[superfly]

اسمحولي على التدخل

معدل امتلاء المقاعد يعتمد على عوامل كثيرة جداً منها موسم العطلات

أنا بعطيكم مثال

واحد من أقربائي سافر الى زيورخ في شهر فبراير الماضي على متن طيران الامارات و نسبة أشغال المقاعد في الرحلة كانت 30% لان في هذا الوقت لم تكن هناك اي إجازة في هذا الشهر

و هذا شي عادي انك تلقى رحلة فاضية او ممتلئة و يحدث في كل شركات الطيران

superfly

[صدى الغربة]

اقتباس:     المشاركة الأصلية كتبت بواسطة الكابتن القطري  

شباب إحنا الحمد لله كبار و بالغين و المفروض النقاش يكون رائع بـ روعه آصحابه ^_^
لا لا .... بالعكس كلنا إخوان و ما في أحد يتحسس من أحد ولو لنا آراء مختلفة
بس تعوذوا بالله من الشيطان و إنتوا تشوفون
لا تخلونه يلعب معانا إحنا المفروض الي نلعب عليه
تحياتي لكم

لا يا خوووي لا .. لا تفكر بهذه الطريقة ... ^_^
بالعكس إنت ما إنتقدت القطــرية ،، إنت قلت رايك و وجهة نظرك الشخصية تجاه القطرية
وهذه ع العين و الراس الغالي
بالتوفيق لكلا الشركتين طيران الإمارات و القـطـرية
فهم مثال يحتذى به أمام الشركات الخليجية و العالمية الاخرى
و بالتوفيق للجميع بدون إستثناء
-------------
بس طال عمرك بغيت أسئلك عن موضوع فضاوة الطائرة
بما إن تحدثت عنه أنت و قلت أغلب رحلات القطرية تكون فاضيه أو بمعنى أصح
غير ممتلئة و هو ما يقاس عليه نجاح أو فشل الشركة بمعنى اللآرباح
وطبعاً إنت تفضلت بـ إن طيران الإمارات أرباحها ممتازة مقارنة بالقطرية
بسبب موضوع عدد كم مقعد فاضي أو ممتلىء
والذي طبعاً أنا أثق إن لا علاقة له بـ آرباح و إحصائات سنوية أو شهرية
للشركة سواء الإماراتية أو القطرية لأن من الطبيعي وجود رحلات بها مقاعد شاغرة
أحياناً في الشهر أو في السنة ع الأقل
المهم أمس دخلت لـ أحجز أحد الرحلات على طيران الإمارات
الرحلة غداً طبعاً ما حجزت بشكل فعلي لكن إطلعت على الرحلة بشكل عام
بها 14 مقعد فاضي
هل هذا يعني إن طيران الإمارات غير مربح أو لا يدر الآرباح بعكس الشركات الإخرى ؟؟
أنتظر جوابك

انا ماني غلطان ومستغرب توجه لي هالكلام
انا نقاشي بحدود الادب لكن الاخ قال اني اكره قطر ومن هالكلام انا بالعكس مارديت عليه لوغير كان رد عليه
انت تقول 14مقعد يعني شي مكسب لها لاتنسى طيران الامارات ترتيب مقاعدها 3-4-3 يعني في كم مقعد زيادة واسمحلي يمكن لوعممت على رحلات القطرية انا اقصد بعض وجهات غير ممتلئة بس طيرن الامارات نسبة الاشغال ماشاء الله عالية في اغلب الوجهات
وانا ماااقصدت الارباح اقصد نسبة الاشغال بينهم

[إنسان ذوق]

الله يهديكم ياشباب
تركتوا صلب الموضوع واتجهتوا لأمور أخرى
هذه هي عواقب التطرق للأمور الجانبية
لذلك لا تلام الإدارة عندما تقول : يرجى الحفاظ على صلب الموضوع .

