[عاشق الماجيكو]

اقتباس:     المشاركة الأصلية كتبت بواسطة radwa  

جماعة بليييييييييييييييييييييييييييييييييييييييييييييييي يييييز حد يرد عليا النهاردة التقديم للمضيفات من القاهرة بس انا بتكلم عن البنات لاني من الاسكندرية ووالدتي هاتروح معايا فبلييييييييييييييييييييييييييز تاني لو حد يعرف يرد عشان مانروحش علي الفاضي ارجوكم ساعدوني وجزاكم الله كل خير

-التقديم من القاهرة والجيزة والقليوبيه فقط (القاهرة الكبرى)
بس عندك حل ممكن تاجري شقة في القاهرة وتغيري محل السكن في البطاقة الشخصية بس انا شايف ان الموضوع هياخد وقت في تغير محل الاقامة
تمنياتي للجميع بالتوفيق باذن الله

[asyl84]

[QUOTE=flying pharaoh;864000]لسه كنت هناك النهارده وقدمت والدنيا مش كانت زحمه انا كنت هناك حوالى الساعه 1 الضهر
واخدنا ميعاد يوم 18 فبراير وقالولنا الميعاد ده هنيجى نشوف الاسماء ف كشوف وفيها مواعيد الامتحان
ومحدش زود حاجه عن كده,,,,,,وفعلا خريجى الكليات العمليه مش بياخدو اوراق منهم,,,,وكان هذا اخر ما ورد الينا من انباء.....بس اللى يروح مينساش يعمل حسابه انه هيدفع 20 جنيه وهييجيب دمغه ب جنيه و 10 قروش بس الموظف هياخد منه جنيه ونص,,,,ممكن وانت داخل على صاله واحد هتلاقى بنك مصر جواه هتلاقى بوسته دور على الست ام نضاره هتلاقى عندها الدمغه .....وربنا يكرم الجميع ان شاء الله[/QUOTE
هو دة الى حصل بالظبط وتقريبا دة سامبا صاحبى الى كاتب الكلام دة لان انا وهو عملنا كدة بالظبط وجبنا الدمغة من الحاجة ام نضارة المهم اول ماتروح هتجيب الدمغة وبعدين هتكتب اسمك فى ورقة الناس هى الى عملنها هيتنادى على اسمك هتقدم الورق هيتاكد ان الورق مظبوط هيديك ابلكشن هتملاة وتطلع الدور التانى تدفع الفلوس 20جنية هيديك وصل هتسلم الورق فى الشباك الى جنب الى اداك الابلكشن هينادى عليك هيديك ورقة مكتوب فيها رقم الطلب والميعاد الى تيجى فية . الابلكشن بالعربى تمام عبارة عن اسمك وسنك ووظيفة الاب ووظيفة الام ولو عندك حد قريب فى مصر للطيران (كوسة يعنى ) وشوية معلومات عنك مش محتاج بدل خالص وانت رايح انا روحت بالجينز وتى شيرت وهروح 2/18 عشان اشوف طلبى اتوافق علية والا لاء وهيبقى مكتوب فى لوحة الاعلانات دة لو اتوافق عليا يعنى ان شاء الله فى نفس المكان الى قدمنا فية ...ياريت ياجماعة يكون معاكو الاصل لان صاحبى الى كان معايا كانو عايزين يرجعو عشان الجيش مش باين فى التصوير 3 سنوات تلاكيك يعنى بس بالبلطجة مشيت وفى انتظار الناس الى نزلت تمتحن ترجع تقولنا اية الى حصل معاها بالظبط تمام وياريت نساعد بعض كدة وانا ان شاء الله يوم 2/18 هاجى واقولكو اية الى حصل معايا وربنا يكرمنا جميعا :iconloli:

[DODO SASA]

