[nancy zaki]

هاي يا جماعة ازيكووووووووووووا

كنت عاوزة اسالكوا علي حاجة و ياريت تجاوبوني
انا في كلية السياحة و الفنادق جامعة الاسكندرية و

good in french ,excellent in english علشان اللغتين دول اساسي عندنا في الكلية
و بدرس دلوقتي اللغة الايطالي و اللغة الكورية في السفارة الكورية بمصر و هخلصهم السنة الجاية ان شاء الله

طولي 162cm
وزني 51kg و كنت بشتغل موديل (عارضة ازياء) في شركة ازياء عندنا في مصر
انا في سنة تانية و عندي 18.5 سنة و مش محجبة و كنت عاوزة اشتغل مضيفة في شركة طيران سعودية علشان هي تعتبر من احسن شركات الطيران بس مش عارفة بقة فرصتي هتبقي ازاي هل فرصتي اكبر عشان مؤهلاتي (اللغات و الكلية يعني)ولا لازم واسطة؟ياريت يا جماعة حد يجاوبني و ياريت تقولولي اقدم ازاي لاني سمعت كلام كتير و مختلف و ياريت تساعدوني بليز و كتير بصراحة قالولي علي المنتدي بتاعكوا

[{yasmeen}]

اهلا بيكى نانسى ..

بالنسبه لمؤهلاتك اللغوية فهى ممتازة وتؤهلك اكيد للعمل فى الضيافة

بالنسبه للخطوط السعودية هى مش بالواسطة وبتقبل من مؤهل الثانوية العامة

انتى روحى قدمى السى فى بتاعك فى مقر الشركة لما ينزلو الاعلان

وان شاء الله لما يتصلو بيكى وروحى اعملى انترفيو

لو كنتى كويسة هيقبلوكى منغير واسطة ولا حاجة

هما غالبا بينزلو فى اول كل سنه

بس سمعنا اخبار انهم ممكن ينزلو بعد العيد

عموما تابعى قسم الاعلانات وان شاء الله لو نزلو اعلان هتعرفى او من الجرائد

وروحى قدمى فى الشركة وربنا يوفقك

بالتوفيق ..,

[nancy zaki]

ميرسي اوي اوي يا ياسمين علي اهتمامك بس كنت عايزة اعرف ال انترفيو هيبقي فين؟ في السعودية و لا في مصر. و هل ينفع اشتغل في الاجازة لاني لسة بدرس و لما الدراسة تبدا اخد اجازة من الشغل ولا مينفعش؟

[{yasmeen}]

العفو يانانسى مش تشكرينى تحت امرك

الانترفيو بيبقى فى مصر

بالنسبه لشغلك وقت اجازتك بس معتقدش ينفع

لانك بتشتغلى بعقد بيبقى ليكى اجازة شهرية ايام محدده تقريبا 6 ايام متصله وعدد ساعات معينة طيران


ربنا يوفقك ,.,

[nancy zaki]

الف شكر ليكي يا ياسمين و ياريت لو حد يعرف اي معلومة يفيدني بيها بالنسبة لنظام الشغل و ال يونيفورم و المرتبات و الاقامة

thanx alot lovely yasmeen

[{yasmeen}]

نظام الشغل بيكون بعقد

وليكى عدد ساعات معين فى الشهر طيران وايام اجازة متصله وايام منفصله

وليكى جدول رحلات بيتغير كل شهر

الاقامة فى جده .. سكن الميضيفات

اليونيفورم هتلاقيه فى الموضوع ده

صور الزي الرسمي لمضيفين ومضيفات السعودية

والمرتبات هنا ..

لجل عيونكم ( سلم رواتب المضيفين الجويين )

بالتوفيق ليكى ياقمر ..

[gogoo]

اهلا بيكي يا نانسي نورتي المنتدى
بالنسبة لاستفسارك عن العمل بالخطوط السعوديه فمشاء الله مؤهلات اللغه عندك ممتازة وكون ان معك اكتر من لغه ونوعية دراستك تجعل لك الاولويه وبالنسبة لطولك فهو ممتاز لكن مقارنه بوزنك اظن انك محتاجه تتخني شوية لان لما كانو هنا المره اللي فاتت البنات اللي وزنهم كان اقل من طولهم بكتير كده اترفضو يعني كل مايكون الطول متناسق مع الوزن يكون افضل يعني لو الوزن اقل 2|3 كيلو او اكثر برضه 2|3 كيلو بيبقى مافيش مشكله لكن اظن اكتر من كده ممكن يبقى فيه مشكله
اتمنى لكي التوفيق

[nancy zaki]

ميرسي قوووووي يا gogoo و ميرسي قوي علي نصيحتك هحاول ازود وزني ان شاء الله

لاني فعلا مكنتش اعرف المعلومة دية كنت فاكرة ان الزيادة في الوزن بس هي اللي
مرفوضة و انا اصلا كان وزني كدة في شغلي الللي فات لازم الوزن بيكون صغير جداا و نظام اكل ذل

بس ميرسي جدا جدا يا gogoo
كمساهمنيدا بالكوري
جراسيااا بالايطالي

[gogoo]

اقتباس:     المشاركة الأصلية كتبت بواسطة nancy zaki  

ميرسي قوووووي يا gogoo و ميرسي قوي علي نصيحتك هحاول ازود وزني ان شاء الله

لاني فعلا مكنتش اعرف المعلومة دية كنت فاكرة ان الزيادة في الوزن بس هي اللي
مرفوضة و انا اصلا كان وزني كدة في شغلي الللي فات لازم الوزن بيكون صغير جداا و نظام اكل ذل

بس ميرسي جدا جدا يا gogoo
كمساهمنيدا بالكوري
جراسيااا بالايطالي

العفو يا حبي واي سؤال تاني احنا تحت امرك و ياجميل معلش حاولي تتخني شويه ولو بتتبعي اي رجيم بطليه علشان تقدري تتخني وربنا معاكي ويوفقك يارب ونشوفك مضيفه اد الدنيا

[hendaaa mahmoud]

ربنا معاكي يا نانسي ما شاء الله عليكي مواصفاتك هايلة بجد لو موضوع انهم جايين مصر بعد العيد ده يبقى كويس جدا لان انا كمان نفسي اكون في الطيران السعودي ربنا يوفقنا ان شاء الله :):)

[افندينا اير]

ههههههههههه عارفة يانانسى حتى لو المظهر غير لائق بتهيألى ان اللغات والؤهل يغنوا عن اى شئ
++++++++++++++++++ ياريت الوسطة والله العظيم مهمة جدا وإللى يقولك الواسطة مش مهمة يبقى مش صحيح

[meshoo]

بالتوفيق

وماشاء الله اكثر من لغة نفس فكرتي في تعلم اللغات

ونفس ميولي

ماشاء الله عليكي وربنا يوفقك لكل خير