يا إخوان صلو ع النبي
أنا تابعت الموضوع ولاحظت أن الإنتقادات كانت هادفة بغض النظر عن اختلاف وجهات النظر ، وأنت ياخوي صدى الغربة عزيز وغالي ونقدك كان إيجابي ويعبر عن وجهة نظر شخصية . وأتمنى ياشباب الهدوء والحفاظ على صلب الموضوع .

بارك الله فيكم

[صدى الغربة]

اقتباس:     المشاركة الأصلية كتبت بواسطة إنسان ذوق  

الله يهديكم ياشباب
تركتوا صلب الموضوع واتجهتوا لأمور أخرى
هذه هي عواقب التطرق للأمور الجانبية
لذلك لا تلام الإدارة عندما تقول : يرجى الحفاظ على صلب الموضوع .

يا إخوان صلو ع النبي
أنا تابعت الموضوع ولاحظت أن الإنتقادات كانت هادفة بغض النظر عن اختلاف وجهات النظر ، وأنت ياخوي صدى الغربة عزيز وغالي ونقدك كان إيجابي ويعبر عن وجهة نظر شخصية . وأتمنى ياشباب الهدوء والحفاظ على صلب الموضوع .

بارك الله فيكم

انت على العين والراس والاعضاء كلهم بس انا ماغلطت ولاخرجت عن صلب الموضوع
حسستوني انا الغلطان انا قاعد اتناقش مع الشباب ولاغلطت على احد

[747-8Intercontinent]

شباب عشان اريحكم واريح كل مشكك في القطرية

نتائج القطريه للعام الماضي 5.5 مليار دولا ..

صافي ارباح الخطوط الجوية القطرية هو 206 ملايين دولار ،،

وشكرا

[كابتن زومي]

الى الامام يا الخطوط القطرية .. وان شاء الله يتاكد الخبر

[الكابتن القطري]

اقتباس:     المشاركة الأصلية كتبت بواسطة صدى الغربة  

انا ماني غلطان ومستغرب توجه لي هالكلام
انا نقاشي بحدود الادب لكن الاخ قال اني اكره قطر ومن هالكلام انا بالعكس مارديت عليه لوغير كان رد عليه

لا لا الكلام للـ إثنين إنت و ضباب الدوحه
لذلك ذكرت ما في أحد يتحسس من أحد و كلنا إخوان
وتحت مضلة وحده يعطيك العافية ..

اقتباس:     المشاركة الأصلية كتبت بواسطة صدى الغربة  

انت تقول 14مقعد يعني شي مكسب لها لاتنسى طيران الامارات ترتيب مقاعدها 3-4-3 يعني في كم مقعد زيادة واسمحلي يمكن لوعممت على رحلات القطرية انا اقصد بعض وجهات غير ممتلئة بس طيرن الامارات نسبة الاشغال ماشاء الله عالية في اغلب الوجهات
وانا ماااقصدت الارباح اقصد نسبة الاشغال بينهم

!!
يا خووووي مخي دخلت المعلومات ببعضها ^_^
كيف ما قصدت الأرباح ؟؟

اقتباس:     المشاركة الأصلية كتبت بواسطة صدى الغربة  

والقطرية لاتزعلون مني غير عن الاماراتية الاماراتية في ارباح وفي عدد ركاب عكس القطرية طياراتها ماتكون ممتلئة

اقتباس:     المشاركة الأصلية كتبت بواسطة صدى الغربة  

اسمحلي الاماراتية غير عن القطرية الاماراتية شركة ارباحها ممتازة عكس القطرية
القطرية لها وجهات بس الارباح مااافي لاتقارنها بالاماراتية هذا اللي ابغى اوصلك
كم مرة ركبت القطرية ربع الطيارة فاضية ولمن اسال المضيفين يقول اكثر الايام كذا بس الامارتية ماتحصل مقعد فاضي الاكم واحد

