المجموعات الإجتماعية |
البحث |
مشاركات اليوم |
دروس وشروحات لبرامج الطيران التشبيهي موسوعة من الدروس التي تم طرحها في المنتدى عن الطيران التشبيهي |
إضافة رد |
|
أدوات الموضوع |
مشاركة [ 1 ] | ||||
|
||||
|
السلام عليكم
اولا أبدي أعجابي بالمنتدى الرائع ده والأعضاء الجمال اللي فيه ثانيا انا من عشان اللعبة ديه ونفسي اتعلمها بس للأسف في حاجات كتير اوي بتقف قدامي ومن الحاجات ديه , اني لما بكون عامل رحلة بقضي الرحلة كلها كويس وباجي قبل المطار وانا مظبط كل حاجة للهبوط الاقي السرعة زادت لوحدها ووصلت لأقصى سرعة ومش عارف اققللها مهما فعلت وطبعا ما بعرفش انزل في المطار تاني حاجة انا بلعب بالكيبورد وعايز اثبت الطائرة في مستوى لاني لما بحاول اطلعها لفوق بتطلع لفوق اوي ولما بنزلها لتحت بتنزل لتحت اوي وبثبتها في النص بصعوبة جدا فعايز اي طريقة تخليني اثبتها في النص ياريت لو تقدروا تفيدوني , ومستني ردودكم علي |
|||
مشاركة [ 2 ] | ||||
|
||||
|
وعليكم السلام ورحمة الله وبركاته...
أهلا بيك أخي الكريم في المنتدى.. أولا ممكن تقولي نوع الطائره؟؟.... بالنسبه للهبوط في شروحات في المنتدى هجبيلك روابطها لما أعرف نوع الطائره..... ثالثا:ممكن تستخدم الماوس عن طريق الضغط رايت كليك في الشاشه ثم إختار (ماوس يوك) وبعدها هتتحرك الطائره مع تحرك الماوس.. ولاكن أنصحك بشرائ جوي ستيك.... وأهلا بيك مره أخرى... |
|||
مشاركة [ 3 ] | ||||
|
||||
|
شكرا لاهتمامك جدا يا جميل
الطائرة هي Airbus A321 والمشكلة ليست باستخدام الماوس او الكيبورد المشكلة ان السرعة عن نقطة معينة بتثبت وما بقبلش انها تزيد انا حاولت افهم ليه ووصلت ان في علامة اسمها A.Floor وفوقها كلمه اسمها TOGA أعتقد ان السبب منها لان لما بتظهر كلمة A.Floor بتثبت السرعة ولما بتختفي الكلمة بستطيع التحكم في السرعة ولكن المشكلة اني كل ما اقترب من المطار بتظهر يعني مش عارف اهبط خالص مع العلم ان TOGA اللي هي بتتوقف عن طريق الضغط على ctrl + shift + g ما بتقبلش انها تتوقف غير لما اكون في المود بتاع الـ Autopilot وساعتها كل التحكم في الطائرة بيقف يعني ما بقدرش اتحرك شمال ولا يمين ولا فوق ولا تحت , يعني في كل الحلات مش هعرف اهبط بجد انا اتجننت خلاص , بالله عليكم حد يساعدني |
|||
مشاركة [ 4 ] | ||||
|
||||
|
العفو حبيبي طيب هي الطائره شكلها بروفيشينال (ارجوا التوضيح بخصوص هذه النقطه).... ثانيا وضع طبيعي إنك متقدرش تتحكم في الطائره أثناء تشغيل الاوتو بايلوت بالنسبه لكلمةTOGA معرفش حاجه عنها.... كذلك كلمةA.Floor (أخوك مبتدأ) بس عايز أعرف هي الطياره بروفيشينال ولا إستاندر؟؟؟؟....
اقتباس:
بجد انا اتجننت خلاص , بالله عليكم حد يساعدني
لا لا إحنا معاك لحد متتحل المشكله إن شاء الله.......... |
|||
مشاركة [ 5 ] | ||||
|
||||
|
شكرا حبيبي مرة تانية
وديه صورة الطائرة مستني الردود , بجد ساعدوني قبل ما امسح اللعبة عشان انا خلاص كرهت نفسي |
|||
مشاركة [ 6 ] | ||||
|
||||
|
هدي أعصابك يا عم في طيارات كتير غيرها وإحنا معاك إن شاء الله
طيب جربت طياره تانيه ,ممكن يكون العيب في الطياره..... |
|||
مشاركة [ 7 ] | ||||
|
||||
|
يا اخي شكرا على اهتمامك , بجد مش عارف اقولك ايه
بس انا جربت طائرات تانية وما عرفتش اسوقها خالص يعني مثلا بوينج 747 مش عارف اطلع بيها من المطار اصلا حاسس انها تقيلة جدا , وبوينج 737 بكون ماشي كويس اوي , وعند الهبوط بتزيد السرعة زي ايرباص 321 وبتفقد توازنها وبتفضل تلف لغاية ما تقع انا مش فاهم حاجة خالص |
|||
مشاركة [ 8 ] | ||||
|
||||
|
أنا معاك لو بعد سنه .......
