[captian eslam]

السلام عليكم ورحمة الله وبركاته
في الحقيقه انا مبسوط جدا لأني انضميت للمنتدي ده لأني الصراحه استفدت منه كتير اووووووووي
بس انا كان ليا استفسار واحد وياريت تسعدوني فيه
انا نفسي ابقي طيار مدني بس مش عارف في منح بيخدوها الطيارين من بلدي الي هي مصر
لأني للأسف مقدرش ادفع المصاريف المرتفعه دي في الوقت الحالي مع العلم اني في اولي ثانوي .
فا انا بسأل إذا كان في منح في بلدي للمجال ده اولا
او لو في شركات طيران ممكن تدفعلي في سبيل اني اشتغل معاها مده معينه بعد التخرج او حتي لو في منح في الخارج
ارجو افادتي
وجزاكم الله كل خير

[عبدالرزاق احمد حاتم]

اهل مكه ادرى بشعابها
الاخ الكريم
انته لسه في اول المشوار واتمنالك ان تكون اللي تريده وهذا طموح رائع
كمل الثانويه وحصل على معدل كويس علشان تكون مسيطر باختياراتك
اما بخصوص التكاليف فكل بلد وليه اسلوبه في تهيئه شباب المستقبل
اما ان تدرس على حسابك فهذا شي اخر
المهم كمل دراستك ويوم بعد يوم تتغير كثير من السياقات وكثير من الضوابط ويا ليت على زمنك تكون الدراسه مجانيه
وفقك الله

[Cpt.Mohammed]

كابتن أسلام ... انا أخوك محمد من مصر ولو عايز نصيحة أخوية .. ركز ف الكلام الى تحت ...

انت بتقول انك لسة ف أولى ثانوي , يعني لسة بدري ... بس دا مش معناه انى مش بحييك على طموحك ونظرتك الإيجابية للمستقبل ... بس الى هيوصلك للطيران ... مذاكرتك ونجاحك ف الثانوي .. نصيحة أخوية أكتر ...

فكر انك تدرس طيران بعد ما تاخد شهادة بكالوريوس ... هيكون أفضل ف التوظيف , وغير كدا خلال الست سنين دول تكون جمعت مبلغ الدراسة .... ويا عالم بلدنا ميبقاش فيها طيارين ويعملوا منح دراسية للمصريين زي ما حصل ف البحرين والأمارات وهولندا .... ومن غير أي فلوس ...

وكمان لو منجحتش لا قدر الله ف مجال الطيران , يكون فيه مصدر عمل تاني الى هو البكالوريوس او الليسانس ... وعليييييييييييييييييييييييييييك ثم عليييييييييييييييييييييييييييييك بالسيميوليتور ... لأنه هيسهل عليك المهمة انك تدرس طيران ... وسأل ناس أصحابنا هنا أكدوا ان خبراتهم على السيميوليتور سواء FSX او FS9 خلت الموضوع بالنسبالهم زي الحضانة ......

وأي خدمة أحنا تحت أمرك .....

[abd2006alg]

في الوقت الحالي مافيش
بس إنتا لسع المستقبل قدامك وإن شاء الله لماتأخذ الثانوية العامة تلقى إلى تحتاجو

[captian eslam]

شكرا لكل الاعضاء وجزاكم الله كل خير
وشكرا وبجد استفدت منكوا كتير
بس انا كان نفسي اسال ايه هو السمليتور ده ؟ ياترا عباره عن جهاز ولا برنامج

[Apollo11]

اقتباس:     المشاركة الأصلية كتبت بواسطة captian eslam  

شكرا لكل الاعضاء وجزاكم الله كل خير
وشكرا وبجد استفدت منكوا كتير
بس انا كان نفسي اسال ايه هو السمليتور ده ؟ ياترا عباره عن جهاز ولا برنامج

هو كليهما معا جهاز و برنامج ..... أي برنامج طيران مثبت على جهاز إما مشابه للطائرات على العموم أو مماثل للطائرة بعينها
فاالنوع الأول يكون عبارة عن جهاز يتكون من مقعد مثبت أي غير متحرك و شاشة و أحيانا 3 شاشات على حسب إمكانيات الجهاز بالإضافة لأدوات الطيران القياسية أي أنها تحتوي على الأجهزة الرئيسية للقيام برحلة طيران تدريبية لا أكثر
و هدا الجهاز يستخدم عادة خلال مراحل تدريب الطيارين المبتدئين أو الطلبة الطيارين و خصوصا خلال مرحلة الطيران الألي



أما النوع الثاني و هو الجهاز المماثل للطائرة معينة و بشكل أدق نوع معين
و هو يتكون من قمرة متحركة في الإتجاهات الثلاث و أجهزة الطيران ككل المتوفرة على دلك النوع
أي أنك عندما تشاهد قمرة القيادة للبوينغ 400-737 فسوف تشاهد قمرة مماثلة لها في جميع التفاصيل لكنها مجرد جهاز لايتوفر على بدن طائرة معد للطيران
و هدا النوع يستخدم في تدريب الطيارين على الطائرة التي سوف يعملون عليها و كدلك يستعمل لإنعاش الطيارين خلال عملهم دلك أنك تستطيع التمرن على جميع المشاكل المتوقعة و التي لايمكن القيام بها على الطائرة الحقيقة



للمزيد من المعلومات عن المحاكاة راجع الرابط التالي
https://en.wikipedia.org/wiki/Simulation

و أخيرا هناك محاكي وضعته مايكروسوفت وهو flight simulator
وهو برنامج تستطيع تركيبه على جهازك الخاص و التدرب على أغلب حركات الطيران و يوجد قسم خاص له في المنتدى

[Abdallah Hindy]

اهلا اخي اسلام انا اصغر منك بسنة
بس انا من مصر و ظروفي نفس ظروفك


انا سالت كتير و عرفت انك الاول اهتمبدراستك الحاليه
وبعدين تبقي تدور علي طريقة ووضع دراستك للطيران سواء ان كنت ستدرس في الكلية الجوية المصرية التابعة لوزارة الدفاع المصرية او انك هتدرسفي منحة خارجية او اكاديمية انت و ظروفك....
بعد الدراسة هتقابلك مشكلة صغيرة هي العمل
هي مشكلة اصغر من مشكلة التعليم بس انت بقي و نصيبك هتقدم في شركات الطيران في اي الي طالبين طيارين سواء في مصر او في الخارج و هيقبلوك او يرفضوك علي حسب رخصة طيرانك او ععد ساعاتك او او او...
دي مراحلك الي هتمرعليها بالترتيب باختصار
اهم حاجة تعمل زيي و تسمع الكلام و تهتم بمذاكرتك و دراستك الحالية و ان شاء اله نبقي طيارين انا و انت في مطار واحد