[RC Lover]

^
^
جد والله ؟؟؟؟؟؟

يا اخي وش سالفتهم الموقع

المفروض نقول لهم برساله اكتبوا اي شي ولا تخافون نقشعهن اذا وصلن السعوديه

راس مالها ستيكر بريال made in china

حنا عارفين القطعه وما يضر

لكن بعد هالسالفه لازم نشوف مواقع يكون مكتوب عليها هالشي



وبعدين سؤال على السريع
النظام هذا موجود فعلا اوكي

طيب هل طبق ؟؟؟؟؟

يعني هل فعلا احد طلب شي ومسكته الجمارك بحجه عدم وجود المنشاء او البلد المصنع ؟؟؟

[عبدالله الدغيلبي]

حاولت ...قبل اسبوع اني اطلب قطعه على مسؤوليتي ..رفضوا

اليوم موصيني احد الشباب ..الجدد في الهوايه ...وطبعا طالب اشياء من ضمنها الريموت الفوتابا 6 قتوات ...

وطلبت القطع ...ورجعت الأيميل بعده بدقائق ..الا يقوللي الريموت لا ..

Dear Tower Hobbies Customer,

Thank you for contacting Tower Hobbies. All items can be shipped to Saudi Arabia except for the following:

LXKAX8
LXPZT8
LXCGR6
LXJPC0

We appreciate your time and your business with us.

Angie
-Tower Hobbies
https://www.towerhobbies.com

اللي بالأحمر ارقام القطع

قلت مادام الريموت مايجي الباقي ماله داعي وانكسل الطلبيه كلها ..

انا بصراحه غسلت يدي من التاور هوبي ..والله تقول معاملة حقوق مدنيه ..اقعد3 ايام مراسلات ..واخرتها ..
can not be shipped

....................................

[saed80]

أفاااااا،
الحمد لله إني لحقت اشتري منهم الفيوتابا ال 6 قنوات قبل هذا القرار، استلمته تقريبا من 3 اسابيع او اكثر، شكله القرار جديد مرة

[البرنس]

ابو سيف فيه مواقع غير التور ترسل لك بدون مشاكل المهم انهم يقضبون الدراهم وبعدها يرسلونها على البريد

[محمدالحمد]

والله قهر يابو سيف ياعاد الفيوتابا مايرسلونه وش سنع الباقي ماله داعي

[عبدالله الدغيلبي]

اقتباس:     المشاركة الأصلية كتبت بواسطة البرنس  

ابو سيف فيه مواقع غير التور ترسل لك بدون مشاكل المهم انهم يقضبون الدراهم وبعدها يرسلونها على البريد

صدقت والله ..............
اشكل ..التاور هوبي ...اكثر ماكثر الله محلات الار سي ...

[عبدالسلام-1]

في hobby-lobby غالي شوية لكن ممتاز

[محمدالحمد]

انا معتمد على التاور هوبي لان لديهم تخفضيات فهذا الذي يميزهم

لكن مالموقع البديل بالتاور هوبي يعني موقع معروف وكبير مثلة

راح اكلم المحلات في الخليج بشوف كيف الوضع

[esgh]

تاور هوبي موقع كبير يمشي على الانظمه بحذافيرها
ولكن فيه نقطه تسجل عليهم
اذا المواد الي طالبها من ولايه ايلينوس (مركزهم الرئيسي ) مارح ينشحن اي شي مو مكتوب عليه صنع في
اما اذا الشحن من فرعهم بولاية نيفادا فكل شئ سيشحن اليك ؟؟؟
كيف يتحدد من اين الشحن = بحسب انت وين
السعوديه من ايلينوس لقربها من مطار الشحن الدولي لنيويورك ووجود صناديقنا في ارامكس هناك
مسئلة شهادة المنشاء ليست جديده وكل البنوك عند فتح الاعتمادات تطلب ذلك
ولكن لماذا الان
هنا السؤال

[لورنس]

السلام عليكم
اخواني
المشكله هذي ماهي من التور هوبي للأسف
هذي المشكله فرضتها السعودية على الموردين حتى تكون السلع معروف المصدر وبلد التصنيع
زي ما تعرفو السعودية ما تستورد من بعض ادول كإسرائيل وتمنع دخول اي منتج اسرائيلي لأراضيها
بالتالي يجب ان يكون بلد المصنع موضح على السلعه حتى تحقق من بلد المنشأ لأي قطعه ..

والله أعلم

بالتوفيق اخواني