[العكبري88]

السلام عليكم ..

اذا كان المنتدى فيه طياريين في طيران الاتحاد او الامارات فهذا شي ممتاز وبيساعدني ..
واذا مافيه فالطلبه الي يدرسون ممكن يفيدوني مثل الاخ " الجرح " او " مقهور "
واذاكان في طلبه غيرهم بعد زين ..

سؤالي يمكن وايد انسئل قيل ..

كيف يكون نظام الدوام في كل من الاتحاد و الامارات كطيار ..
يعني كم يوم فالاسبوع , مدة الراحه , في جدول للرحلات ولا يتصلون فيك ,
كم ساعه فاليوم ... كل هالامور واذا الاخوه يعرفون اكثر بعد زين ..

وشكرااا

[Algr7 VIP]

اخوي الدوام يعتمد على جدول الرحلات

جدول الرحلات يعطونك اياه قبل بداية الشهر

و من الممكن انك تعدل على الجدول اذا ما كان يناسبك

و طبعا بعد كل رحلة يعطونك يوم ولا اثنين او حتى 3 ايام راحة طبعا يعتمد على طول الرحلة

و في عدد ساعات معينة تطير فيها ما يصير تطير اكثر من هذا الحد

مثلا ما تطير اكثر من 80 ساعة في الشهر

و هذي 80 تتوزع على رحلات قصيرة و متوسطة و طويلة

و اذا كنت في رحلة طويلة جدا مثلا 14 ساعة في الطيارة يكون فيها طاقمين

كل طاقم يطير نص الوقت لانه مثل ما قلتلك ما يصير تزيد عن 8 ساعات

ملاحظة : الارقام مجرد امثلة فقط للتوضيح , مو متاكد من الارقام الفعلية

سلام ..

[العكبري88]

مشكور اخوي " الجرح " .. ماتقصر