|
Flight Attendant
|
|
تاريخ التسجيل: 18 - 03 - 2009
الدولة: جده - دبي
المشاركات: 2,598
شكر غيره: 1
تم شكره 10 مرة في 7 مشاركة
معدل تقييم المستوى: 15928
|
|
|
رد: مصر للطيران تطلب تعيين مضيفات ومضيفين
للانترفيو ..
اللبس لازم يكون فورمال
للبنت سكرت (جيب)سودا تكون تحت الركبه بحاجة بسيطه اوى 2 سم عشان مش تكون قصيرة اوى وقميص ابيض او بيج فاتح وشراب بيج او اسود وشوز كلاسيك كعب عالى عشان التناسق بس مش يزيد عن 7 سم
وانسو مبدء ان كل متبقى الجيب قصيرة كل ميكون فرصه القبول اكتر لألأ خالص انسو الكلام ده
بالعكس كدا اللجنه مش هتحترم البنت وبلاش بنطلون عشان بيكونو عايزين يعرفو ليكون فى عمليه فى الرجل او ليكون حد مركب اطراف صناعيه
ممنوع الاكسسوار واللى متجوزه او مخطوبه تخلع الدبله والعدسات ممنوعه واللى نظرها ضعيف ممكن عدسات شفافه
والشعر ليس او wave
واللى شعرها طويل ممكن تعمله رابطه سبانش عارفينها طبعا يابناتيت
بس الكيرلى لألألألألألألألأ
الميك اب .. يكون هادئ وعملى بلاش الالوان الفاقعه اوى الاحمرات والحاجات الغريبه دى
بس لازم تحطو ميك اب حتى لو بسيط
الشباب ..
مش مستحب تروحو ببدل
قميص وبنطلون كلاسيك يكون شيك
وخلو بالكم عشان حتى التفاصيل الصغيرة بياخدو بالهم منها (الحزام-الشوز)
واهم حاجة الثقه فى النفس اهم حاجة
وهتلاقو اسئلة استفزازيه جدا عشان يعرفو قوه تحمل الاعصاب
طبعا الابتســــــــامه مش تفارقكم مهما قالو ومهما استفزوكم
الانطباع بياخدوه من اول فتح الباب وانتو داخلين عليهم
لازم يكون بأبتسامه لطيفه ومحدش يبص فى الارض وهو داخل خااااالص
تدخلو بأبتسامه وظهركم مفرود وتبصو لهم كلهم
ومش تتجاهلو اى حد منهم يعنى لو واحد سئل سؤال لما تيجو
تجاوبو تبصو لهم كلهم نظرات متساويه مش للى سأل وبس
ـــــــــــــــــــــــــــــــــــــــــــــــــ
بالنسبه للانجليش لازم يكون كويس
وعلى فكرة الامتحان التحريرى مفيش فيه نجاح وسقوط
كله هيدخل الانترفيو النهائى
بس هيبقى شكلها مش حلو لو حد جاب درجه قليله فى الاختبار التحريرى
عموما الموضوع ده فيه بعض الاسئلة المتوقعه انها بتتسأل فى الانترفيو
كانت عملاه سمر وكنا مجاوبين على بعض الاسئله فيه
ممكن تاخدو فكره فيه هيفيدكم كتير لان تقريبا الاسئلة مش بتخرج عن دى
Cabin Crew Interview Questions
بس طبعا مش كل ده بيتسأل ممكن 4 او 5 منهم كل بنت على حسب
والموضوع ده مهم كتير بردو عن المقابله
كيف تجتاز مقابلة الشخصية ؟ ملف شامل
عموما مش تقلقو فعلا الموضوع ابسط مما يكون بس مش تقلقو واهم حاجة الثقه فى النفس
واقرو انجليش كتير خصوصا عن السياحه عشان تاخدو على النطق الصح
وان شاء الله لو فى اى معلومات جديده هقولهالكم
ابواسماء
رباب حبيبتى
asyl84
ميرسى لكلامكم وذوقكم كتير
بس بلاش كلمات الشكر لانكم كلكم اخوواتى مفيش اخوات بيشكرو بعض :)
وبالتوفيق ليكم كلكم
معلومات قيمة ياسمين
متعوديين منك تميز داااائما ومساعدة الناس
ان شاء الله قلبي من عيوني حاضر
اي واحد عارف حاجة يساعدك تاني بس اهم حاجة تكون صحيحة
الله يوفقكم يا شباب وبنات كلكم تحققو حلمكم
تحياتي ..
|