[abdullahafth]

السلام عليكم ورحمت الله وبركاته

هذهي طيارتي







وهذا السيرفو .. طبعا هو مو سيرفو هو دفرنش سياره انا حاولت اني اجعله مثل السيرفو



وهذه صوره المحرك اشتريته من محل حق الطائرات مع المروحه




وهذه صور السيفو ( الحفله ) بعد التركيب



اريد ارائكم وملاحضاتك

طبعا انا مبستخدم ريموت كنترول حق سياره صغيره .. بس البطاريه ما ادري وش استخدم

[عبدالله الدغيلبي]

حياك الله ابو عبداللطيف

ذكرتني بالماضي الجميل ..في اول ايام انضمامي للمنتدى

الصراحه العمل واضح انك تعبت فيه ,,

لكن اذا تريدني اجامل ...واخرج ماعندي مشكله ..

اما اذا تريد انتقاد تستفيد منه فنحن مستعدين ..ايضاً ..

من واقع خبره مع كثير من الأخوان يعتقدون ان النقد تعقيد او تحطيم او فرد عضلات ؟؟؟

لأن الطياره هذي مارح تطير ...بكل بساطه ..

لكن بتستفيد من اخطائك ,

[abdullahafth]

اشكرك على التحطيم .. اقصد على التشجيع ..

ايش الاخطاء علشان اصلحها

انا توني مبتدئ ..

..؟؟..

[البرنس]

اقتباس:     المشاركة الأصلية كتبت بواسطة abdullahafth  

اشكرك على التحطيم .. اقصد على التشجيع ..

ايش الاخطاء علشان اصلحها

انا توني مبتدئ ..

..؟؟..

ما شاء الله بدايه موفقه

وهذا سر النجاح تقبل النقد

تحياتي لك والى الامام

[عبدالله الدغيلبي]

اقتباس:     المشاركة الأصلية كتبت بواسطة abdullahafth  

اشكرك على التحطيم .. اقصد على التشجيع ..

ايش الاخطاء علشان اصلحها

انا توني مبتدئ ..

..؟؟..

هههههههههههه:iconloli:

يعني انا ما اخطأت ,:redcart:

طيب مافي مشكله: انا اسحب كلامي الماضي واقول:

الطياره جميله ...وابدعت في تصميمها ...,,,,بالتوفيق اخي

[abdullahafth]

اين الردود


اريد ارائكم علشان ... تطير الطياره

[ah1med]

أخي الكريم يجب عليك أن تتفهم خبرة من سبقك من خلال اتصافك بالحلم والصبر فالعلم يستقى من أهله ...


على كل حال


أولا / ملاحظات القدرة الباور :


المحرك BRUSHED وذو قدرة ضعيفة والمروحة معه لا تشكل قوة دفع تذكر مقابل وزن الطائرة الكبير بمنظومة الدفع المتوفرة ، كذلك وضعية المحرك مع السيرفوات خطأ وستشكل عائق للكم واط التي ستنتج نتيجة دوران المحرك يعني محصلة الباور قريبة من الصفر .. في حين أنك تحتاج باور آوت 60 واط تقريبا ..

للاطلاع ... لاحظ الموضوعات المثبتة


ثانيا / الملاحظات الفنية :

- الريموت تبع سيارة يعني لـ 10 متر ( اذا افترضنا طارت آخرتها بتوقع )

- لا أعرف كم قناة الريموت واذا كانت أيضا دائرة الاستقبال تستجيب لأربع قنوات .. لا أعتقد ... طائرة فاعلة 4 قنوات أقل شيئ ..

- السيرفو كبير ووزنة كبير .. كذلك لا يمكن التحكم به بشكل دقيق يعني يا اسود أو ابيض دوان 100 % أو الرجوع الى الصفر وهذا لا يشكل نموذج طيران مثالي وهو صعب جدا اذا افترضنا انك وفرت قدرة مناسبة لطائرتك ..

- ما عندك rudder .. يعني صعوبة اضافية في التوجية اضافة لكم المشكلات ( يمكن الاستغناء عنه ولكن في وضع طائرتك ضروري يكون موجود لأنه درجة تحكمك بها ضعيفة جدا)

- البطارية غير متوفرة وهذا خطأ ... عليك أن تحسب الباور بالكامل ووزن الطائرة وتحدد امكانياتك لتصنع طائرة ناجحة ..

- لا تدفع أموالا في مشاريع شكلية - أنصحك إن كانت لديك رغبة جادة أن تشتري طائرة تدريبية تستطيع الطيران من خلالها بنجاح ولتتعرف على مكوناتها وتأخذ فكرة مبداية ... والقسم عندك مواضيع كثيرة تنتظر قراءتك بعدها تستطيع التصميم ...

