[ولد القصيم]

ماساتي مع الخطوط الجوية العربية السعودية في الرياض حي المروج مكتب إعادة إصدار التذاكر

ذهب إلى مكتب المروج الساعة 4 عصراُ ودخلت المكتب وأخذت رقم B22 أي 122 وجاء أذان المغرب والرقم على B11 وحتى أذان العشاء بعد صلاة العشاء بداء الرقم بالتسلسل وصل حتى رقمي رقم B22 كانت الساعة تشير الثامنة والنصف ويوم جيت للمؤظف قالي تذاكرك قديمة راجعنا بكرى الصبح وعطيته تذاكر حكوميه قال راجع بكرى الصبح الأخ عايض القحطاني مدير الإصدار مدري والله شو مهمته

ولاكن المشكله 6 ساعات بالمكتب أنتظر وأخر شيء يقولي بكرى الصبح اين المسؤلين

اين المسؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤلين

[عبد الله المهنا]

الله يعينك

[حسونه]

لا تعليق
لا تعليق

[Abo zeyad]

طيب خلينا من قصة الانتظار .. هذا شي طبيعي .. تعودنا عليه ..
ايش صار معك في الصباح .. وطلعت بنتيجة او لا ؟؟

[ولد القصيم]

مارحت الصباح

عاد ممكن ارسل واحد بكرى

[mijamaan]

الله يكون في عونك بس لو انا مكانك كنت استفسر في الاول من اي شخص حتى لو المدير قبل الانتظار لاكن الحين ماينفع الكلام والله يعينك يارب

[سلطان الشرقية]

والله موضوع الانتظار شي يقهر
انا صارلي موقفين بمبنى السعودية الوحيد بالخبر والذي يخدم الخبر والدمام والظهران والقطيف !!!
من الساعة 10 الصباح وانا موجود وزحمه وهواش ومشاكل, ولما اذن الظهر طلعو كل الي في المبنى قالو صلاة وبريك عندنا ساعة الا ربع !!
ياناس ياعالم وين نروح ؟ بيوتنا بعيده
والا نجلس بالشمس الوقت شهر 8 بعز الصيف ؟
وتحسبنا عليهم ونقعنا برا لين خلص بريكهم ورجعنا
والله ياهو ناس جلسو لين صلاة العصر حتى وطردوهم نفس الشي !!!

[سفرياتي]

لاتروح لهم الا بعد صلاة العشاء دائما اروح اقص البوردنق واحصل المكتب شبة فاضي

[akrammy]

العميل يتصل بالخطوط السعودية يسالهم بدل ما يذهب ويطخ مشوار على مافيش
دى اول حاجة ثانيا فية اشياء ما يسويها للاسف الا الخطوط نفسها وانا شغال فى وكاله واعرف كيف الناس تتطيح من الخطوط واحنا ما نصير نسوى شيئ
على كل حال فيه مكتب خطوط فتح جديد من 4 شهور فى طريق خريص مخرج 13 بعد معارض الجميح عند السدحان
وان شاء الله مع دخول النظام الجديد اول شهر مارس نقدر نخدم الناس ونخفف الضغط على الخطوط السعودية والله الموفق الى الخير امين
اكرم جليليو