[خويللد،]

السلام عليكم ورحمة الله وبركاته ،
كيف حالكم جميع عساكم بخير ،

المهم يا جماعة الخير انا قررت اني ادرس علوم طيران واصير طيار بإذن الله ،
وللامانه اني عرفت معظم اللي لازم اعرفه عن الطيران في هذا المنتدى الطيب وعسى الله يجمعنا واياكم ع الخير دايم ،

طبعا دقيت ع الاكاديمية الاردنية وقالوا لي مدة الدراسة بتكون 22 شهر ب 70000 دولار امريكي مقسطة شهريا على 2000 دولار من غير المقدم وبحصل على 4 رخص جوية بعد الـ22 شهر ،

طبعا قبل ما اقدم على هذي الخطوة عندي كم سؤال ملخبطني و للحين ما لقيت لهم حلول واتمنى اني الاقي الاجابات من اصحاب الخبرة في هالمجال ،

1- شرايكم بالاكاديمية الاردنية والدراسة ف الاردن وهل تعتبر غالية نوعا ما مقارنة باكاديميات ممتازة اخرى ؟ بشكل عام هل تنصحوني ادرس ف الاردن او تنصحوني اروح مكان ثاني مع ذكر اكاديمية ومعلومات عنها بشكل مبسط ،
( السماسرة برع الموضوع رجاء ) ،

2- بعد الحصول على رخصة CPL هل انتقل على طول لرخصة ATPL او لازم يكون عندي عدد ساعات طيران معينة ؟

3- بعد الحصول على رخصة ATPL وانوي اقدم على اي شركة طيران يطلبون ساعات طيران تقريبا 1500 ساعة كيف اجيبها وانا توني متخرج ؟ بشكل اوضح وين اقدر اتوظف بعد الـ22 شهر ؟

4- بالنسبة للفحص واختبار اللغة والرياضيات والفيزياء هل اقدر اسويه في بلدي او لازم اسويه ف البلد اللي بدرس فيه ؟

هذي الاسئلة اللي ف مخي واذا طرت علي اسئلة غير برد ازعجكم فيها