موفق بإذن الله ... انت في الطريق السليم من حيث صبرك وإتقانك للعمل يلزمك الاطلاع والتحلي بصفات المبدعين وهي الاستماع للنقد ...


حفظك الله .. ،،



أتمنى من الشباب مساعدة العضو بأي معلومة اضافية

كلنا نتعلم من بعض

[عبدالله الدغيلبي]

الطياره جميله ...ورهيبه ...وابدعت في صناعتها ...

الله يوفقك .

[abdullahafth]

يا كباتن ..

بطاريه الجوال تصلح لو استخدمتها للطائره ... لو استخدمت اكثر من بطاريه لزياده الامبير ..؟

كان في موضوع عن البطاريه .. ولا كن لم اجده

وما وظيفه الجناح الامامي بالتفصيل الممل .. السيرفو كيف يتم تحريكه ..وهل يتم تحريك الجناحين مع بعض ولا كل واحد بلحاله ..؟




وما وظيفه الجناح الخلفي بالتفصيل الممل.السيرفو كيف يتم تحريكه ..وهل يتم تحريك الجناحين مع بعض ولا كل واحد بلحاله ..؟

.

[saed80]

يا عمي لا تزعلو لنا موسكيتو و خلوه مركز في الايدج حاليا
بس انا حسيت خوينا بس بيمزح معك فلا تاخذ على خاطرك

انا من راي اخوي موسكيتو (ما اعرف المجاملة)ـ لن تطير و خصوصا اول ما شفت السيرفو اللي كنه سيرفو تويوتا كامري ، اقصد حجمه مرة يا عزيزي كبير
السيرفو لمثل هكذا طائرة لا يتعدى 5-9 جرام

انا رايي مثل راي اخوي احمد ابدا بطائرة فلينية خيصة السعر جدا وشوف و افهم مبادئها و اتدرب عليها و بعدين تبدا التصميم

بالتوفيق ولا تزعل من مزاحنا ترا كلنا اخوان

[لورنس]

اخوي ابو عبد اللطيف
انت مسوي الطياره هذي على البركه
شكلك ما حسبت اي شي
لا قدره ولا قوة ولا شي قصيت على كيفك
وجبت المواد على كيفك وبديت على كيفك
عموما في مشاريع بناء طائرة كثيره في المنتدى
ودامك صرت مقصقص وناوي عليها
فعلا لا تخسر فلوسك بشي ويروح سدى

انا اتمنى لو سائد يحط لك رابط للموقع اللي صمم منه طائرته لانه سهل وتقدر تمشي مع الخطوات
وحده وحده
لين تعرف ايش ناقص طيارتك بالفعل
ريموت سياره ما ينفع اخوي نهائيا حتى لو كانت السياره صارووخ :)
يبيلك ريموت 4 قنوات ( 4 channels ) على الأقل
قناة للتحمن بالسرعه
قناة للتحكم بالرادر ( الذنبه يمين يسار )
قناة للتحكم بالإيليفيتور ( فوق وتحت )
قناة للتحكم بالأجنحه ( فوق وتحت )

بعد كذا يبغالك سيرفووات ( القطع المسئوله عن تحريك كل ما ذكر قبلا مثل الرادر والإليفيتو والجناحات )
ويبغالك متحكم بالسرعه حقت الماتور
ويبغالك ماتور اكبر من اللي عندك عشان يعطي قوة اكبر لرفع الطياره
مممم ايش بعد
اكيد انا نسيت شغلات كثيره
ولكن اللي قلتهم لك اساسيات ماني شايف منها اي شي عندك

وربي يوفقك وتبني طيارتك ونشوفك في الموقع معنا :)

بالتوفيق

[abdullahafth]

السلام عليكم


كيف الحال ..,.,.,.

الغيت السيرفو ( الحفله ) وحاولت اسوي واحد ..


البطاريات بستخدم بطاريات الجوال

والريموت بستخدم ريموت سياره كنترول .. في طريقه لتقويه الارسال ..؟

وما فائده السبيد كنتروول ..؟


على فكره ../ الطائره سويتها على المخطط بالظبط


محرك الهاردسك .. هل ينفع للطائره ولا لا




يوجد به 3 اسلاك طالع .. وش اسوي فيها .. كيف اوصلها ..؟

[abdullahafth]

اين الردود ..


انا مستعجل

[abdullahafth]

يا شباب مافي احد يبي يرد


ارجو الرد بسرعه

[hamdro]

عذراً عزيز عضو خط الطيران:
يجب أن يكون لديك مجموع 10 مشاركة لكي تتمكن من استخدام خاصية الرسائل الخاصة.