[DUBAI ATCO]

الخطوط السعودية تعتزم إلى تغريم المتخلفين عن الرحلات الدوليةتعتزم الخطوط الجوية السعودية فرض غرامات على المتخلفين عن السفر عبر الرحلات الدولية بعد تأكيدهم لحجوزاتهم. وقالت الشركة في بيان لها نشر أمس ان هذه الغرامات تأتي محاولة من الخطوط للحد من ارتفاع عدد المتخلفين عن الرحلات الذي وصل إلى مليون متخلف مما كبد الخطوط السعودية خسائر كبيرة وتسبب في حرمان كثير من المسافرين الجادين من السفر.

ووجه مدير عام الخطوط السعودية المهندس خالد الملحم لدراسة فرض غرامات على المتخلفين وفقا لما هو مطبق في شركات الطيران العالمية العاملة داخل المملكة وخارجها.

ومن المتوقع، وفقا لمصادر مطلعة في الخطوط السعودية، أن تتراوح الغرامات التي ستفرض على المتخلفين عن السفر ما بين 100 ــ 500 ريال إلى جانب الاستفادة من المقاعد الشاغرة والمتاحة.

يو.بي.آي

[AboAyoob]

مشكور أخوي DUBAI ATCO على متابعة الخبر

لكن هذا الكلام مستهلك ، لأنهم يغرمون و يلغون الحجز لهم أكثر من سنة و نصف
و العيب في إدارة الحجز ما هي في المسافرين ، لأنه مهما تحجز ، لا تجد سوى الانتظار ، وقبل الرحلة بساعة تصل إلى أقل من 24 ساعة يتصلون و يقولون الحجز مؤكد

[B772]

يعطيك العافية على الخبر
والله أبو طبيع ما يترك طبعه
احنا ما حصلنا غير الانتظار في الحجز ومن رخص التذاكر عاد

[Rawamess]

الحمدلله خبر جميييييييل وقسم بالله لو عملوه هذا الشي قد ايش رااااح نرتااااااااح من جد

[Flying Way]

والله بصراحة العيب من ادارة الحجز مو من المسافرين ..

[ابو ضاحي]

مشكور على الخبر

[DUBAI ATCO]

شكوريين عالردود نسأل الله أن يوفق الخطوط السعوديه الى كل مافيه خير لأنهم بصراحه يستاهلون كل خير..

حياكم الله وم

[nab83]

السلام عليكم ...
اول شي اللي خلاني اسجل في المنتدى .. موضوعكم الجميل اللي اتفق الاعضاء جميعهم على ان العيب من ادارة الحجز ...
سؤال يستنتج من خلاله الجواب ؟؟؟
كم واحد منكم لما يحجز ويغير رأيه يرجع يتصل ويلغي الحجز؟؟
انا اتحدى وابصم بالعشرة ان 90% من اللي يغيروا رأيهم ومايسافروا .. مايتصل ولايلغي .. ليش ؟؟؟ ماراح تفرق عنده لغى ولا مالغى مو رايح شي من جيبه ويمكن يقول "خل المقاعد تطلع فاضية وعساهم مايربحوا" لكن لو يحط نفسه مكان اللي مو لاقي حجز راح يحس بالمسؤولية..

وثاني شي .. لو كل مسافر يعرف متى يبغى يسافر ومتى يبغى يرجع قبل الرحلة بفترة طويلة كان لقى حجوزات مؤكدة .. لكن أغلب المسافرين الى التخطيط وتنظيم الوقت.
يتصل قبل السفر بيوم ويقول ابغى حجز مؤكد واذا مالقى .. قال نزلوا رحلات اضافية


وثالث شي .. كثير من الناس يقول لغوا لي الحجز عشان يعطوه موظف زميلهم ولا واحد من اقاربهم ..... وانا اتحدى اي احد يقدر يلغي حجز ويعطيه خويه ولا قريبه لانه يتحاسب واي حركة تصير في الحجز يبان تحت بند history ولو صارت لاحد يقدر يشتكي الموظف وياخذ حقه ويرجع مقعده غصب عن اللي مايرضى....


ورابع شي .. الانسان مو معصوم من الخطأ .. وطبعا اللي يقرا الكلام اللي انا كاتبه يقول الخطوط السعوديه ما فيها عيوب .. "ومو كل الموظفين امناء ولا كلهم انذال"
لا !!! مافي مؤسسة او شركة الا وفيها عيوب .. لكن من الامانه ذكر الايجابيات وليس العيوب فقط

وسامحوني اذا طولت عليكم....

[DUBAI ATCO]

و عليكم السلام ورحمة الله وبركاته..

حياك الله في المنتدى ومشاركتك تشرفنا:f52ar: وان شاء الله تفيد وتستفيد ،،

عزيزي بادي الأمر هذا خبر من أخبار الشركة وهو شيء طيب بأن تتخذ الشركة هذه الخطوات لتحسين الأداء وحل المشكله وكل شركه ولها سياستها فربما الأخوة أحالو السبب كما ذكر بأنه من إدارة الحجز وهذا تعبير عن رأيهم بحكم خبرتهم و تعاملهم مع الشركة .. وأما بالنسبه انه ليس فيها عيوب أكيد كما تفضلت كل واحد وفيه عيوب ،، صفة الكمال لله وحده عز وجل ،، وكل انسان أوكل شيء لابد وفيه عيوب ،،

وأحب أن أضيف أن الخطوط السعوديه من أحسن الخطوط الموجوده فالساحه وشركه نعتز بوجودها ولانتمائها للعرب و المسلمين وعن جد بكل صدق وأمانه ،، بدأط بتعاملي معهم كمسافر منذ الصغر وما زلت أتعامل مع الطياريين والطاقم العملي بصفة عملي بمهنه مراقب جوي في مطار دبي وتعاملي معهم بشكل شبه يوميو أن طاقم الخطوط السعوديه في الحقيقة لايعلا عليه (كوني مسافر) من خدمه ورقي فالتعامل ولم نواجه قط مشكلات فالحجز يوما" ما ، نعم بعض الأحيان لانجد حجزلكن عحسب الظروف ،، ومن ناحية الجهه الفنيه والعمليه فإن طاقم الطيران السعودي من أمهر الموجودين ومررت معهم في عدة مواقف وأوضاع و سوء أحوال الطقس وحالات طواريء وغيره.. وكل يوم ازداد اعجابا" بكفائاتهم ومهارتهم والله يشهد على هالكلام ،، وأحب ان اضيف ان معظم سفراتي عالسعوديه وأن الخطوط السعوديه تقدم لنا كموظفين في قطاع الطيران خصومات معتبرة تذكر وعلى هذا تقدم خدمه مميزه على متن طائراتها وفعلا" الله يجزيهم خير ويوفقهم ..( ان شاء الله بطلع معاهم شهر 3 عجده)

واسمحلي عالإطاله ومرحبا بك مرة أخرى فالمنتدى .(بانتظار مشاركاتك)

[عاشق السيارات]

مشكووور اخوووي