[محمدالحمد]

السلام عليكم

قبل فترة اشتريت طائره وقبل كم يوم اشتريت طائرة اخرى اشتريت من النوع الرخيص 700ريال للطائرة الواحده وطيرانها يكون من اليد وتعقدت مع هذه التقنية الصعبة الطيران من اليد مباشرة

وجميعهم تحطمن بدون طيران مسر للنظر او ممتع

اريد اشتري الان طائرة باربع او خمس قنوات كهربائية تطير من الارض مباشرة ويوجد بها خاصية الف يمين ويسار بالارض
مارايكم مالطائرة التي تنصحوني بها وهل احصل مثلها بالسعودية وكم تقريبا سعرها

تحطمت كثيرا بهذه الهواية ولكن لن ابقى متحطما ان شاء الله حتى البي رغبتي

كثير من الهوايات اردت تعلمها وتعلمتها واتقنتا باحتراف ولله الحمد ولكن هذه الهواية هي من ظمن الهوايات التي عقدتني كثيرا

ولكن ماتنصحوني به انتم

بانتظاركم

وسأرفق لكم بها الموضوع ع قريب مقطع لي بالسمليتر

[Naif_R/C]

موضوع مكرر شبه يومي

[البرنس]

https://www3.towerhobbies.com/cgi-bin...?&I=LXJTK3&P=0

ابحث بمقاسات مثل هذي اذا تبي سعرها قليل

تقريبا تكلفك من بدون ريموت لحد 700 بالكثير

فيه شئ جاهز بس ماحصلت الروابط تجي كامله كهربائيه تقريبا بحدود 800 لحد 1000 ناسي

بس انا مالى خبره في الكهربائيه

تحياتي

[محمدالحمد]

شاكر لك اخوي نايف ولكن الاغلب يبحث عن البنزين او النيترو

لكن الكهرب البحث عنه قليل والكهرب سهل يعني اما النيترو غالي سعره وغير متوفر بشكل كامل

اخوي البرنس ماقصرت والله
لكن طائرة الاكسترا مابغاها

انا ابغى طائرة يكون تصميمها رائع من ناحية الشكل يكون جميل والاحجام كذلك

بالانتظار

[محمدالحمد]

وياليت اسم محلات في السعودية يبيعون طائرات كهربائية

[البرنس]

اقتباس:     المشاركة الأصلية كتبت بواسطة محمدالحمد  

لكن طائرة الاكسترا مابغاها

انا ابغى طائرة يكون تصميمها رائع من ناحية الشكل يكون جميل والاحجام كذلك

بالانتظار

هلابك اخوي انا حطيت الرابط كمثال لك ابحث في الموقع نفسه المناسب لك

بخصوص التصميم والجمالها الخ ,,

هذا شئ يرجع لنفسك لا استطيع ان افرض عليك طائره ولا تناسب معك ذوقك

مثل الاكستراء

قلت ماتبيها <<< شفت كيف

بالاضافه مثل ماقلت لك خبرتي في الكهرب ++ الكهربائيه ضعيفه جدا

اذا انت في البداية الطيران ابحث عن التدربيه سوا كهربائيه او غيرها

بس تبي اربع قنوات صعب تحصلها هنا اطلب من النت

اذا ثلاث واقل في الحسين

تحياتي

[محمدالحمد]

يالغلا انا ابغى اشتري نفس هالعدة هذي ان شاء الله
https://www.flyingway.com/vb/showthread.php?t=1641
لكن أسئلة بس
الطائرة هذي اقدر اطيرها من الارض وهل يوجد بها خاصية الف يمين ويسار بالارض

لاني خلاص جزمت عليها ان شاء الله وهل المحرك على النيترو واذا كان على النيترو بكم احصلة اللتر وكم تاخذ الطائرة من سعه بالنيترو وكم مدتها بالجو
وقال لي واحد انها متوفرة بمحلات زينتة السيارات النيترو لانها يركبونه للجيوب عشان التطعيس ومالتطعيس مادري هل الكلام ذا صحيح ولا لا

وهل احصل محلات بالسعودية تبيع زي كذا ولا لازم من برا

واذا كانت من برا احصلها مثلا بالامارات وهل تمشي امورها بالجمارك ولا تعلق ونبلش بعد

ادري والله اني ثقلت عليك

لكن وش نسوي مرجعنا لأساتذتنا

شاكر لك حبيب قلبي
لاني صرفت النظر عن الكهرب بعد البحث
لان صعبة اخذ محرك كهرب عالي السرعه ولكن لازم يصير فية اتزان شوي اذا اخذت محرك عالي لازم اخذ بطارية حجمها كبير بالحالة هذي راح يزود الوزن ولا استفيد من قوة المحرك

ولكن ان شاء الله انا جزمت على البنزين
لكن انتظر الاجابة على هذه الاسئلة
منك ومن جميع الاساتذه بالمنتدى

شاكر لكم جميعا

[البرنس]

