية



قلت طيب وش في بالك الحين وش ناوي عليه

قالي عبدالله نبي نطلع رحلة جنوب بريطانيا ونستاجر كرفان في مخيم نجلس فيه كم يوم نغير جو

قلت ماطلب شي انا وسيارتي والعزبه جاهزين بأي وقت انت آمرني بس


اتفقنا على كل شي والشباب اللي جايين عند خوينا وصلوا بريطانيا لأنهم جايين زيارة من السعودية بينما انا وسلطان مقيمين للدراسه في بريطانيا



تم حجز الكرفان وجمع القطة المطلوبه من كل شي شامله كل شي (الكرفان - اكل - عده طبخ كامله - مصروف بنزين ...إلخ إلخ)


حركنا من لندن متجهين الى المخيم اللي محجز لنا فيه كرفان



وصلنا بحمد لله للمكان المطلوب وبصراحة المكان هادي ورايق على الآخر وها هو المطلوب


ما ودي اكثر كلام ولكن اخلي الصور تحكي لكم كل شي



هذي صورة المبروكة في الموقع





وهذي صورة اخرى للمبروكة اللي تحملت مشاروي فيها طول هل فتره



هذي صورة لأعضاء رحلة (ارفع رجلك انت في رحلة)







وهذي الصورة لأعضاء الرحله كاملة بما فيهم انا عبدالله




اسماء اعضاء الرحله من اليمين الى اليسار

1- محمد
2- بندر
3- سلطان (راعي الفكره للرحلة والقهوجي حقنا )
4- عبدالله (محدثكم) مسؤول كل شي بالرحلة + الطبخ



راح اكتفي اليوم واشوف اذا في تجاوب منكم راح اكمل الموضوع وإلا راح ابطل




ملاحظة سبق وان نزلت الموضوع في منتدى آخر ولكن بطريقه اخرى وكل المواضيع خاصه فيني







اخوكم
عبدالله