أظن إن مشكلتك في الاعدادات.. المشكله الان إن أنا معنديش السميوليتر حاليا عشان كده مش فاكر حاجه من الاعدادات لاكن أنا هقولك على حد تذكري وإن شاء الله يمشي الحال.. إدخل على السيتنجز وحاول تعيد الاعدادات إلى الاعدادات الاصليه في اللعبه (مش عارف أوصفلك مكان معين لاني مش فاكر)لاكن غالبية الامر هتكون في الكنترول بتاع اللعبه حاول تعمله ريست.. ومشكلة البوينج 747 ...هي بروفيشينال؟؟.... وبالراحه كل الامور هتتحل إن شاء الله وأبدا متفكرش إنك تمسح السميوليتر علشان مشكله زي دي أبدا في غيرك مش طايله (مثلي أنا)هههههههههه............. |
|||
مشاركة [ 9 ] | ||||
|
||||
|
انا اقولك طبعا كلام الكاتبن كله صح
بس احسن حاجه تعملها انك تخلى ال Auto pilot هو الى يتحكم فى الطيارة انت واضح عندك فلايت سيميولاتور اكس اقترح تبدا بال 737 اول ما تفتح العبة اختار الطيارة والوقت والجو وبعدين افتح ال Flight Planner اختار مطار الاقلاع والوصول وباقى الحاجات و دوس اوك وبعدين Fly Now لما تبقى على ال Runway دوس F3 لحد ما تلاقى رقم مكتوب جنبه N1 فى شاشات الطيارة وصل 40 ساعتها فك الفرامل و دوس F3 لحد ما توصل N1 ل 95 و تكون طبعا منزل الفلابس عن طريق انك تدوس F7 ثلاث مرات ساعتها الطيارة حتسرع وبعدين طيرها والكلام الفاضى ده......:) بعدهاحتلاقى المرقب بيقلك تلف او تتطلع وانت تنفذ كلامه وطبعا متنساش فى ال Flight Planner تختار نوع الرحلة IFR وطبعا الكلام مع المراقب كالتالى افتح الصفحة عن طريق الضغط على حرف ال ذ فى الكيبورد و تدوس 1 او 2 حسب الحاجة المهم نرجع للموضوع نفترض المراقب قالك : Turn right heading 100 , climb and maintain FL 200 تعمل ايه؟؟؟ هو اقلك لف يمين الى 100 واطلع ارتفاع عشرين الف قدم تقوم جى فى الطيارة تلاق عندك تلاقى خانة مكتوب فقها ALT زودها لحد عشرين الف ودوس على الزرار الى مكتوب فوقه ALT HLD حينور وبعدين دوس على زرار ال Auto pilot اللى مكتوب فوقه CMD يتبع...... |
|||
مشاركة [ 10 ] | ||||
|
||||
|
وبعدين حتلاقى خانة مكتوب فوقها HDG خلى الرقم اللى فيها 100 وبعدين دوس على
الزرار الى مكتوب عليه HDG وكدا حتلاقى الطيارة بطير وتلف لوحدها دلوقتى لازم تضبط السرعة تعال على الخانة اللى مكتوب فوقها kias/mach وحط فيها السرعة اللى عايزها ودوس على ال A/T وعلى الزرار الى مكتوب فوقه سبيد Speed بس انتبه من ال overspeed وهى الحدود الحمراء فى عدادات السرعة المهم خليك على النظام ده لاخر الرحلة لما تقرب من الهبوط افتح ال GPS و دوس على زرار مكتوب عليه PROG حيظهرلك كلمة Select approach دوس على الزرار ENT بعدين اختار المدرج اللى قالك عليه المراقب ودوس ENT و بعدين ارجع للطيارة وغير السويتش الى مكتوب عليه NAV/GPS من NAV الى GPS ولما تقترب من المطار و يقولك contact tower دوس على الزرار الى مكتوب عليه APP حتلاقى الطيارة بتلف تلقائيا وتظبط نفسها على المدرج يبقى عليك انك تظبت السرعة تعال عند خانة السرعة وضع فيها مثلا 140 او145 مثلا وهذا يعتمد على الفلابس و وزن الطيارة وهذا بالنسبة لل737 وبعدين حتكون انت اللى تتحكم بالارتفاع لو الطيارة عالية نزلها ولو واطيه عليها بنفسك وبعدين لما توصل الطيارة الى ارتفاع 1000 قدم اضغط shift +? عشان تفتح ال Airbrakes تلقائيا عند الهبوط ولا تنسى تكون عامل ال Auto Brakes على 1 او 2 عشان الطائرة تخفف السرعة تلقائيا عند الهبوط ولما تبقى على ارتفاع 100 او 200 قدم الغى الA/T او ال Speed وتحكم بالسرعة يدويا F3 للزيادة و F2 لل تقليل ولما توصل ارتفاع 50 قدم دوس F1 لقفل الدفع و اقفل ال ( Autopilot (CMD وتحكم بالطيارة بنفسك ونزل الطيارة برفق ولما تنزل دوس وخليك دايس على F2 عشان تفتح ال Reverse Thrust ولما توصل السرعة ل60 عقدة دوس F1 عشان تقفل ال Reverse واقفل ال Airbrakes ب ؟ وارفع ال Flaps ب F5 و اركن الطيارة ورحلة سعيدة..........هذا بالنسبة للطائرات الاستندارد اللى فى FSX اتمنى اكون ساعدتك ولو فى حاجة مش فاهمها او حاجة تانى عايزها قول واحنا نساعدك ان شاء الله |
|||
مشاركة [ 11 ] | ||||
|
||||
|
بصراحه أنا أشكرك يا كابتن مع إني مليش دخل في الموضوع
وشكرا على التدخل الحلو..... |
|||
مشاركة [ 12 ] | ||||
|
||||
|
العفو ما سويت شى
|
|||
إضافة رد |
دروس وشروحات لبرامج الطيران التشبيهي |
|
|
|
المواضيع المتشابهه | ||||
الموضوع | المنتدى | |||
الفرق بيننا وبينهم نقطة.. | القسم العام | |||
يتوقف التحميل عند نقطة معينة ((مشكلة )) | Flight Simulator 2004 |