[هنـــد]

السلام عليكم


اليكم التقرير المبسط عن رحلة الاردن

مدة الرحلة اربع ايام و3 ليالي

كان الوالد عنده شغل ورحنا معاه

عالخطوط القطرية

المدة بسيطة لكنها حلوة واحلى ما فيها انها في الشتا

دائما أقول ان رحلات الشتاء هي الأحب الى نفسي

أقلعت القطرية تقريبا في الساعة الواحدة ظهرا متجهة بمشيئة الله الى مطار عمان /الاردن

كانت منظر الغيوم رهييييييييب





وصلنا مطار عمان تقريبا في الساعة 4الاربع بتوقيت قطر طبعاً

وكان توقيت الاردن بعدنا بساعة احنا عندنعا 4الاربع هم عندهم 3الاربع

ودرجة الحرارة 9 درجات







خلصنا الاجراءات والحمدلله بكل سهولة

أخذنا الشنط وعلى السيارة على طول

كان برد ومطر

والجو ياسلاااااااااااام

يجنننننننن

والله كنا مشتاقيين للمطر " اللهم أغثنا"

كنت ابي الكاميرا واصور المطر وهو ينزل بغزارة مادري وين اختفت حزتها كنها تعاند

وبصراحة ماقدرت ادوراكثر لان المطر قوي

مشينا

بس صورت من السيارة بعدين









والتحذيرات في الاذاعة عن الشوارع المسكرة في بعض المناطق بسبب الثلوج

وانا مبسوطة يعني في أمل اشوف الثلج

كانت المسافة تقريبا نص ساعة من المطار للفندق

الحمدلله وصلنابالسلامة












مناظر من الغرفة والمطر ينزل








يتبع..........

[هنـــد]

بعد صلاة المغرب قال السايق انه بياخذنا الى مطعم كان زمان

انا اقول لهم لو في النهار يكون افضل

لكن لنه مافي وقت والوقت بسيط قلنا يالله

المهم رحنا ووصلنا وكان برد ومطر وقليل من الثلج اللي يذوب بسرعة لوجود المطر معه





المكان هادي ومحد طبعا لان شتا



النقش على بيض النعام









هذا الرمل الملون الموجود بالغراش انا فكرته في البداية انهم ملونينه

لكن الريال يقول لنا انه رمل يجيبونه من منطقة البتراء ويتفنون فيه يصلح كهدايا يشترونه السواح لمعارفهم ويكتبون الاسم اللي يبونه




ما التقطت الكثير من الصور لان الوقت ليل

واكتفيت بمشاهدة المعروضات الاثرية الموجودة بالداخل



شوفوا حبات الثلج بس تذوب بسرعة


طلعنا وما تعشينا عندهم لان كان خالي من الناس مافي الا احنا واللي يشتغلون هناك

وابوي ما يحب ياكل في الاماكن اللي ما فيها حركة يحس ان الاكل بايت

وتعجبت انهم طابخين كمية كبيرة ومجهزين كل شي ومحد عندهم

استحييت اصورهم لانهم كانوا يطالعونا

قلت يالله مب لازم

[هنـــد]

