[KUWAIT AIRWAYS]

بغيت شباب استفسر عن احسن خطوط من الكويت الى سلطنه عمان يوم الاحد وارخص خطوط لو تنظم على اساس اني اروح عمان الصبح وارجع الفجر او باليل بس الله يخليكم مع ذكر ارقام الشركات ومواقعهم بالكويت ضروري الله يخليكم ويعطيكم العافيه

[KUWAIT AIRWAYS]

مسقط بالتحديد شباب

[إمبراطور الطيران]

ننصحك بالطيران العماني .خدمة جميلة وطائرة حديثة نوعا ما

حاليا موقعهم يعاني مشاكل فنية..سوف نعطيك التفاصيل حال عودة الموقع

[KUWAIT AIRWAYS]

اخوي يعطيك العافيه على ردك بس دشيت موقعهم ولا يعاني من مشاكل بس عندهم غلاء اسعار في التذامر يعني ماتسوى علي اروح عمان اب 206 دنانير كويتي على يوم واحد فقعد ابحث انشالله تساعدوني انتو بعد الله يخليكم
https://www.omanair.aero/wy/

[بحريني وفتخر]

أخوي المشكلة أن اوقات شركات الطيران كلها مو متناسبة, لان اغلبها توصل مسقط الساعة 6 او 7 المغرب والرجعة اتكون ثاني يوم العصر او الظهر.

والسبب قلة الرحلات إلى مسقط و انا حصلت لك على طيران الخليج لكن نفس ماقلت لك لازم الرجعة اتكون ثاني يوم والسعر 146.6 دينار كويتي.

وبالتوفيق ان شاء الله في رحلتك... واذا احتجت اي مساعدة احنا حاضرين.

[مواطن كويتي]

اخوي في رحله يوم الاحد الساعه تطير الساعه 3 الا ثلث العصر من الكويت وفي رحله بالليل الساعه 8 الا عشر دقايق
اما بالنسبه للرجعه بنفس اليوم صعبه وما اعتقد انك تقدر تطلع من المطار و تخلص شغله بساعه وترجع مره ثانيه لذلك
اليوم الى بعده (الاثنين) 5/1 رحلتين الاولى 12 الا ثلث الظهر بتوقيت مسقط والثانيه الساعه الساعه 6 المغرب

بالنسبه لاسعار التذاكر فهي 122.600 دينار (اميه واثنين وعشرين دينار وستميه فلس) فقط لا غير :)

هذي المعلومات موجوده في موقع الطيران العماني

وتمنياتي برحله سعيده ولا تنسى منتخبنا الي شكلك بتروح علشانه

[nokair]

زيدها 50 دينار وروح تايلند

[KUWAIT AIRWAYS]

مشكورين شباب على الردود باسرع وكت وتم الاتفاق لي دبي ومن دبي سياره ليه عمان والعكس ويعطيكم الف عافيه والرحله على طيران الجزيره وللامانه مو لي الرحله لشخص قريب مني وعزيز علي مشكورين