[مجرد ظل]

قالولنا في طيران الامارات بيختبرونا اختبار psychomotor وطبعا بدون مايحددولنا شو راح يكون الامتحان بس قالولنا راح يكون في شركة دناتا وفيه سقوط ونجاح فارجو من الشباب المساعده ومشكورين
سامحونا شباب شكلنا لعوزناكم بالاسئلة السموحة بس تعرفوا الحماس الزايد بنجاحنا في الامتحانات الفيزياء والرياضيات وانشالله الانجليزي
مشكورين

[Captain-Ahmed]

حاولت ادور في google بس ما لقيت شي مناسب ....

ممكن تدور احسن مني اذا عندك معلومات اكثر .... تحياتي

[مجرد ظل]

معقول محد عارف على انه مافي طيار الى لازم يمر عليه هذا الامتحان

[DUBAI ATCO]

حياك الله اول سي مبروك نجاحك فالفيزياء والرياضيات والمرحلة اللي اجتزتها اصعب من الجاية المهم ؛ الإمتحان عبارة عن 12 جزء على مااعتقد - سرعة البدية - روح فريق العمل -التعاون -قوة الشخصية -الخ وتأتي هذه على شكل مسابقات او العاب تكشف عن شخصيتك مثلا" يقسمون المنتسبين الى مجموعات وكل مجموعة تتكون من اربع اشخاص والأربع اشخاص هذيل يعطون كل واحد منهم معده احمد عطوه مقص سالم عطوه ورقة راشد عطوه قلم سعيد عطوه صمغ فيقولك كل واحد يستخدم المعده اللي في ايده ولما يخلص يعطيه الثاني ويصنع لنا طائرة ورقية مكتوب عليها طيران الإمارات والفائز اللي يخلص اسرع لكن لحد الحين وين المشكلة المشكلة انه كل واحد بيحاول يخلص قبل الثاي وبيحاول قد ما يقدر انه ما يعطي ربيعة المعده اللي في ايده عشان ما يخلص الكل يتسائل مالهدف من اللعبة هذي ؟؟!! اللعبة هذي تكشف هل انت متعاون مع زملائك وعطيتهم مايحتاجونه ول تمسك باللي عندك دون سبب عشان تطلع الأول فالمطلوب انك تحاول اتخلص ولكن بالتعاون معاهم وما تكون اناني ( السموحة عالكلمه ) لكن هذا المطلوب _ طبعا" المسابقة ستكون مراقبة من قبل الممتحنين واشياء كثيرة اخرى .. اهم شي انك تكون طبيعي ولا ترتبك .. وبالتوفيق إن شاء الله

[مجرد ظل]

الف شكر وتحيه ماقصرت

[bodypilot11]

والله مشكور