ياليت لو تفصل الراتب شويه .. وهل الشغل متعب !؟
الراتب صعب افصله لانه يعتمد ع اشياء كثيره لكن لاتشيل هم الراتب والله طيب. انت حالياً لاتفكر بالراتب فكر بالشغلانه نفسها هل هي عاجبتك؟ عندك مشكلة تصب قهوه للركاب؟ تقدم لهم اكل وتشيل بقايا الاكل؟ تخدم عليهم بأي طلبات ثانيه؟ تحب تخدم احد ويوم تمشي تشوف علامات الرضا على وجهه لانك خدمته؟ عادي تنزف مره ومرتين ويطيح وجهك قدام طائرة مليانه بشر؟
انا اتكلم معك بصراحة لان هذي اشياء تصير وشباب كثير يدخلون الوظيفة بأحلام وردية وهم مو عارفين الشغله وبالاخير يفصلون منها ومايكملون وبالنهاية هم ضيعوا وقت وفرص راحت عليهم بحكم انهم مو عارفين الشغلة.
طبعا التخديم ع الركاب مو شغلتنا الاساسية بالطائرة احنا موجودين بالدرجة الاولى عشان حالات الطوارئ اللي ممكن لاسمح الله تصير ومدربين تدريب كامل عليها وكيف نتصرف ولكن احنا بس اللي نعرف هذا الشي الركاب او المسافرين كثير منهم ينظرون لنا على اننا مجرد خدم..
ماعليكم منهم ؟؟ طز فيهم؟ انا راضي بشغلتي؟ روح ياعمي والقلب داعي لك الوظيفة مافيه اسهل منها بالعالم ومافيه امتع منها بالعالم