بعد ما انتهينا من زيارة مطعم كان زمان جا دور المنسف

طلبنا نروح مطعم ريم البوادي على حسب الارشادات اللي تقول ان أطيب منسف عنده

ومثل ماقلت السما تمطر مع قليل من الثلج اللي ما يمديه ويذوب بسرعة

وصلنا المطعم وكان الاستقبال رائع والمكان حيوي وحركة وناس

نزلنا وفي المدخل على طول على يدنا اليسار كانت هذي المرة اللي تخبز



وريحة الخبز الحار في الجو البارد له نكهة خاصة وتجننننن

وعلى يدنا اليمين كان هذا اللي يصب القهوة



وكان هذا



السمك في الثلج اعتقد تشتري من عندهم ويطبخونه لك

اقول اعتقد لان احنا ماجربنا

~~~~~

وصلنا الطاولة المخصصة لنا

كان كل شي مرتب وحلو

واحلى شي الاستقبال البشوش



لما اكتملت السفرة نسيت اصورها<<<<<<<<يمكن الجوع

كان اهم شي عندي المنسف والحمدلله طلع لذيييذ

ولما خلصنا العشا قلت اوووووووو

جلسنا شوي وبعدها مشينا

وكانت هذي اللقطات قبل المغادرة







والحمدلله كانت السيارة في انتظارنا

وكان هذا الثلج متجمع جنب المطعم واحنا طالعين



مشينا وعلى طول الفندق لتخطيط رحلةالغد

[هنـــد]

أصبحنا يوم ثاني بحمدلله

كان الجو في منتهى الروعة

الدنيا بيضا وحلووووة

من الدريشة كانت هذي اللقطات



الثلج ينزل بس مش طالع في الصورة





تجهزنا بسرعة ونزلنا للفطور

المطعم في هذا الاتجاه



المطعم



وللامانة فطورهم حلو ومنوع وانواع الكراوسانات اللذيذة عكس ماريوت الشانز

وحنا فيه كان الثلج ينزل بقوة

بس للاسف مكانا كان بعيد من الزجاج اللي يطل

لانه هذاك القسم مخصص للمدخنين

بسرعة بسرعة خلصت وقلنا يالله

احس اني ما تفطرت عدل ههههههههههه

طلعنا فوق ولبسنا ثقيل ومشينا

والفرحة مثل مايقولون ماتسعنا

[هنـــد]

كانت خطة اليوم الثاني الذهاب الى عجلون

في الطريق

وصلنا قلعة صلاح الدين

صعدنا لقطع التذاكر

الاسعار

لقطة أخيرة لتساقط الثلوج قبل دخول القلعة

~~~~~

صناعةاردنية لعمل القهوة

4اكواب صغيرة بدينار وكانت القهوة لذيذة مع السكر

بدون سكر مرة ما اعتقد اقدر اشربها

كان موجود قبل لانركب فوق

وبعدمانزلنا شربنا منه

الجو بارد ويبي له شي دافي

[هنـــد]

الدخول الى القلعة والجسر الممدود فوق الخندق المحيط بها كان مثلج



دخلنا



برفقة المرشد السياحي



واستفدت من هذي الزيارة معلومات حلوة جداعن القلعة وكيف كانت سجن للملوك

وبعدها تحولت الى مستشفى

للاسف ماكنت ادون هذا الكم الهائل من المعلومات اللي كان يقولها لنا

لان الجو بارد ويدي مثلجة والكاميرا في يد وصعود على الدرج ولازم نحاسب

بس فعلا كان يبي له تدوين

[هنـــد]

تمثل قلعة الربض طراز الفن المعماري عند المسلمين العرب.

وتقوم هذه القلعة المنيعة على رأس جبل عظيم الارتفاع بالقرب من بلدة عجلون.

وقد شادها سنة 1184 للميلاد القائد عز الدين أسامة أحد القادة البارزين الذين خاضوا الحروب الى جانب القائد الشهير صلاح الدين الأيوبي.

واتخذ صلاح الدين القلعة قاعدة له في حملته العسكرية الباهرة لطرد الغزاة الصليبين.

على حسب ما شرح لنا المرشد

ان الدخول الى القلعة من قبل الاعداء كان صعب جداً

اولا هناك خندق كبير يحيط بالقلعة

ثانيا اي واحد يتخطى الخندق

فيصب الزيت الحار على راسه من فوق القلعة

واذا قدر يفوت قد يضرب بالمنجنيق وهذا اللي نشوفه بالصورة هذي



يعني مافي امل



هذي الفتحة اللي في الطوفة كانت لمزلاج باب القلعة

اول قاعة في القلعة



فيها هذا وشرح لنا كيفية نظام الصرف الصحي



ونظام الغذاء ومخازن التموين وكيفية تخزينها

واشار الى هذا القسم بس كان مغلق للصيانة





دخلنا من الفتحة اللي عاليسار



كان امامنا القسم اللي انسجن فيه احد ملوك اوربا









هذا المكان انسجن فيه ملك فرنسا





الكلام المنقوش عليه في عهد الظاهر بيبرس قراه لنا وكان واضح بس الحين والله نسيته

وعلى يدنا اليمين كان المتحف فيه بعض الاشياء القديمة اللي ترجع للعصور الرومانية



صعدنا فوق

[هنـــد]

مكتب صلاح الدين تحول بعدين الى مكتبة


كان يطل جهة القدس




هذي قاعة انتظار الضيوف واللي عن عاليسار الله يعزكم كان الحمام



الحمام من الداخل



البانيو يمكن



وانا اطل من فوق اصور المكان اللي كنا فيه مساعة جنب المتحف
بعدين مرينا على هالقاعة