انا عايزه اعرف فى تقديم بجد وله لا عشان انا رحت وسئلة وقلوه لا انامش عارفه اعمل اه وفى اعلانات فى تواريخ غريبه ياريت الرديكون مفهوم والتاريخ يكون واضح

[DODO SASA]

انا نفسى اكون مضيفه جويه واتمنى انى احقق حلمى واتمنى انكم تشجعونى

[asyl84]

ياجماعة طبعا كلنا هنا عشان نفيد بعض بس اتعبو شوية ودورو هنا دول 15 صفحة بس لحد النهاردة وهتلاقو معلومات بجد جامدة اخر حاجة تانى هنقولها تانى فى تقديم لحد يوم 2/14 للناس الى فى القاهرة وهى دى بس الى عليها اختلاف هنا القاهرة الكبرى للولاد بس والا للبنات كمان وهى دى بس الى مش واضحة لحد دلوقتى فى المنتدى ...والى نفسها تكون مضيفة دورى هنا هتلاقى معلومات مهمة والله مهمة بس ركزى وانتى هتستفيدى جامد

[عاشق الماجيكو]

اقتباس:     المشاركة الأصلية كتبت بواسطة DODO SASA  

انا نفسى اكون مضيفه جويه واتمنى انى احقق حلمى واتمنى انكم تشجعونى

بالتوفيق لكي اختي الكريمة ونتمني لكي التوفيق وتحقيق حلمك باذن الله
وممكن ترجعي الروابط دي اتمني ان تفيدك
1- طريقة التقديم على الضيافة الجوية والمؤهلات والمواصفات المطلوبة للمتقدم
2- مصر للطيران تطلب تعيين مضيفات ومضيفين

[radwa]

ياريت لو حد يعرف هو التقديم للبنات من غير القاهرة يعني لو من اسكندرية ينفع اقدم ولا لأ؟ ارجوكم افيدونيييييييييييييييييييييييييي للاهمية الشديدة

[asyl84]

اقتباس:     المشاركة الأصلية كتبت بواسطة lamisghazal  

أمين يا رب العالمين و لما أرجع هبقى أحكيلكوا على كل حاجه أنا نازله دلوقت ربنا معايا و معاكو و يوفقنا كلنا

اية انتى اتخطفتى ولا اية:iconloli: فينك واية اخبار الامتحان

[flying pharaoh]

الصبر يا asylربنا معاها ومع الناس كلها بس يارب ترجع تقولنا ايه حصل

[ايمان رمضان مصطفي]

انا من المنيا وقدمت عادي واخدوا السي في واخدت ميعاد امتحان الانجليش يعني البنات من كل المحافظات لاكن الاولاد لهم شرط يكونوا من ابناء القاهره الكبري وادعولي ياجماعه وبالتوفيق لكل المتقدمين انشاء الله

[ahmed civil]

يا جماعة أنا رحت النهارده أقدم الملف بتاعي ..أنا بدرس في كلية الهندسة ..للاسف رفضوا ياخدوا ملفي ..هما عموما بيرفضوا للأسف أي حد بيدرس في كلية عملية زي ( طب - علوم - هندسة )

[koky_m]

هو المفروض اللى بيقدم ده يبقى مستواه فى الانجلش ايه بالظبط ؟؟؟؟؟؟

[mony2110]

انا قدمت فيه ويارتنى ما قدمت لانهم بياخدوا بالواسطات بس
يوم الانترفيو ادوا لناس المقاله اللى هايقروها قبل نا ندخل واصلا قبلوا ناس عاديين جدا وانا رفضونى من غير سبب مع ان طولى ووزنى مناسبين 168 54 كمان اللغه بتاعتى كويسه جدا والحمدلله شكلى حلو ورغم كده متقابلتش ولما سألت عن السبب قالولى بدون سبب

[executive host]

hi that's my very first time i just wanna ask i'm a final year student but me high school was arabic but i've got 10 english course from British Council also i'm doing prepration for ILETS course so is there any chance fro me in egypt air Best Regards

