[eng_kareem]

اخوانى و احبائى اعضاء منتدى الطيران انا بحبكم فى الله كنت عايز اقول لكم على حلم انا حلمته بس للاسف اول ما دخلت المنتدى الجميل جدا دا و حبيت اعرف الطريق للوصول للحلم دا ايه بس للاسف عرفت انه صعب يتحقق انا كان حلمى من وانا عندى 11 سنه انى اكون طيار كنت بحلم بالطيران و بحب الطائرات دا لدرجه انى و انا فى السن دا كنت عارف كثير من انواع الطائرات و شركات الطيران ( كنت بشوف الطياره و هى فى السما اعرف دى تابعه لشركه ايه من اللوجو بتاعها و لو كانت بتحلق على ارتفاع منخفض كنت بعرف نوعها كمان ) لدرجه انهم هنا فى البيت افتكرونى مجنون و كتير عرضونى على حلمى بس انا فضلت متمسك بيه و مع انى فى كليه هندسه الان و تخصصى بعيد عن الطيران تماما و لكن مع ذلك برضه امنيه حياتى انى اكون طيار مش عارف اعمل ايه تنصحونى بى ايه انا لازلت بحب الطيران جدا اكتر من تخصصى فى الكليه بس صعب عليا انى اتعلم الطيران نظرا لتكاليف التعلم العاليه ارجو منكم النصيحه و اكون شاكر ليكم يا كباتن انا فعلا فرحان بيكم نفسى اكون زيكم و اسف انى طولت عليكم بس حبيت اقولكم على الى جوايا لانى مش قادر اكتم حلمى و حرتى جوايا اكتر من كده