بعد بحث طويل .. حصلت معلومه كالاتي :
اول شي الدراسة ما عليه رسووم يعني على حسابهم...
بس شروطها تعور الراس...
الشروط : ولازم تتوفر فيك الشروط وهي كالاتي:
1- عندك شهادة ثانوية عامة بنسبة لاتقل عن 75% وكلما كانت النسبة اعلى فهذا افضل .
2- طولك مناسب يعني بين 165 الين 180
3- وزنك يتناسب مع طولك
4- من مواطني دولة الامارات
5- أن يكون العمر بين 18 - 28
6-أن يجيد اللغة الانجليزية كتابة وتحدثا
7-أن يكون لائقا طبيا بدرجة عالية
8- الحصول على درجة لاتقل عن 450 في امتحان التوفل او اعلى
- ما انا تتوافر بك هذه الشروط يجب أن تستعد لاجتياز ما يقارب 6 اختبارات وهي كالاتي:
1- امتحان في الرياضيات والفيزياء واللغة الانجليزية.
2-فحص طبي مبدئي
3- اختبار الشخصية والذكاء
4- اختبار الحواس وسرعة البديه
5- اختبار قوة الشخصية والتعاون (اختبار جماعي)
6-مقابلة شخصية
7- فحص طبي شامل ومشدد
8- اختبار الطيران في استراليا لمدة 3 اسابيع
هذا كلام من شخص يدرس اف كلية دبي للطيران
اختبارات القبـول وهي كالتـالـي :
1_ [
رياضيات + فيزياء + انجليزي ] - هايلا الثلاث اختبارات بتاخذهن ف جلسه ع فكره يطلبون منك شهاده توفل لا تقل عن
500 نقطـه عقـب ما تنجح ف هالثلاث اختبارات بيخبرونك بالنتيجه وبيعطونك موعد للاختبار الثاني
2_اختبار الفحـص الطبـي (
يشمل النظر الطول الوزن ...الخ ) اذا تطابقت مواصفاتك الطبيه بالمقرر عندهم بيعطونك النتيجه وعقب بيعطونك موعد الامتحان الثالث
3_هذا الامتحان يشمل بعض أمور الطيران [
INSTRUMENTE ] = اجهزه وعدادت الطياره ونظام عملها ومؤشراتها ...الخ طبعا هالامتحان انت بتدخل عليه مثلي دخلت عليه ماعرف شي بس بتدخل على جهاز الكمنبيوتر ف البدايه بيشرحلك كل شي وعقب بيعطيك امتحان وانته تحل عن هالاجهزه طبعا هالاختبار يقيسون منه درجه ذكائك ع قولتهم وفي فرع ثاني من نفس هالاختبار يقيس سريعه البديهه يعني شغلانه تييب الارف ماعلينا عقب ما تنجح ف هالاختبار
3_اختبار الشخصيـه ومدى تعاونك الاجتماعي مع من حولك بيحطونك مع قروب يشوفون مدى تفاعلك وياهم وجي يعني عقب ما تنجح بينقلونك
4_المقابله الشخصيـه .بسألك واحد عندهم بعض اسئله ليش التحقت بالطيران ومن هالاسئله طبعا الخص لي بيسويلك المقابله شخص مجرد ما تشوفه بييك سبع ميه الف هاجوس ف انت خلك واثق بنفسك واي شي يسألك عنه اذا تعرفه جاوب ماتعرفه قوله عيد السؤال وضح السؤال المهم انك ما تجاوب وانت ماتعرف.
واذا خلصت من هالختبارات كلها ووفقك رب العالمين مع مشوارهم لي يرفع الضغط (اخوك طفران منهم تحصلني اطيح بهم ههه بس لي سووه فيني مب شويه )
بيودونك استراليا وهناك بعد فيه اختبارات يعني مب شرط اذا نجحت ف هالاختبارات لي ف دبي تنجح هناك ف استراليا لان في شباب وايد اعرفهم نجحوا هني بس رسبوا ف اختبارات استراليا وردوهم لا تسألني شو الاختبارات لي هناك لاني ماعرف .)
- بعد اجتيازك جميع هذه الاختبارات بنجاح ستنضم لبرنامج تدريب الطيارين لدى طيران الإمارات والبرنامج كالاتي:
_ يتكون البرنامج من ثلاث مراحل
المرحلة الاولى:
وتتراوح مابين 4 الى 8 اشهر في دبي يتم تعليم المتدربين بعض المواد الأساسية مثل: 1- دورة في اللغة الانجليزية
2- طب الطيران
3- الرياضيات
4- العلوم والفيزياء
5- الجغرافيا والملاحه الجوية
6- الأحوال الجوية والطقس
7- ديناميكية الطيران
8- الاتصالات الاسلكية الجوية
9- إدارة وتقنيات التوتر وإدارة علاقات العملاء
المرحلة الثانية:
وتتراوح مابين10 الى 12 شهرا في استراليا ويتمالتدريب فيها على الطيران والحصول على رخصة الطيران بعد 230 ساعة طيران وتشتمل المرحلة على دراسة نظرية ايضاء في عدد من المواد وهي:1- الرياضيات والفيزياء
2- ديناميكية الطيران
3- اللإلمام العام بالطائرة
4- أنظمة الطائرة واساسيات المحركات النفاثة
5- قوانين الطيران
6- أساسيات توازن الطائرة
7- الأداء البشري وحدوده
8- الملاحة الجوية
9-الأحوال الجوية والطقس
10- الأدوات وعمليات الطيران
هذا هو نهاية البرنامج وبعدها سوف يعمل الخريجون لدى طيران الامارات برتبة طيار مساعد ...
[منقول]