[eslam taher]

اقتباس:     المشاركة الأصلية كتبت بواسطة radwa  

ياريت لو حد يعرف هو التقديم للبنات من غير القاهرة يعني لو من اسكندرية ينفع اقدم ولا لأ؟ ارجوكم افيدونيييييييييييييييييييييييييي للاهمية الشديدة

Radwa ezayek ?? hope ur fine .. ah ro7y ademe 3ady el banat men ay 7etta fe masr laken el welad bas men Cairo - Giza .Qaliobya bas ..rabena ma3aki we el7a2y ro7y 3ashan akher ma3ad yom 14/2 ele howa yom el 7ad ele gai ..rabena yewafa2ek

[koky_m]

هو ليه مفيش حد رد على اسئلتى يا جماعه
بس انا كمان كنت عاوزه اعرف الرد ايه علشان الحق اروح اقدم

عموما ميرسى

[misstekka]

اقتباس:     المشاركة الأصلية كتبت بواسطة koky_m  

هو ليه مفيش حد رد على اسئلتى يا جماعه
بس انا كمان كنت عاوزه اعرف الرد ايه علشان الحق اروح اقدم

عموما ميرسى

بصى انا اللى هارود و يارب اقدر افيدك انا زيك على فكره خايفه اقدم عشان انا لسه مقدمه فى شركه و اول مدخلت ضربت لخمه ووشى جاب الوان عشان كان اول انترفيو ليا مع انى اتسالت اسئله فى منتهى التفاهة على الرغم انى كويسه فى الانجليزى بس متعودتش اتكلم ادام حد. بس احسن حاجه فى مصر للطيران ان فيه وقت بين كل خطوه و الانترفيو زى مكذا حد قال سهل . و بعدين انا فكرت التقديم مفتوح من زمان وخدو ناس كتير ممكن التقديم ياخد وقت عشان يفتح تانى الله اعلم يعنى وقلت انا مستنيا ايه لو قعدت سنه كمان هيا هياها فانا هاتكل على الله و اقدم و اجمد قلبى اللى على طول واقع منى ده .وبعدين انا هاحط نفسى اقدام الامر الواقع .وانتى فكرى و شوفى وفى النهايه الامر بايدك انتى .
وانشاء الله ربنا يوفقك يارب.

[asyl84]

اقتباس:     المشاركة الأصلية كتبت بواسطة lamisghazal  

أمين يا رب العالمين و لما أرجع هبقى أحكيلكوا على كل حاجه أنا نازله دلوقت ربنا معايا و معاكو و يوفقنا كلنا

على فكرة lamisghazal احنا مستنين ردك عملتى اية فى الامتحان وانتى شكلك نمتى ياريت تردى بسرعة عشان عايزين نعرف الامتحان عبارة عن اية ويارب تكونى حليتى كويس واحنا من بعدك ان شاء الله(ياريت تحكى بالتفصيل الرخم لدرجة انك تقولى كنتى لابسة اية وروحتى ازاى :iconloli:)

[tulipflower]

ياااااااااااااااااااااااااااااااااارب كلنا نفبل ياااااااااااااااااارب

[عاشق الماجيكو]

اقتباس:     المشاركة الأصلية كتبت بواسطة tulipflower  

ياااااااااااااااااااااااااااااااااارب كلنا نفبل ياااااااااااااااااارب

باذن الله يوفق الجميع بس علي شرط ال هيجيب الحلاوة يارب يوفقة وال مش هيجيب هشردو في المنتدي

[asyl84]

اقتباس:     المشاركة الأصلية كتبت بواسطة ابواسماء  

باذن الله يوفق الجميع بس علي شرط ال هيجيب الحلاوة يارب يوفقة وال مش هيجيب هشردو في المنتدي

ياباشا نقبل وعنينا ليك وانا الى هلم الهدايا وابعتهالك لحد باب البيت (ابو قسم النص بالنص مع بعض اوك)