هذي قاعة انتظار الضيوف الاجانب





من هذي القاعة نطل على هذا المنظر وواحد منهم كان المطبخ ومكان الخبز
وهو يوقل الخبز وانا خاطري فيه حار مع قشطة وعسل ..تذكرت اني ما تريقت عدل من السرعة:(



الثلج يبين واضح فيها

[هنـــد]

صعدنا والمطر ينزل



هنا تهدم الكثير من القلعة بفعل الزلازل





نزلنا ولازم نحاسب لان مطر








انتهينا من الجولة الحلوة في الجو البارد والمثلج



حسيت اني في حصة تاريخ خصوصا مع الشرح

واحنا طالعين مرينا على صاحب القهوة وشربنا من عنده فالجو بارد ويبي له شي دافي مثل ماقلت



يتبــــــــــــع

[هنـــد]

المهم شفتوا لما كنا القلعة مع الشرح واحساسي اني كنت في المدرسة

أول ما وصلنا للنهاية حسيت بوناسة

مثل لما نكون في المدرسة ونوصل لنهاية الحصة شكثر نفرح

عاد انا فرحت لان بعد هالتركيز بيكون لعب في الثلج

غادرنا القلعة











وقفنا



نزلنا



استمتعنا







تأملنا




شفنا المشروم والبلوط




وغادرنا



كانت لحظات رائعة برفقة الثلوج المنعشة

[هنـــد]

قررنا نروح جرش

الى تلك الاثار الموجودة هناك

توكلنا على الله ومشينا

وصلنا ودخلنا

كان هذا المجسم التوضيحي لجرش



وبعدها جانا المرشد السياحي اللي بيرافقنا

وبدأنا من هنا
























من هذا الباب دخلنا المسرح



هذا الصندوق حتى تحط لهم









الباب الثاني وهو مقابل الباب اللي دخلنا منه










وهذي الفتحات اللي وسط المدرج يدخلون منها الناس العاديين على حسب ما شرح لنا المرشد يقول "

هذي يدخلون منها عقلة وحمد أما كبار الشخصيات فيدخلون من الابواب الرئيسية اللي تحت " واللي مرت قبل شوي

سبحان الله حتى أول يدلعون بعد

بس والله معلومة

[rayan797]

الله عليكي ياهنو الصراحه اتمتع يوم اشوف مواضيعك بأسلوبك الحلو وتصويرك الاحلى.... ماشاء الله عليكي لفيتي الاردن ب3 ايام .... وانا درست فيها سنتين مااعرف الا مكه مول والصوفيه وعبدون ههههههه.... كيف المنسف عجبكي

[هنـــد]

هذا المدرج مخصص للناس اللي لهم مكانة لان الوقت اللي تبدأ فيه الاحتفالات يكون الظل في هالمنطقة بالذات عكس باقي اجزاء المسرح


