[EK-A380]

انا من الاعضاء الاتحاد منذ فترة بعيدة
وكنت اسافر دايماً عالاتحاد لكي اجمع اميال عشان اطلع فيها طلعة حلوة عالبزنس هذه السنة

اللي يبي يروح اسطنبول لازم عليه يكون 55000 ميل تقريبا
والى الدوحة و الكويت والرياض والدمام 13000 ميل تقريبا

انصدمت من فترة انهم غيروا نظام صرف الاميال

الحين اللي يبي يروح اسطنبول لازم يكون عليه 77000 ميل تقريبا
والى الدوحة والرياض والكويت والدمام 26000 ميل

هذا غير عن باقي الوجهات طبعاً كلها تعرضت للتغيرات واميال دبل
مع الاسف انصدمت وايد على هالاجراء المفاجىء وما استفدت شيء من اللي جمعته (حسافة):poster_spam:

كنت ارى طيران الاتحاد افضل عن طيران الامارات من ناحية صرف الاميال
وتشجيعا على تجميع واختيار رحلاتهم

والان بعد هذا الاجراء الجديد من الاتحاد سوف اتجه للطيران الامارات احسن لي بحكم انه اقرب لي وما فيه فرق بالاميال وافضل طبعاً بمراحل عن الاتحاد

هذه ثاني صدمة لي من الاتحاد هالسنة

[mohammad alajmi]

مثل مشكلتي مع القطرية بالضبط لأنها السنة هذي غيرت كل شي بالاميال.
لكن بالمقابل اخوي رحال لو تلاحظ انت زادت الاميال المستحقة لك على الرحلات بزيادة عن قبل.
صحيح هم عفسونا بس شنسوي لأن الزيادة لنا المكتسبة بالرحلات ماكانت نفس زيادة اميال التذكرة المجانية هذيك كم الف والمجانية صارت بزيادة 50% عن قبل .
القطرية نفس الشي والله زادت كثير وزودت الاميال المستحقة لك بالرحلة لكن زادت حيل مثلا اوربا لازم 90 الف لرجال اعمال! شدعوة قبل 60 الف والادهى.. الابقريد من السياحية الي رجال اعمال تحتاج 64000! من الكويت الي فرانكفوت بس مو اي درجة .. تحتاج السياحية الغاليه اللي تقريبا بسعر 450 دينار كويتي علشان ابقريد! ازيدها 200 واطلع عالكويتية دايركت.
ولا بعد اذا بتدفع نص اميال ونص كاش.. بتحتاج 30 الف اميال فقط هذا اول. الحين اظن حتى لغوا الكاش والاميال المستحقة لك تكون بين ال5000 وال 7000 وهذي ولا شي بالنسبة لزيادتهم. انا صراحة مدري وشسوي عندي 66000 ولا ادري وين توديني ههه. تصدق الكويت 45000 عالاولى! قبل كانت شي و 20
اي لا انسى.. الكلام اعلاه للفئة الفضية .. والله يعين الفئة العنابية شكله 110000 لأوربا!
والله يتقبل طاعتك.

[EK-A380]

اقتباس:     المشاركة الأصلية كتبت بواسطة mohammad alajmi  

مثل مشكلتي مع القطرية بالضبط لأنها السنة هذي غيرت كل شي بالاميال.
لكن بالمقابل اخوي رحال لو تلاحظ انت زادت الاميال المستحقة لك على الرحلات بزيادة عن قبل.
صحيح هم عفسونا بس شنسوي لأن الزيادة لنا المكتسبة بالرحلات ماكانت نفس زيادة اميال التذكرة المجانية هذيك كم الف والمجانية صارت بزيادة 50% عن قبل .
القطرية نفس الشي والله زادت كثير وزودت الاميال المستحقة لك بالرحلة لكن زادت حيل مثلا اوربا لازم 90 الف لرجال اعمال! شدعوة قبل 60 الف والادهى.. الابقريد من السياحية الي رجال اعمال تحتاج 64000! من الكويت الي فرانكفوت.
ولا بعد اذا بتدفع نص اميال ونص كاش.. بتحتاج 30 الف اميال فقط هذا اول. الحين اظن حتى لغوا الكاش والاميال المستحقة لك تكون بين ال5000 وال 7000 وهذي ولا شي بالنسبة لزيادتهم. انا صراحة مدري وشسوي عندي 66000 ولا ادري وين توديني ههه. تصدق الكويت 45000 عالاولى! قبل كانت شي و 20
اي لا انسى.. الكلام اعلاه للفئة الفضية .. والله يعين الفئة العنابية شكله 110000 لأوربا!
والله يتقبل طاعتك.

منا ومنك صالح الاعمال اخوي

انا من قبل شوي عدلت حجزي ع تذاكرنا وبعدين قلت خلني أسالها عن زيادة لاميال
قلت لها : ماشاءالله صرتوا نفس جيرانكم على صرف الاميال دبل اميال على كل الوجهات
قالت لي: هذه هي التجارة

ياي بعطيها تقرير انه اصلن ما يستاهل كل هالزيادة اصلن بس قلت مسكينة اصلن هي ما يخصها


عموما بخصوص انك تقول يزيدونا اميال بالرحلات
انا ما شفت زيادة يمكن 0.20 بس
مقابل رفع قيمة صرف الاميال

بالنهاية انا اشوف الحين طيران الاتحاد والامارات متساويين تقريبا من ناحية طلبهم بالاميال لكن من ناحية طائرات والخدمات اشوف الامارات اللي تستاهل اكثر
وبشوف وش بتصرف بباقي الاميال اللي بقى وبرجع للطيران الأمارات احس يوم برجع المضيفة بتقول لي مردكم لنا :iconloli: هههه