[محمد زيدان 86]

اخيرا ظهر الخبر الجميل اليقين
العربية للطيران خلاص جمعت الناس اللى عندهم خبرة
ودولقتى اللى ماعندهوميش خبرة
الخبر بتاريخ اليوم بجريدة الاهرام
وادى الشروط
1- Egyptian citizen . ideal age between 21 years to 27 years
2- a university degree or professional diploma.
3- fluent in the Arabic and English*language . fluency in other languages would be an vantage.
4- excellent healthy and good eye sight (not colour blind) .
5- minimum height :male (165 cm) female (160cm) (with weight in proportion) .
6- pleasant personalty with a passion for customer service .

so if you the passion for a career with us , please walk in for an interview between 9 am to 10 am on the 16th of December at the following address .
lagoon hotel &spa
alex international garden ( near carrfour ) , alex
+203 - 3826500
+203 - 3824620

please carry the following documents for the interview
-latest resume / cv
- passport size & full length photograph of yourself
- original and copies of all certificates / flight attendant license ( if available)
- original and copies of identity card / passport .
بالعربىة
- ان تكون مصرى الجنسية وعمرك ما بين 21 و27 عام
- ان تكون حاصل على شهادة جامعية او دبلومة معتمدة
- ان تكون جيد فى اللغة العربية والانجليزية وان كنت جيد فى لغات اخرى ستكون لك الافضلية
- ان تتمتع بصحة جيدة وعين سليمة وقوية
- الطول بالنسبة للشباب 165 والبنات 160 سنتيمتر
- ان يكون اسلوبك راقى مع العملاء والزبائن (يقصد يعنى اسلوبك كويس مش قليل الادب ومحترم وكدة يعنى )
- المقابلة جماعية بالطبع وضحت القصة
هاتكون فى الاسكندرية يوم 16 ديسمبر من الساعة 9 الى الساعة 10 صباحا
تيجى ومعاك اوراق عبارة عن
1- السى فى بتاعتك
2- صورة جواز سفرك وصورة لك بالكامل
3- لو معاك اى شهادات فى مجال الضيافة هاتها معاك
طيب مش معايا
ودا المفروض ولا تتعب نفسك عادى لانهم عاوزين اللى من غير خبرة ز
4- نسخة من البطاقة وجواز السقر الخاص بيك
اللهم انى قد بلغت اللهم فاشهد
دا الحبر النهاردة فى الاهرام فى الصفحة رقم
23
وطبعا موقع العربية معاكوا
ولكن مالهوش اى لازمة عموما
الموضوع اتلم هنا
وبالتوفيق للجميع وادعولى معاكوا
سلام

[بنت الكويت]

شكرا على نقل الخبر المهم
في وايد ناس راح تفرح بهالخبر


تحياتي

[عدولة]

طيب مفيش وظائف تانية زي الديسك او الشيك ان جات او الترافيك اوفسير او الحسابات

[عدولة]

عاوزين الاعلان بتاع النهاردة بالكامل يريت
ممكن

[محمد زيدان 86]

اقتباس:     المشاركة الأصلية كتبت بواسطة عدولة  

عاوزين الاعلان بتاع النهاردة بالكامل يريت
ممكن

والله كدة كامل يا عدولة
كامل كامل يعنى
انا كاتبة على ايدى لانه مش فى الموقع
فوالله كامل
ولا تقلق
وشوف هاتروح ازاى عشان عاوزين نروح سواء
اتفقنا
كلمنى لما تعرف هاتروح ولا لا

[محمد زيدان 86]

اقتباس:     المشاركة الأصلية كتبت بواسطة بنت الكويت  

شكرا على نقل الخبر المهم
في وايد ناس راح تفرح بهالخبر


تحياتي

اكيد فى ناس هاتستفيد
ودا اهم شى يميز هذا المنتدى الجميل
اللى بقى بيت لناس كتيرة قوى
وكلنا اتعلمنا منك ومن الكبار فى المنتدى
ودا طبيعى
وربنا يقدم اللى فية الخير

[المعتز]

تسلم ايدك يامحمد وجمعة مباركة على الجميع
بالتوفيق ان شاء الله ونتنظر نسمع اخبار المتقدمين
ربنا معاكم جميعا
يثبت

[عدولة]

مش عارف والله لسه بس مشوار دب والله اعلم يمحمد المهم قبلها بيوم مين هنتكلم وانته عارف اني بعيد خالص عن اسكندريه
ربنا يسهل لو هروح هتصل بيك قبلها بيومين اوكي يمحمد

[Mîss Rabab]

