[كابتن/ شكري]

الموضوع ده انا فتحه عشان نتكلم بصراحة واحط تحتها خط يعنى نقول كل العيوب قبل المميزات اللي فيه
كل واحد يقول رايه ولو هو شخص مسئول هيعمل ايه في المطار ؟؟؟؟


للاسف مطار الاسكندرية الدولى اسم على غير مسمى
فهو كشك خشبى و مبنى متهالك ليس لة من العالمية الا اسمة الدولى فقط
يقع المطار فى منطقة النزهة و هو قريب جدا من محطة القطارات فى سيدى جابر حوالى 5 دقائق بالتاكسى
و كذلك قريب من موقف الاوتوبوس للقاهرة و غيرها و يسمى الموقف الجديد
و هو مطار صغير و سيقابلك صف طويل لختم الجوازات عليك الوقوف فية لفترة علمها عند اللة ثم تتوجة الى سير الامتعة و هو متهالك طبعا كالعادة ثم الجمارك و هى مساحة صغيرة مزدحمة
اذا لم يكن هناك احد فى استقبالك فعليك و على التاكسى و طبعا كلة حسب الاتفاق و انت و شطارتك
و يكمنك تأجير ليموزين من المطار و لكن هذا يعتبر غاليا على مقاييس مصر
و بالتوفيق ان شاء اللة و عمار يا اسكندرية
انا دائما كنا انزل مطار الاسكندرية (النزهة) لعدة سنوات وبصراحة الاجراءات عادة بتكون اسهل شوية اللهم انهم عقدة تفتيش الشنط عند الوصول لدرجة انني اخر مرة تكلمت مع الموظف الذي يعبث بحقائبي وقلت له (هو انتوا ليه دايما بتفتشوا مع ان مطار القاهرة ما بيعملش كده خالص وان مافيش مطار في العالم بيعمل موضوع التفتيش ده نهائي) وطبعا رد عليا بأسف شديد (لانه اسكندراني برضه) وقالي والله دي اوامر ولازم اعملها ....
ولم اكتفي بذلك بل فضلت اجادله بأن دي حاجة فعلا تثير حفيظة المصريين القادمين وخاصة ان التفتيش فقط للمصريين بينما الاجانب يقدمون لهم تعظيم سلام
واثناء حواري معه الظاهر لمحني ضابط قفل اني بأتكلم كتير وجاء مسرعا وعليه غضب وبصوت عالي سأل الموظف الغلبان (فيه ايه..عنده مشكلة ده والا ايه) فعلا حسيت انه مش متعود علي معاملة البشر وانما متعود علي معاملة بهايم ربما لانه منهم ويشبههم
المهم رد الموظف وقاله لا ياافندم كله تمام
وبالفعل انصرفت الي بيتنا بالسلامة وانا اتعجب من معاملة القادمين من الخارج ووجوة ضباط الداخلية البائسة والتي تشعرك بالغل والحقد لكل من هو قادم من الخارج
وطبعا انسي الابتسامات والترحيبات اللهم لو فيه بقشيش
مطار النزهه هو مطار صغير الحجم وممراته قصيرة لذلك لايمكن ان تتحمل الطائرات الكبرى
الانتقال من الطائرة الى مبنى المطار يتم بواسطه الباصات وهي معقوله جدا
صالة الوصول صغيرة ومحندقه يعني على قد الطائرات الصغيرة التي تنزل في المطار فقط
ومن اخر الاخبار انهم ومنذ الصيف الماضي تم ادخال نظام الكمبيوتر في الجوازات يعني البحث والتقصي يتم بسرعه عما كان سابقا ،،، صالة الوصول وسير الحقائب هو ايضا صغير وبسيط ويتناسب مع حجم المطار والطائرات التي تنزل في مطار النزهه
موظفوا الجمارك يفتشون جميع الركاب لسبب بسيط جدا وهو ان طاقم الجمارك له نسبة من متحصلات الجمارك التي يتم تحصيلها ونظرا لقلة عدد الطائرات التي ترد على مطار النزهه فان العائد لهؤلاء المفتشين ضعيف جدا مقارنه بجمارك الميناء او جمارك مطار القاهره

اجمالا عندما اقيس المزايا بالعيوب من حيث سرعة الوصول الى البيت من وط اسكندرية او السفر اربع او خمس ساعات اخرى من القاهره الى الاسكندرية وايضا مطار القاهره ليس بالمثالي ولا الاحسن في خدماته كثيراً فانا افضل دائما مطار النزهه ؛ هنزل عليه في منتصف الشهر القادم باذن الله
مطار إسكندرية صغير كدة ومحندق ودمة خفيف بالمقارنة طبعا بمطار القاهرة الغلس . وأجمل حاجة في مطار النزهة أنك ياباشا تمد رجلك تلاقي نفسك برة المطار بقدرة قادر . يمكن العيب الوحيد هو بطئ وصول الشنط علي السير ودة كمان بالقياس بمطار القاهرة صدقني ولا حاجة

وأحب أن أشيد بتعامل رجال الجمارك مع العائدين وسرعة عملهم .. هذة حقيقة والله

معلومات عن المطار




الصورة دي لطائرة مصر للطيران اكسبرس في اثناء وقوفها في مطار الاسكندرية