[mohammad alajmi]

اقتباس:     المشاركة الأصلية كتبت بواسطة KoRn  

ممكن توضح وجهة نظرك ولماذا
اعتقد حسب علمي تم تجديدها في المبنى C

انا توني مستخدمها . من اسبوعين اللي مقابلها قاعة الدرجة الاولى. واللي اهي غير عن قاعة الدرجة الاولى اللي انا دخلتها لها في رحلتي الي باريس (قاعة الدرجة الاولى كانت جدا جدا راقية وهادية وممتازة في كل شي ولا مقابلها قاعة ولا شي بروحها فوق.
لكن بخصوص قاعة رجال الاعمال اللي مقابلها قاعة الدرجة الاولى:
اولا.. الترتيب صفر.
الراحة والهدوء صفر.
لقيت اشخاص نايمين على الارض!! تخيل . قسما بالله العظيم اني شفت شخص نايم عالارض في قاعة درجة رجال الاعمال.
بوفية الاكل اربع خيارات! بس.
والسلطة ثلاث انواع.
والحلو كوكيز!!!!!! وتمر!!!!!! لالالا ارجوكم تكفون افهموني. شنو طيران الامارات؟؟؟
الشاور ..عادي جدا كأنك داخل تسبح في مسابح الاكوابارك! مش حالك .
ودورات المياه تكرمون عادية جدا. ذكرتني والمعذرة لمطار بلدي ذكرتني بمطار الكويت!!!!
الدوشة اللي في القاعة والاكشن والزحمة وانعدام الترتيب والهدوء كانك داخل مطعم حزة غدا وكل الطاولات فل وناطر دور وماتدري وين وويش تسوي!
للامانه انا صدمت جدا بالشركة وخدماتها وكل اللي فيها بناء على الكلام المتداول عنها اهني واعلاناتها وتوسعاتها واصلا انا ماادري ياخي احس اني كنت في كذبة مش في سفرة! بل واصدرت قرار نهائيا لارجعة فيه بعدم استخدام الشركة ابدا ولا حتى اصدقائي ولا حتى اهلي وجماعتي وحتى لو لم احصل رحلة عالكويتية بروح عالقطرية حتى لو الفارق عدا ضعف سعر التذكرة. ياعزيز احنا شايفين خير وندفع لكن يجب ان نحصل على الخدمة اللي تسوى المبلغ اللي انا دفعته. علشان كذا تشوف نقدي قاسي شوي سواء بالمعاملة بالمطار ام بالطائرة واذا انت تعمل في طيران الامارات تعال خاص خل اقولك اللي م يتقال اهني! لأن التهويل فاق التصور فالمفروض يكون النظر للواقع على الاقل بناء على ادنى فكرة!
واقصد يعني انا حتى ماراح ابلغكم عن المعاملة داخل الطائرة كيف كانت! اخاف تقولون مستحيل وغير صحيح
وطبعا لأكون اكثر امانه انا بعثت لاشخاص عندي بالموبايل واصدقاء اعرف انهم يسافرون على طيران الامارات صورا مباشرة حتى اسالهم هذا اللي تقصدونه وتستخدمونه؟
بس للامانه اكرر قاعة الدرجة الاولى شي. وقاعة رجال الاعمال شي ثاني!
وبالمقارنة مع اقرب المنافسين لها القطرية بمطار حمد. لاوجود للمقارنة معاها ك قاعة رجال الاعمال.
انا جربت الثنتين وشفتهم وقعد في طيران الامارات قرابة الاربع ساعات يعني عرفتها عدل ولفيلتها كلها.
لاوجود للمقارنة حقيقة بينهم لكني قيمت ثلاث نجوم لقاعة طيران الامارات وخمس نجوم للقطرية.