[mr_triton]

شكراً لك اخي controller على الطرح الاكثر من رائع , للاسف شيئ محزن
وانشالله ترجع الخطوط السوريه احسن من اول , كل التحيه والاحترام

[anas109]

السلام عليكم
حياك الله أخي كونترول عالموضوع
حابب علق على موضوعك بالنسبة للفساد الإداري فحدث ولا حرج وهيئة الطيران المدني السورية
بمعظم كوادرها ووظائفها هي حكر على طائفة معينة أنا وانت وكل السوريون يعرفون من هي
وكله بكفة والمطارات عنا بكفة بتحس حالك بسوق الخضار
معاملة سيئة جداً وضرائب وابتزاز لابعد الحدود وما في احترام ابداً للمسافر
يعني الموظف ما بينظرلك على انك أنسان لا بينظرلك على أنك كيس فلوس ولازم ياخذ منه قدر المستطاع
واذا بحكيلك عن الأشياء التي بتصير عنا بالمطارات بتقلب على ظهرك من الضحك
وعلى فكرة في ضريبة اسمها رسم خروج بيدفعها المسافر وهو طالع من سوريا
( وعلى ما اعتقد بس المسافر السوري بيدفعها )
وسألت نفسي عدة مرات ليش بندفع ضريبة على خروجنا من سوريا وما توصلت لجواب
حتى جاوبني على سؤالي احد الأشخاص وتوقع شو كانت الاجابة
قلي هذا مو رسم خروج هذا رسم دخول فقلت له اذا لماذا ندفعه عند المغادرة وليس عند العودة
فقال لي خوفاً من ان تذهب بلا عودة او ان تعود وتقول لهم ما معي فلوس
والله الأمر سيء جداً جداً جداً
وعندي لك سؤال لو تقدر تفيدني فيه بحكم خبرتك ومعلوماتك عن الخطوط السورية
كم طائرة يضم اسطول السورية ككل
وما هي انواعهم
ومشكور سلفا واسف على الإطالة

[يسور سوريا]

انا معك واشاركك نفس المشاعر وبتمنى انو ينتهي احظر على قطع الطائرات قريبا لأن طيران السورية اصبحت على حافة الهاوية

[alsharif75]

ما علاقة الطيران المدني بالحصار, يعني اميركا مدعية الحضارة و حقوق الانسان ستكون سعيدة عند حدوث كارثة ضحاياها مدنيين لا قدر الله.

همه بيزعلوا على كلب لما صاحبه يتركه بدون اكل او علاج, و بتطلعلنا كوبرا ببرنامجها تعمل قصة كبيره, اما الناس ما الهم قيمة.

لكن الشرهة مو عليهم, الروس على عداء مع اميركا, و ما عندهم مثل مواردنا لكن اميركا ما بتقدر تفرض حصار عليهم لانهم بصنعوا طائراتهم بنفسهم, و لا ننسى الصين فهمت اصول اللعب و بدت تعمل طائراتها, هي اوكي ممكن تكون طائرات ورقية بجودتها لكن ما احد يقدر يفرض عليها حصار.