[حويمض الليمونى]

عند زيارتى للهند وجدت السيخ يجهزون للاحتفال السنوى بما يسمونه ( قنبتى ) ويستعدون للقيام بهذا الاحتفال للتقرب الى احد آلهتهم التى يقدسونها قبل عشرة ايام من بداية الاحتفال وصدق الله العظيم اذ قال :{ فإنها لا تعمى الأبصار ولكن تعمى القلوب التي في الصدور }

اترككم مع الصور التى التقطتها عدسة كاميرة حويمض الليمونى

مع ان التعليق عليها تم من قبل احد الاخوه لنا وهو (ابو جاسم ) ليطلعكم على بعض المعلومات عن

تقديس السيخ لهذا المسخ قنبتى :



يتجهزون له قبل 10 أيام ..
يزينون شوارعهم .. بيوتهم .. وأنفسهم ..

أزقتهم بــ (كبائن) يوضع فيها القنبتى .. و بديكورات مختلفه ..
يزودون الكبينات بأنظمة موسيقية كبيرة .. يشغلون بها الأغاني الهندية المادحة له ( أبو دبة ) .. و يرقصون على الموسيقى لساعات عدة طوال 10 أيام ..

لاستقبال يوم عيد ميلاد قنبتى الموافق 5 من شهر سبتمبر ..
ينتظرون اليوم الموعود بفارغ الصبر ..
من الصبح للعصر رقص .. يريحون ساعة .. و يردون يرجعون إلى نصف الليل ..
و عند حلول منتصف الليل .. يروحون لبيوتهم باستثناء " رجل واحد قوي .. ليش : عشان يحرسون فيما يعتقدون انه ربهم لاحد يسرقه أو يشمخه أبو دبة

وعند وصول اليوم التاسع .. يتم تجهيز الشاحنات .. و تزيينها .. و الرقص إلى الصبح ..

تنطلق القوافل .. من شاحنات .. حيوانات .. ( جمال ، خيول و .... ) ...و جموع غفيرة .. من الــ ( شيوبه ، اليالصغار ، الشباب من نسوان و رجال ) ..
كيلوات من الأمتار يمشون فيها بالرقص و الألعاب النارية و اللطبول و الزينة ..
"ما يخلون واحد على راحته .. يفلعون بعض بطحين أحمر .. عشان يصيرون بزي واحد يعني اللي لابس أحمر أو أسود أو أبيض .. ما يرجع بيتهم إلا و لونه أحمر "

و نداء طول الطريق بـ : قنبتي ببا .. موريا .. بورشا ورشي .. لوكريا
يعني : يعيش للأبد أبو دبة . و تعال لينا سنة الجاية .. بسرعة عاد ..

مسافات طويلة يقطعونها من قرى بعيدة أو قريبة ... بالرقص حتى يوصلون للنهر ..
بعد وصولهم للنهر .. يشيلون عنه الزينه و الورود عشان يلقنونه ..

يلقنونه .. .. اللي فهمته من اللي قالوه ليي .. أنت الشمس اللي تضويننا .. أنت الهواءاللي نتنفسه .. أنت ربنا .. فلا تغيب عنّا .. و ارجع لينا بسرعة ..

عملية التلقين تكون بصحن فيه نار .. يطوفوه دار ما دار حوله .. و فيه بخور و ورود .. و يقوم بالتلقين رئيس القافلة .. و يردد من وراه البقية ..

المهم ..

بعد التلقين ..
يحملون ربهم ويروحون يفطسونه ..
ياخذونه و يفرون وحهه عشان يقابلهم و هم يفلتونه .. عشان يعرفهم واحد واحد عشان يغفر لهم لأن اذا عاطنهم ظهره ما يشوف احد..

و هم في الطريق لرميه تزداد و تكثر الأصوات المرددة بـ (قنبتي ببا .... )

و إذا وصلوا يغمسونه ثلاث تغميسات كأنه بقصماط في جك حليب ( يعز و يكرم البقصماط والحليب ) و هم يقولون ( قنبتي ببا ...) بعدها يرمونه بكل هدوء عشان ما يتعور .. داخل النهر ..

و يخلص دورهم في هذا اليوم و تخلص سالفتهم .. اذا تم توزيع ( جوز الهند عليهم بركة عشان ياكلونه و ينتهي يومهم )

ويلى ما عنده فلوس يستحب بأن يأتي كل فرد برب صغير عشان يرميه بنفسه و يحصل الثواب .. و مقابل النهر .. هناك أحد المحلات .. لبيع الرب .. يشترونه و يبربقونه ..

المهم ..

أسطورة القمبتي .. فى كتب الهندوس لعنهم الله هي قبل ألآف السنين .. أبطالها كل من .. شف ( والد أبو دبة) ، بارفي ( أم أبو دبة ) ، كنيش ( أبو دبة ) ..