بخصوص الوقود ومحركاته

مذكوره بنفس الموضوع الاسعار

سعر الطائره : 400 إلى 500 درهم على حسب نوع الشركه المصنعه
سعر المحرك : 450 درهم
سعر جهاز التحكم : 450 إلى 550 درهم
سعر صندوق الادوات : 100 درهم
سعر مولد الكهرباء : 60 إلى 80 درهم
سعر مشغل الطائره : 110 درهم
بطارية مشغل الطائره : 80 درهم
الوقود : 60 درهم
المجموع : 1710 درهم

المدة تقريبا من 10 لحد 15 دقيقه على حسب السرعات

وفيه نوع يجي بكج كامل ب 1100 درهم وتضيف عليها معدات التشغيل وتكون كامله ولا ينقصها الا النيترو

الكهربائيه انتظر احد يفيدك انا ماعرف لها

هذي اربع قنوات وتقدر مثل ماقلت تلف يمين ويسار >> وعلى الارض وبالسماء :)

مايحسب باللتر حسابهم بالجالون والجالون يعادل تقريبا 3.7 لتر

اسعارها في الخليج من 60 -120 او زياده على حسب النسبه بس دايما يستعمل من 60-80 ريال

تباع هنا في الارض والفضاء

الجمرك انت وواسطتك في الوقت الحالى

او انتظر النادي يعمم قرار الموافقه لـ ادخال المعدات الخ ,, وتاخذ عضويه وخطاب فسح شحنه

اتصل بالنادي واسئل بنفسك

بالتوفيق

[محمدالحمد]

شاكر لك حبيب قلبي
لكن ياليت رقم هاتف النادي

وماجاوبتني يالغلا كم تاخذ الطائرة من سعه بالنيترو
واهم شيء عندي ان النيترو متوفر بالسعودية

رابط الموضوع في الاعلى ماذكر اسم بودي الطائرة كي استفسر عنه
وهل البكج بنفس قوة المحرك المذكور بالموضوع والريموت اكتروني او عادي
او اقول يالغلا ياليت تعطيني رقم هاتف المحل أسئلة عن الاسعار عشان ماشغلك

اشكرك

[البرنس]

اقتباس:     المشاركة الأصلية كتبت بواسطة محمدالحمد  

شاكر لك حبيب قلبي
لكن ياليت رقم هاتف النادي

وماجاوبتني يالغلا كم تاخذ الطائرة من سعه بالنيترو
واهم شيء عندي ان النيترو متوفر بالسعودية

رابط الموضوع في الاعلى ماذكر اسم بودي الطائرة كي استفسر عنه
وهل البكج بنفس قوة المحرك المذكور بالموضوع والريموت اكتروني او عادي
او اقول يالغلا ياليت تعطيني رقم هاتف المحل أسئلة عن الاسعار عشان ماشغلك

اشكرك

حياك الله

هذا رابط النادي
https://www.sac.com.sa/

الريموت اقل و المحرك اقل قول ابي هاوي ونق كيوشو كامله او بكج كامل

التوانك كل مقاس له مساحته ومقاسات 40 تقريبا من 200 لحد 300 مل تقريبا

ارقام المحلات راجع قسم البيع والشراء فيه مواضيع وبحصل فيها الارقام كامله

وببحث لك اذا حصلتها

تحياتي

[لورنس]

اخوي انت تقول كسرت الطيارتين اللي قبل
اسمع كلام اخونا البرنس تراه مو سهل بهالمواضيع
وبما انك مبتديء
لا تستعجل على البنزين
خذلك كهرب
او خذ بنزين زي اللي في الصورة اللي حطيتها انت
ممتازه جده وهي من نوع ترينر
يعني للتدريب
وراح تنبسط فيها جدا
اذا تبغى تحصل مثلها في دبي
وصيلك على وحده من هناك

بالتوفيق

[محمدالحمد]

الله يعافيك اخوي البرنس على اسمك برنس
ماقصرت والله

اخوي لورنس
خلاص انا ان شاء الله جزمت على الي وضعها لنا اخوي محمد الطارة البدائية
لكن جالس ادور طريقة تصريفها بالجمارك بسهولة وهذا الي معقدني الى الان

والله يكتب الي في الخير
ماقصرت والله
ماقصرتوا جميعا وجزاكم الله خير

[البرنس]

اقتباس:     المشاركة الأصلية كتبت بواسطة محمدالحمد  

الله يعافيك اخوي البرنس على اسمك برنس
ماقصرت والله

اخوي لورنس
خلاص انا ان شاء الله جزمت على الي وضعها لنا اخوي محمد الطارة البدائية
لكن جالس ادور طريقة تصريفها بالجمارك بسهولة وهذا الي معقدني الى الان

والله يكتب الي في الخير
ماقصرت والله
ماقصرتوا جميعا وجزاكم الله خير

هلابك
حاضرين
ابد خلك على هذي
https://www.flyingway.com/vb/showthread.php?t=1641

ممتازه جدا مو شرط نفسها بس نفس التصميم تبع تدريب

بالتوفيق

[البرنس]

يوم حطيت لك الاكستراء فقط تمثل لك صغيره وعلى مطلوبك
بس مايمنع تاخذ نفس مقاسها بس تدريبه