المهم بعدين طلعت فوق من هذا الدرج



~~~

هذولا اللي يعزفون مقاطع موسيقية يهزون المسرح مع عزفهم ويسوون جو حلو

الحين هم مشاهدين ابوي وكانوايعزفون له ونا جيت على جنب وصورتهم

بس لازم تحط لهم شي في الصندوق ولا ترا بيزعلون
يستاهلون والله




طلعنا من المسرح



وقفنا عند شجرة الفلفل الاسود بس بعده ما نضج وهذا الاحمر هو الفلفل واللي في النهاية يصير اسود
كان توه طري



رحنا هالجهة وكان البرد شديييييد

بس عندي انا وناسة لاني احب البرد



هذي الاقسام تتأجر أيام المهرجان ويعرضون فيها البضائع المختلفة












في هالمكان يقول المرشد كانوا العذارى يجون ويغتسلون في الحوض اللي كان موجود فيه ماي يتباركون فيه حتى يجلب لهم الحظ السعيد <<<<<<<< يحليلهم خاطري أشوفهم

[هنـــد]

العمود المتحرك وكل الاعمدة متحركة مكونة من 3 اقسام



دخلنا هذا القسم ويتوقع انه كان فيه ملحمة





واستنتجوا من وجود تمثال الاسد أمام المحل

وهذا دليل وجود اللحم الطازج عندهم لان الاسد ما يقبل اللحم البايت

بالاضافة الى وجود مجسم الماعز

معلومة اخذتها من شرح المرشد السياحي







هذا الحجر اللي منسدح تضرب عليه كل مكان له صوت مختلف كنه قطعة موسيقية صورته فيديو بس للاسف ماعرف انزله





وأخيرا انتهت رحلة حصة التاريخ الثانية

رحنا المطعم كان بوفيه بس الوالد ماعجبه

عاد ركبنا السيارة ومشينا لنقول وداعا جرش

*****

نزلنا هنيه الجو مغيم وبدا ينزل المطر شوي






يبيعون زبيب وزعتر وبهارات



واللي معلق تين مجفف



نزل المطر وبسرعة راحوا يشلون اغراضهم

رحنا البقالة اللي عالطريق

ونزلنا



نفس الشي عنده بعد زعتر وزبيب وجميد

يحليله عطانا تين مجفف نجربه






وبعدها على طووووول الفندق

طلبا للراحة

اتمنى عجبكم تقريري المتواضع

[شهاب الجزيرة]

تقرير رائع اختي هندي

لاتحرمنا من جديدك

[هنـــد]

شكرا شهاب الجزيرة

نورت الموضوع

[إمبراطور الطيران]

كالعادة اختي هند تقرير مميز ورائع

وصراحة انا زرت الأردن اكثر من مرة لكن ماشفت مثل الأماكن الي انتي زرتيها

بإنتظار جديدك

[كراميلا]

.. هند ..
.. الله يعطيك العافية على مثل هذه التقارير إللي تصحبنا معها بأجمل المدن وأحلى الأجواء .. وأفضل تصوير ..
.. محبتــــــــــــــي ..

[Moon Flower]

الله يعطيك العافية على التقرير الجميل والأجمل لمدينة رائعة تستحق الزيارة

والأردن قريبة جدا من المدينة التي أعيش فيها وسافرت كثيرا لزيارتها وعلى خطوطها

الملكية الأردنية

تقبلي مني أطيب تحية ..

[هنـــد]

هلا إمبراطور الطيران
شفت شلون رحت اماكن ما رحتوها..

مع اني اول مرة ازورها ..والمدة كانت بسييطة كلش :f52ar:

اهم شي عجبكم الموضوع

الف شكر عالحضور والتعليق..

[هنـــد]

هلا كراميلا..


الله يعافيج يالغلا..يسرني اني اصحبكم معاي ..

الف مليار شكر.

[هنـــد]

هلا MOON FLOWERMOON FLOWER

الله يعافيج يالغلا..

الاردن كانت تجنننن..جوها عجبني

اتوقع انتي من سوريا صح..




اسعدني حضورج وتعليقج..

[MISSNADOO]

تسلمين مره هند علي الصور وكل شي تسوينه.. مره حلو ثانكس..

[هنـــد]

اقتباس:     المشاركة الأصلية كتبت بواسطة MISSNADOO  

تسلمين مره هند علي الصور وكل شي تسوينه.. مره حلو ثانكس..

الله يسلمج يالغلا..وربي يحلي ايامج..

[kuwaity_pilot]

شكر على الصور والتقرير الكامل عن زيارتج للأردن
ومشاء الله عليح يا اخت هند مابقى مكان مارحتي لة بالاردن
بس غريبة انتي مالحقتي على الثلج اللي نزل بلندن برحلتج الاخيرة؟؟

[nadia nawnaw]

تقرير جميل كالعادة

تسلم الأيادي في إنتظار جديدك

[هنـــد]

هلا kuwaity_pilot

الف شكر ع الحضور والتعليق

القهر في رحلة لندن يوم رجعنا نزل الثلج ..كنه ينطرنا نرجع بس..


يسعدني حضوركم..

[هنـــد]

هلا nadia nawnaw

تسلمين يالغلا..

اسعدني حضورج يالغلا..

[دلوعه حبيبي]

التقرير ووايد حلو

[3bdulaziz]

ما شاء الله علييييييك

تصوير رائع
وسرد ممتع
وتعليق هادئ ولطيف
وثلووج وخير وجو شاعري

وعدد التعليقات 28 ؟؟؟؟؟؟؟؟؟ والله موضوعك يستاهل اضعاف الرقم هذا بس تعودو الأعضاء يدخلون ويطلعون بدون ادنى تقدير للتعب

ومالومك يوم تهجرين المنتدى وتعد خساره كبيره علينا

بصراحه اود ان ابدي اعجابي بموضوعك
واسأل الله ان يكثر سفراتك لنتمتع بتقاريرك
وتصويرك في غايه الروعه عندك حرفيه مو بسيطه ما شاء الله عليك

وان شاء الله ان سبب بعدك عن المنتدى خير ونشوفك قريبا معنا

اكرر شكري لك اخت هند