شف : رب الحياة و الموت .. زوج بارفي .. ما يقعد في بيتهم .. يفتر من بيت لبيت يقبض أرواحهم .. و يعطي اللي ينولدون الحياة

يملك ثلاث أعين عيونين مفتوحتين .. و اللي في الوسطة مصكوكة .. يعتقدون . من يفتحها يموت الجميع

بارفي.. تتملل من القعدة لوحدها في البيت .. ما في أحد يوانسها .. و تخاف من الظلام لأنها لوحدها
فكرت في شي يشغل وحدتها .. و وجدتها فى اعتقادهم قاتلهم الله
صنعت ولد ليها و نفخت فيه من روحها! .. و عطته الحياة .. و في نفس اليوم .. كانت تبي تاخذ دش و تتسبح .. و قالت لولدها اللي خلقته .. لا تخلي أحد يدخل لو من كان .. .. قال لها .. تي كي ( بالهندي يعني أوكي )

وقف على باب الحمام .. و الأم تتسبح داخل .. إلا بوصول الرب الله يخسهم شف .. و كان ( حصران ) يبي يدش الحمام إلاهو الولد يمنعه .. لا تدش الماما داخل الحمام .. عيب يودونك النار ..

استل سيفه البتار اللي هو عبارة عن حربة يسحب بها الأرواح ..

استل حربته وإذا به يلخه على رقبته و يطير راسه ..طلعت الأم .. !!

تصرخ

قتلت ولدي و ماعندي غيره .. انت ما تقعد و تخليني لوحدى .. و هو يشغل وحدتي ..
لكنبما انهم يعتقدون انه هو رب الحياة و الموت .. قال لها برجعه .. لكن مو بهذا الراس .. براس أول حيوان أشوفه قدامي .. طلع وقام يفتر يدور لمدة عشرة أيام .. و في اليوم العاشر .. لمح فيلة توها والدة ولدها .. أخذ الفيل الصغير و شال راسه بالحربة و رجع البيت .. و ركب راسه على ولدها المقصوص راسه .. و رجع ولدها براسه الجديد .. و اننبهروا الناس بهالمعجزة و عبدوا الأبن الذى هو برأس الفيل

و سمي هذا اليوم بالقمبتي و يتم الإحتفال به للآن ..


الحمد لله على نعمة الاسلام

[alameerm]

والله ونسه القصه هذي ، سبحان الله ، من يحكي سوالف زي كذا نقله أفتح النافذه خليها تعدي ، وهم من شدة غبائهم يصدقون هذي القصص ويؤمنون بها ، صدق الله عز وجل عندما أخبرنا انا البصائر لا تعمى ولكن تعمى القلوب) ، الحمد لله الذي انعم علينا بنعمة الأسلام.

شكراً لك اخي حويمض الليوموني .

[إمبراطور الطيران]

الحمد لله على نعمة الإسلام

هذه المظاهر فعلا تجذب الإنتباه

تحياتي لك اخي حويمض

[alrheeb7]

جزاك الله الف خير ياخوي و جعله في ميزان حسناتك صراحه صدق عماهم الله و هم عن الحق غافلون

[AboAbdulla]

السلم عليكم ورحمة الله وبركاته

شكرا لك أخوي حويمض

على التوثيق الرائع

في انتظار جديدك دائماً

[حويمض الليمونى]

للتصحيح

الاحتفال للهندوس وليس للسيخ

[The Bomb]

الحمد لله على نعمه الاسلام

[الوسام الاول]

الحمد لله الذي عافانا مما ابتلاهم
والحمد لله على نعمة الاسلام

بارك الله فيك

[SCORPIONS 47]

مشكور على المعلومات الجميلة و الموضوع الرائع ........

[MISSNADOO]

يعطيك العافيه علي لطرح ... والحمد الله علي نعمة الاسلام..
مع تحياتي..

[كراميلا]

مشكور على الابداع والمعلومات .. والحمد لله الذي عافانا مما ابتلاهم به ..
.. مودتـــــــــــي ..

[عاشق الطيارات]

تفاهة...وصراحة كانهم يهال يصدقون هالاشياء الي فعلاً من قراءتها يتضح انها خيالية....يعطيك الف الف عافية اخوي حويمض الليموني وسأظل اتابع جميع تقاريرك وايضاً سأتابع مواضيعك الرائعه بمنتدى العرب المسافرون لأني اعتقد انك نفس الشخص اللي بمنتدى العرب المسافرون والاسم نفسه ...تحيااتي لك...

[الكابتن المحتار]

تصدق قصه نفسي اعرفها من زمان انا كنت هناك ولا انا داري ايش يسون بس ه>ا في بنجلور ولا وين ومشكور مقدما على المعلومات