[attack angle]

السلام عليكم ورحمه الله وبركاته
شباب حبيت اقص عليكم رحلتي هذي واتمنى منكم الرد على حالتي هل طقيت والا ؟؟؟
كان الوقت مبكرا اقلعت الطائره كان الجو غائم والروياء مش ولابد والرياح قويه الزبده ماهو جو طيارن بالنسبه لي.بعد مااخذت الطائره في الارتفاع وبعد لحضات من استقرارها في ذلك الوضع بدات الطائره في عدم استقرار وبدا اخوكم عضو خط الطيران في تحليل ماقراء بالمنتدى اشتغل تحرك rudder بدات الجنيحات تاخذ رد الفعل بدات دفه العمق كذلك بردت الفعل لا وشايف حالي مسيطر على الوضع متاثر من كثر ماقراء عن الدفه بعدها بقليل ضاعت العلوم والله لادفه ولاغيرها متسمر بالسيت وقاضب السناده حقت السيت اول مره اشوف كذا من جد خلاص لا انا وجهي فاتح الطاقه على باله يطلع الارض والله ايهي بعيده شكل الكابتن شلع بقوه فوق وشكل الغيوم تقول جبال سبحان الله بالجنب كان بالسيت اللي خلفي واحد كبير بعمره وكل ماشف الغيم يقول لا لا لا.... والله ودي اضحك بس الوضع والله يبكي وعاد اقول الحين طاحت بسلم والا. لا ؟؟؟ بس يوم انا بالسماء واشوف فيه فراغات بين الغيوم لا الارض بعيده والله حسيت السماء اقرب بالول اشوف العالم تسولف بس بعدها الناس ساكته واللي نايم صحى واصوات الشنط بالادراج والبزران اللي يبكي قمت اتشهد والفلم مر بسرعه جميع المساوي اللي سويتها بحياتي طلعت والله حسيت الموت اقرب واتذكر صليت الفجر والا لا (الصلاه تكفون ولا الموقف اللي شفته من جد يخرش) بعدها حسيت عندي احساس من الطيران والله اشوف بزاويه قدام اقول الله يعين والله هنك العن وفعلا يصير والله احس الطيار يسوي عكس بالاتجاه الرياح تحذف الطائره يمين واحس انها تبي تروح يسار لاحول شوي بدا في الهبوط التدريجي وشوي اشوف الارض الحمد لله رجع الدم بعروقي اه اه ...هبطت العالم اللي يسب و**** واللي يشتم بس والله بجد اشوف الطيار طالع على بوابه الكبينه وكان اجنبي والربع يفكرونه داري وش يقلون وهتك سب لا وهو يبتسم ماهو بداري بس اللي حسيت انا انه متعود يعني الوضع اللي صار عادي بالرغم اني احب الطيران بس ذاك اليوم بالطائره وقت العفسه والله كرهته وكرهت علومه بس طالعت الطيار وابتسامته وخبركم الاجانب بهزت روسهم بس ماهو زي الهنود بالعرض هذولي بالطول ودي اقول حسبي الله عليكم لش تطلعونها بهالجو مافيه ارصاد تعطيكم report عن حاله الجو بس قلت بحالي انا سلمت بس والا الحين يتلني ويردني معه ههههه.من جد الطيران يبيله قلب قوي والا انا هاك اليوم متسمر وانحذف يمين ويسار اجل وشلون شكل الطيارقدام.شباب ممكن انا ماقدرت اصور زين بس اتمنى اني اعطيت شي من الصوره.

[AboAyoob]

السلام عليكم ورحمة الله وبركاته
والحمد الله على السلامة
والأمور سهلات يعني لا تحط في بالك ان فيه شي غلط أو صعب
هذي الأمور عادية جداً - والحمد الله كل الطيارات المدنية مزودة بأنظمة سلامة

لكن أحيانا تمر ظروف جوية صعبة و الشخص بحكم قلة طيرانه
يكون ما تعود عليها
إلا الأمر طبيعي ولا هناك أي خلاف

[جون بارنز]

اتذكر رحلة عام 2004 بين القاهرة وعمان ( الاردن ) كان الاقلاع الساعة الثامنة مساءا على الخطوط الاردنية وكان زمن الرحلة حوالي الساعة والربع كان الجو ماطر والاقلاع من المطار القديم الداخلي ( انصح بعدم الذهاب اليه) وكانت معضم الرحلات المجدولة متاخرة بسبب الجو السيئ.
كان بجوارنا رحلة للخطوط الليبية تاخر اقلاعها اربع ساعات.
ركبت الطائرة ايرباص 320 وبجواري راكبة امريكية واردنية.
بعد الاقلاع نامت اختنا الاردنية وبدت تشخر.
وبدأت الحفلة بعد ذلك حيث سقط احد المضيفين وضرب راسة في حافة المقعد ولم يصب والحمد لله
واعلن الطاقم الاعتذار عن تقديم اي وجبات حفاظا على سلامة المضيفين.
اختنا الامريكية بدات تسأل ماذا يقول ؟؟؟ وبدأت اشرح لها والطائرة تترنح والرياح الخلفية شديدة جدا.
ونظرت الى اليمين الا والامريكية تبكي ومنهارة وتقول لي لم ار في حياتي مثل هذه الرحلة وبدات بالصلاة ( مسيحية ) والمضيفين باين عليهم القلق وكان صوت الطائرة ينخفض بشدة ثم يرتفع بشدة
وبعض الركاب بدأ في الدعاء بصوت عالي والطريف ان اختنا الاردنية تشخر واعندما استيقضت على مشارف عمان قالت لي ايش صاير؟؟؟ فقلت لها بغضب نعم نعم ايش صاير؟؟؟ انتي وين كنتي؟؟؟؟
وكان من المواقف الطريفة انني كنت اطمئن الراكبة الامريكية واخبرتها انني واجهت اسوأ من هذه الرحلة وانتهت على خير بالرغم من نفيها عن نفسها ذلك حتى في رحلات الولايات المتحدة
وبعد الهبوط اخبرتها انني لم ولن ار مثل ذلك ؟؟؟؟؟؟
وفي اليوم التالي قرأت في الصحف ان مطار شرم الشيخ والغردقة والقاهرة كانت مغلقة في مساء اليوم السابق فزادني قلقا وعلمت انننا كنا على كف عفريت.

[q8pilot]

السلام عليكم
اخوي اذا تبينا في كل جو سئ ما نطير راح نشتغل على تكاسي لانة هذا هو الجو الي نطير فية
و انت الله يهديك اتعرف عن الطيران و تقول هكذا عن الطيار و انت عارف انه ماله شغل في المطبات الهوائية و لكنه اكيد كان يحاول يتفاداها و لكنة ما قدر
وكما يقول البعض نحلق في ظروف يفضل البعض فيها الجلوس في المنزل

[B772]

الحمد لله على السلامة وقصة روعة