[عاشق الماجيكو]

اقتباس:     المشاركة الأصلية كتبت بواسطة asyl84  

ياباشا نقبل وعنينا ليك وانا الى هلم الهدايا وابعتهالك لحد باب البيت (ابو قسم النص بالنص مع بعض اوك)

هو بعد ما تنقبلو حد هيشوف وشكم تاني (توتو علي كبوتو )

[asyl84]

اقتباس:     المشاركة الأصلية كتبت بواسطة ابواسماء  

هو بعد ما تنقبلو حد هيشوف وشكم تاني (توتو علي كبوتو )

انت شكلك قديم هنا هو دة بالظبط الى هيحصل بس ربنا كريم ادعى يطلع واحد مش قليل الاصل ويدخل هنا تانى بعد ماينجح
لسة بردو lamisghazal مجتش من امبارح دورو عليها يارجالة بنت فى مقتبل العمر:ANSmile15: ذهبت لامتحان انجلش مصر للطيران ولم تعد ..وندعوا الله ان لايكون هناك شبها انتحارية ويكون ربنا وفقها ومن الفرح بس نسيتنا:iconloli:

[shekoo]

يا جماعة انا عايز اعرف الهيروح يوم 18 فبراير دة هيرح يمتحن ولا فى انتر في تانىويروح فورمال لا عادى وكمان فى ناس اصحابى قدمو وخد معاد فى نص شعر 3 اية الفرق وكمان الامتحان الانجلش دةة بيكون كتاب ولا ورال ولا اية وياريت اى حد عندة معلومات يضفنى عندة

الرجاء عدم كتب ال Emails الخاص بكم في اي مشاركة
بامكانكم كتبها لمراسلكم عبر رسالة خاصة

[asyl84]

[QUOTE=shekoo;865178]يا جماعة انا عايز اعرف الهيروح يوم 18 فبراير دة هيرح يمتحن ولا فى انتر في تانىويروح فورمال لا عادى وكمان فى ناس اصحابى قدمو وخد معاد فى نص شعر 3 اية الفرق وكمان الامتحان الانجلش دةة بيكون كتاب ولا ورال ولا اية وياريت اى حد عندة معلومات يضفنى عندة

بص هو انا رايح يوم 2/18 عشان اشوف اسمى مكتوب فى لوحة الاعلانات ولا لاء ولما سئلت يعنى اية قالولى لو طلبك اتقبل دة من حيث المبداء يعنى هيبقى مكتوب فى لوحة الاعلانات معاد الانترفيو الانجلش هى دى بس المعلومات الى عندى يعنى انا رايح فى اى وقت فى يوم 2/18 وبالجينز عادى عشان بس اعرف طلبى اتقبل ولا لاء ولو اتقبل امتى وفين ميعاد امتحان الانجلش الى انا لسة مش عارف هيكون عبارة عن اية

[flying pharaoh]

الكلام كله محصور ف اسئله مكرره الناس بتكسل تدور ف الصفحات اللى قبل كده على الرغم انهم لو تعبو نفسهم شويه هيلاقو كلام هيفيدهم بجانب الرد على اسئلتهم وف نفس الوقت فى ناس وصلت لمراحل متقدمه وراحو انترفيوهات وامتحانات ومش رجعو ع المنتدى ياريت يا lamisghazalتقولنا عملت ايه ف الامتحان بتاع امبارح وياريت الناس تتعب شويه ويدخلو ف الصفحات السابقه وهيلاقو اللى بيدورو عليه الوقت بيمر والاسئله هى هى يارب الناس كلها تنجح وانا اكون منهم

[koky_m]

