[احب السففر]

السلام عليكم


ترا مدري وين احط موضوعي اللي يضحك شوي

ياقماعه انا اعشق السفر مره بس مدري وس جاني من ثلاث سنين قمت احس فيني فوبيا الطيران

تخيلوا اني حاليا ابي احجز للصيف وقاعده اشوف انواع الطيارات واقول بخاطري احجز بالرحله اللي فيها طياره صغيره والا يمكن يطيرها الهوا وتطيح!:baaa2:

والا خل احجز بطياره ال a380 اللي طابقين بس قلت يمكن من كثر العالم تطيح فينا


والله جد مدري وش اللي جاني

ابي حل!
وبالمناسبه فيه احد جرب يركب الطياره ام دورين a380 ؟ هل هي مريحه بالسفر او لا

[atc tabuk]

شعور طبيعي نوعا ..

رغم رحلاتي الكثيرة الا أنه لا زال بعض الاحيان أشعر برهبة خصوصا وقت الاقلاع والهبوط والمطبات الجوية ..

لكن تبقى الطائرات آمن وسيلة نقل .. الاف الرحلات يوميا والحمدلله نادر مايصير حادث قوي ..

الأفضل أنك تشغل نفسك بقراءة كتاب أو اللعب بالجوال ..

لا تناظر من الشباك وقت الاقلاع ..

خل معك علك ..

دائم أسد أذني وقت الاقلاع والهبوط ( ارتاح كثير أذا سويتها )

[احب السففر]

زين اشوا موب انا لحالي اللي اخاف اذا جت مطبه هوائيه

[THE LORD KSA]

الموضوع طبيعي جدا و 50 ٪ تقريبا من الركاب يعانون من هذا الرهاب وهو امر وقتي يزول اثناء الرحلة

مواضيع قد تفيدك ان شاء الله

https://www.flyingway.com/vb/showthread.php?t=117807

https://www.flyingway.com/vb/showthread.php?t=31869

https://www.flyingway.com/vb/archive/...p/t-89460.html

https://www.flyingway.com/vb/archive/...p/t-35595.html

https://www.flyingway.com/vb/archive/.../t-100860.html

https://www.flyingway.com/vb/showthread.php?t=140501

https://www.flyingway.com/vb/archive/.../t-119856.html

[wael JED]

شي طبيعي
والطائره الكبيره اريح بالسفر
كلنا مرات نمر بالشي ذا
وسبق ومريت فيه لمن شفت اول مره برنامج حوادث الطيران
والاقلاع والهبوط صرت استمتع فيها بالرحله
الطيران امن وسيله بعد مشيئه الله عز وجل و اولاا واخيرا الله هو الحافظ والحامي
لو الله كاتب لك شي بيصير لك مهما صار ووكل الله عز وجل وادعي دعاء السفر ولا تشيل هم شي

[abdullah0088]

شعور طبيعي

والرهبه لابد منها

[Capt.Mouath]

انا على قد ماسافرت ابداً ما عمري حسبت بالرهبة ولا 1% .. بالعكس حاس بحماس ومتعة وأفضل الفترات عندي الإقلاع والهبوط .. ،

لكن والله مستغرب من العدد الكبير اللي يخاف من الطيران مع إنو شي طبيعي وتجيني حالات والله أحس اني مو طبيعي لأني ما أحس برهبة وأستغرب من نفسي .. وفي وقت الرحلات أشوف الناس اللي جمبي متشبطين باين عليهم الخوف وبعض الأحيان اسوي نفسي اني خايف زيهم عشان احس اني طبيعي X_X ..

[Eyad09]

أختي أبشرك إن رهاب الطيران شي ممكن يزول .. وأنا والكثير غيري دليل على كذا ..

قبل كم سنة كنت أطير رحلة داخلية في أمريكا وهبطنا هبوط اضطراري في مدينة قبل مدينة الوصول وأذكر الطيارة تقلبت بشكل ماشفته في حياتي مع الجو .. مع إني كنت عارف وقتها إنه مستحيل المطبات بتطيح الطيارة .. لكن خوفي غلب على عقلي المنطقي بسبب الهبوط الاضطراري .. والعالم كانت تصرخ من الخوف وقت الهبوط وأنا معهم شاركتهم في الغناء :)

بعدها قعدت سنتين عندي خوف رهيب من الطائرات إلى أن زال تماما الحمدلله .. والان أسافر مرة كل شهر تقريبا ووضعي في السليم .. لا تشيلين هم .. مو شرط ذا الشعور يلازمك للأبد ..

تعلمي عن الطيران أكثر .. عن الإقلاع والهبوط والمطبات ... يقولك لو تطيري مرة في كل يوم في حياتك .. فاراح ياخذ الموضوع أكير من 26 ألف سنة عشان تطيح طيارتك مرة واحدة .. شبه مستحيلة يعني .. احتمال إنه برق يصيبك وانتي واقفة في الشارع أكثر من احتمال سقوط طائرتك .. والطيران كل ماله يصير أكثر أمان من زمان عبر السنين ..
تدرين إنه من سنة 1991 .. ماطاحت ولا طيارة في السعودية؟ سواء كانت طائرة سعودية أو لخطوط أجنبية .. 24 سنة ماصار أي حادث ولله الحمد .. وشوفي كل يوم كم رحلة تطير ..
الاماراتية ماشاء الله .. مالها أي حادث في تاريخها .. ماشاءلله بالرغم من ضخامة أسطولها وكثرة رحلاتها .. لكن كل رحلاتها عبر تاريخها هبطت بسلام .. لا تحطين سبب إنه رحلتك راح تكون الأولى اللي تسقط لا قدر الله


بخصوص ال A380 .. أنا أنصح بقوة هذه الطائرة لكل شخص يخاف من الطائرات .. مو بس عشان احساس المطبات الهوائية فيها أقل بكثير من الطائرات الأخرى .. لا .. ماشاءالله طيارة أببدددا ماتحسين فيها وقت الإقلاع .. ركبتها 8 مرات .. كل مرة مستحيييل أحدد اللحظة اللي فارقت فيها الكفرات أرض المدرج .. تقف الطائرة على المدرج .. وتتسارع بشكل ناعم وسلس .. يعني حتى تستغربين كيف راح تقلع وهي لسى بهذه البطئ .. وانا أكلم اللي جنبي أطالع الشباك إلا ألاقي نفسي في الهواء من فترة .. ماحسيت انها أقلعت حتى ..وغير الهدوء اللي ماحصلها في أي طائرة أخرى .. لا أصوات محركات ولا هواء تسمعينها .. لهذا السبب أدور رحلات هذه الطائرة ولو بسعر أغلى شوي ..


توكلي على الله .. استودعي نفسك عند الخالق .. وراح توصلين بالسلامة أنا متأكد ..

وهذا مقطع للطائرة وقت الإقلاع .. ماشاءلله تحسين انها تقلع بدون أي جهد .. مافيها دراما مثل الطائرات الصغير ..