بتوفيق للمتقدميين
مشكور على نقل الخبر

ان شاء الله نسمعوا عنكم اخبار حلوة

[سيسس]

هوا التقديم شباب بس ولا إيه يا جماعة

طيب لو فيه بنات لازم غير محجبات ولا شغال محجبات برضو

تالت حاجةاللهم صلي على سيدنا محمد

مفيش تقديم ف القاهرة ولاحاجة
أقرب من اسكندرية شوية

شكرا مقدما للإجابة

[just_for_one_a]

الانترفيو فين فى اسكندرية

[suri]

انا بردو عاوزة اعرف التقديم فين فى اسكندرية ؟؟
وهل هما بيقبلوا محجبات ولا لاء بردو؟
وشكرااا للخبر الجميل ده
وبالتوفيق للجميع ^^

[محمد زيدان 86]

يا جماعة
اولا التقديم والانترفيو فى يوم واحد
دى مقابلة جماعية
فى فندق اسمة
lagoon hotel &spa
alex international garden ( near carrfour ) , alex
+203 - 3826500
+203 - 3824620
اتفقنا
وتجيب معاك الحاجات دى كلها
بس
انما هيا مقابلة جماعية مش فردية
واللى بيتوافق علية بيكمل معاهم واللى لا طبعا اوت
فى سوال حلو جدا بيقول

مفيش تقديم ف القاهرة ولاحاجة
أقرب من اسكندرية شوية

الرد بسيط
هما هايطروا من اليكس مش من كايرو
فطبيعى تكون الانترفيو فى اليكس مش فى كايرو ودا لسبب مهم جدا
انهم عملوا مركز المليات بالفعل والطيران من اول العام 2010
اعتقد ان خلاص الوقت قرب
فلازم ياخدوا اعداد يكملوا وخلاص على كدة
وقريب جدا هايكونوا فى المغرب الشقيقة و طبعا الشارقة الامارات الشقيقة
تمام
نيجى لسوال مهم
المحجبات
لا مش بيقبلوا محجبات للاسف الشديد
اى سوال تحت امركوا
وربنا يسيير الاحوال للجميع باذن الله

[سيسس]

شكرا كتير كابتن محمد زيدان على الرد

ويارب ان شاء الله يكرمنا بأي حاجة تانية تقبل محجبات

أكيد طبعا لو لقيت أي إعلان بالخصوص دا مش هتبخل علينا

ألف شكر مرة تانية

[ايمان رمضان مصطفي]

شكرا ياكابتن محمد زيدان علي الاخبار السعيده ادعيلي انا من المنيا وانشاء الله هروح اقدم بس المشكله مش معايا passportعادي ولا في مشكله

[محمد زيدان 86]

اقتباس:     المشاركة الأصلية كتبت بواسطة سيسس  

شكرا كتير كابتن محمد زيدان على الرد

ويارب ان شاء الله يكرمنا بأي حاجة تانية تقبل محجبات

أكيد طبعا لو لقيت أي إعلان بالخصوص دا مش هتبخل علينا

ألف شكر مرة تانية

الف شكر ليكى يا سيسس
واتمنلك الخير يارب
واكيد كلنا هنا يد واحدة
ويارب يوفقنا جميعا
وادعيلى بقى

[محمد زيدان 86]

اقتباس:     المشاركة الأصلية كتبت بواسطة ايمان رمضان مصطفي  

شكرا ياكابتن محمد زيدان علي الاخبار السعيده ادعيلي انا من المنيا وانشاء الله هروح اقدم بس المشكله مش معايا passportعادي ولا في مشكله

روحى طلعية بكرة
مش هاياخد غير 48 ساعة وبتكاليف قليلة جدا تقيبا 150 جنية فقط
روحى
عشان ماحديش يقفلك فيها ولا يعقدلك حياتك

[just_for_one_a]

ماحدش يا جماعة يعرف اية هى اسئلة الانترفيوا بتاعة العربية

[m salah]

بالنسبه للناس الى طولها 185 سم
ومحيط الصدر عريض
هل ينفع ولا بلاش نروح احسن

[mozfar]

خبر جميل يا مسهل الحال يارب بس لازم حكاية الصورة اللى بكامل الطول انا لسه متصور ومكسل
الصراحة انزل اتصور تانى وبعدين هم كده كده حشوفونى على الطبيعة و قبل الأنترفيو بيأخدوا الوزن والطول اه بقى الحكمة من الصورة اللى بكامل الطول

[semsemagdy]

حد يعرف يا جماعه دا انتر فيو عباره عن
امتحانات واسأله وتصفيه وكده
ولا انتر فيو بس عادى