اقتباس:     المشاركة الأصلية كتبت بواسطة misstekka  

بصى انا اللى هارود و يارب اقدر افيدك انا زيك على فكره خايفه اقدم عشان انا لسه مقدمه فى شركه و اول مدخلت ضربت لخمه ووشى جاب الوان عشان كان اول انترفيو ليا مع انى اتسالت اسئله فى منتهى التفاهة على الرغم انى كويسه فى الانجليزى بس متعودتش اتكلم ادام حد. بس احسن حاجه فى مصر للطيران ان فيه وقت بين كل خطوه و الانترفيو زى مكذا حد قال سهل . و بعدين انا فكرت التقديم مفتوح من زمان وخدو ناس كتير ممكن التقديم ياخد وقت عشان يفتح تانى الله اعلم يعنى وقلت انا مستنيا ايه لو قعدت سنه كمان هيا هياها فانا هاتكل على الله و اقدم و اجمد قلبى اللى على طول واقع منى ده .وبعدين انا هاحط نفسى اقدام الامر الواقع .وانتى فكرى و شوفى وفى النهايه الامر بايدك انتى .
وانشاء الله ربنا يوفقك يارب.

صدقينى هيا فرصه بس انا مبحبش افشل وفى نفس الوقت مش عاوزه اروح هناك وارجع زى ما كنت لا جديد يعنى
ده غير انى نفسى اعرف ادق ادق التفاصيل عن كل حاجه هناك من اى حد اشتغل هناك او راحو انترفيو بس للاسف محدش عبرنى :iconloli:
بس انا هحاول فعلا ابقى شجاعه شويه واقدم بقى
وربنا مع كلللل الناس اللى قدمت واللى هتقدم

[ايمان رمضان مصطفي]

والله الواحد خايف مووووووووووووووووووووت ربنا يستر

[عاشق الماجيكو]

اقتباس:     المشاركة الأصلية كتبت بواسطة flying pharaoh  

الكلام كله محصور ف اسئله مكرره الناس بتكسل تدور ف الصفحات اللى قبل كده على الرغم انهم لو تعبو نفسهم شويه هيلاقو كلام هيفيدهم بجانب الرد على اسئلتهم وف نفس الوقت فى ناس وصلت لمراحل متقدمه وراحو انترفيوهات وامتحانات ومش رجعو ع المنتدى ياريت يا lamisghazalتقولنا عملت ايه ف الامتحان بتاع امبارح وياريت الناس تتعب شويه ويدخلو ف الصفحات السابقه وهيلاقو اللى بيدورو عليه الوقت بيمر والاسئله هى هى يارب الناس كلها تنجح وانا اكون منهم

اقتباس:     المشاركة الأصلية كتبت بواسطة koky_m  

صدقينى هيا فرصه بس انا مبحبش افشل وفى نفس الوقت مش عاوزه اروح هناك وارجع زى ما كنت لا جديد يعنى
ده غير انى نفسى اعرف ادق ادق التفاصيل عن كل حاجه هناك من اى حد اشتغل هناك او راحو انترفيو بس للاسف محدش عبرنى :iconloli:
بس انا هحاول فعلا ابقى شجاعه شويه واقدم بقى
وربنا مع كلللل الناس اللى قدمت واللى هتقدم

اقتباس:     المشاركة الأصلية كتبت بواسطة ايمان رمضان مصطفي  

والله الواحد خايف مووووووووووووووووووووت ربنا يستر

ياشباب محدش يخاف من شيئ توكلوا علي الله وبس واهم شئ يكون عندكم شجاعة امام اللجنة الموضوع سهل جدا زي شكة الدبوس

[koky_m]

اقتباس:     المشاركة الأصلية كتبت بواسطة ابواسماء  

ياشباب محدش يخاف من شيئ توكلوا علي الله وبس واهم شئ يكون عندكم شجاعة امام اللجنة الموضوع سهل جدا زي شكة الدبوس

ماهى المشكله كلها فى الشجاعه دى بيتهيألى انى لما اروح يا اما مش هتكلم يا اما هبكى
اهو يمكن اصعب عليهم ويشغلونى هناك