[loulaa]

بجد شكرا جدااااااااااااا على الاخبار الجميلة دية و ربنا يوفقنا كانا , بس انا بردو معنديش passport فمش عارفة كدة ينفع اقدم ولا مينفعش؟

[mozfar]

سؤال هو المقابلة لو كانت جماعية الواحد برده لبسه لازم يبقى بدلة وكرافته ولا مش لازم

[paradies]

بخصوص يا جماعه الانتر فيو كلها اسأله عامه وبالاخص في السي في وشويه انتر فيو انجلش طبعا اذا عدى المراحل الاولانيه وشكلها كدا هتبقى تصفيه وقتيه علطول يعني كله وهوا واقف هيعرف مصيره ايه بالظبط .
اما بالنسبه لجواز السفر فمش هياخد منك وقت روح طلع جواز سفر بكره الصبح هتسلمه الصبح وتستلمه اخر النهار .
طبعا كله على الفندق لي اتقال عليه في الاول في اسكندريه مفيش كيرو خالص لان العربيه بتطلع من اسكندرية وتمركزهم الدايم في مطار النزهه مش برج العرب .
اما بالنسبه لاي شغل تاني غير الضيافه على طيران العربيه بيتقدم عن طريق الموقع الخاص بطيران العربيه بيتملى ابلكيشن كامل على الموقع وهما بيردوا عليك سواء بالموافقه او بالرفض
بتمنياتي بالتوفيق للجميع وان شاء الله كله يتقبل .

[heba magdy]

أنا كان عندى سؤال بس أرجو الرد عليا ضرورى أنا كمان شوفت الإعلان فى الأهرام ، بس كنت عايزة أعرف ، يعنى لو واحدة محجبة راحت مش هيعملوا معاها Interview ، تانى حاجة إيه Uniforms
فى Interview يعنى لازم أكون لبسه إيه سواء كنت محجبة أو غير محجبة ، أرجو من أى حد يجاوبنى بسرعة على الأسئلة دى عشان المقابلة هتكون يوم الأربعاء دا ، و أنا بصراحة عايزة اروح أقدم ، بس عايزة الأول حد يساعدنى و يجاوبنى على الأسئلة دى عشان لو مبيخدوش محجبات يبقى ملهاش لازمه ،

[heba magdy]

أنا كان عندى سؤال بس أرجو الرد عليا ضرورى أنا كمان شوفت الإعلان فى الأهرام ، بتاع العربية للطيران بس كنت عايزة أعرف ، يعنى لو واحدة محجبة راحت مش هيعملوا معاها Interview ، تانى حاجة إيه Uniforms
فى Interview يعنى لازم أكون لبسه إيه سواء كنت محجبة أو غير محجبة ، أرجو من أى حد يجاوبنى بسرعة على الأسئلة دى عشان المقابلة هتكون يوم الأربعاء دا يوم 16/12، و أنا بصراحة عايزة اروح أقدم ، بس عايزة الأول حد يساعدنى و يجاوبنى على الأسئلة دى عشان لو مبيخدوش محجبات يبقى ملهاش لازمه ،

[sara2010]

الاخت هبة انا كمان بسال عن الموضوع ده وعرفت ان العربية مابتقبلش محجبات واللبس بيبقى فورمال يعني جيب وجاكيت او بنطلون وجاكيت وقميص وطبعا الجينز لا بس انتي تعرفي هو المعاد الساعة كام وفين لاني كمان بفكر اروح لكن المشكلة اني من القاهرة وبعيد عليا

[heba magdy]

المكان فى فندق لوجان فى الإسكندرية ، فى محرم بيك ، عند كارفور ، من الساعة 9 إلى 10 صباحا بس مستغربة أوى إن معاد الإنترفيو يكون ساعة واحدة ، يعنى إنتى شايفة أن ملهاش لازمه إن الواحد يروح طالما هما مبيقبلوش محجبات ياريت بس أعرف رأيك ، و عالفكرة العنوان دا أنا إتصلت بنفسى على الفندق لأن الإعلان حاطط رقم الفندق وأخدت منه العنوان ،

[mozfar]

المعاد من الساعة 9 الى الساعة 10 فى فندق lagoon hotel & spa
داخل نادى ومنتجع اللاجون بالقرب من كارفور بس انا عندى سؤال هو مقاس الصورة اللى بكامل الطول كام 4*6و لا لازم تكون واضحة 5*9 مثلآ

[heba magdy]

الأخت Sara2010 أتمنى اكون أفدتك و بجد ميرسى اوى على ردك ،
Thanks