كنا نتكلم عن الآرباح و علاقتها بـ فضاوة و إمتلاء الطائرة صح ؟!
أخوي والله لخبطتني sory
إنت الحين بغض النظر عن الموضوع الي نتكلم فيه ...
ما هي وجهة نظرك بالضبط
إن الإماراتية في آرباح أكثر من القـطـرية
أم القطـرية ما تكون full
أو نسب الآشغال ؟

[وٍلٍدٍ قٍطٍرٍ]

اقتباس:     المشاركة الأصلية كتبت بواسطة صدى الغربة  

اولا انا اعرف هذا المنتدى من سنين ومتابعة بس ماسجلت فيه لا قريب
وانا هنا اتكلم عن القطرية مالي دخل في الامارتية
اسمحلي الاماراتية غير عن القطرية الاماراتية شركة ارباحها ممتازة عكس القطرية
طيب شركات تحالف الاينس المديرين التنفيذيين لها ممتازين ويعرفون مصالح شركاتهم فلاتحسسني انو القطرية والاماراتية مدراهم هم التوب
ثانيا اسطول شركات التحالف كبير وانت شيك وشوف بنفسك
القطرية لها وجهات بس الارباح مااافي لاتقارنها بالاماراتية هذا اللي ابغى اوصلك
والقطرية تنافس الشركات الاوروبية والامريكية مثل ماقلت لانها مدعومة لانها بغير الدعم ماراح تقاوم
والشركات الباقية غير مدعومة من الحكومةبس شركات ناجحة امثال الكاثي والسنغافورية والخ
كيف يستغلون اسم القطرية اوالاماراتية ؟؟؟؟؟؟؟ ياااعمي اكثر شركات هالتحالف شركات قوية
والقطرية عارفة مصلحة نفسها موااحنا اللي نقرر لها لاتدخل التحالف اوتدخله
كم مرة ركبت القطرية ربع الطيارة فاضية ولمن اسال المضيفين يقول اكثر الايام كذا بس الامارتية ماتحصل مقعد فاضي الاكم واحد

حلو حلو ,, كلامك على العين وعلى الرآس بس بفهمك شغله , القطريه وجهاتهـآ مفتوحه مثلا البحرين 6 مرات فاليوم ف بتلقى مقاعد متوفره , انا كل ربعي ولي اقارب طيارين :) اسألهم يقولون دوم طياره فل ؟!! وغير كذا روح مطار الدوحه !!! شوف الي جايين ترانزيت !! الاماراتية وجهاتها كثيره صح وثاني شي مطار دبي هو وصلة الربط بين اسيا واوروبا قالوها من زمان , اكيد هالشي بيكون في صالح الاماراتيه , وبعدين ليش مستعجل مطار الدوحه الجديد اخر سنه بيفتح وبتشوف بعينك من الصح ومن الغلط من زحمه ومن المقاعد متوفره , القطريه دوم مقاعدها زحمه عمري ماجفت لها فضاوه , رحلتها من جده لدوحه والله ماكان في مكان فل الطياره :) كان رفيجي صاحب هالرحله :) زحمه ماكان في مقعد واحد :) القطريه خذت 5 نجوم مب لشي لكفائتها وجودتها ولا كان ماخذته :) وفي نهايه لا تزعل من كلامي ترا مجرد نقاش :) بس بفهمك شغله القطريه عمرها ماكانت كراسيها متوفره دوم زحمه

[صدى الغربة]

اقتباس:     المشاركة الأصلية كتبت بواسطة وٍلٍدٍ قٍطٍرٍ  

حلو حلو ,, كلامك على العين وعلى الرآس بس بفهمك شغله , القطريه وجهاتهـآ مفتوحه مثلا البحرين 6 مرات فاليوم ف بتلقى مقاعد متوفره , انا كل ربعي ولي اقارب طيارين :) اسألهم يقولون دوم طياره فل ؟!! وغير كذا روح مطار الدوحه !!! شوف الي جايين ترانزيت !! الاماراتية وجهاتها كثيره صح وثاني شي مطار دبي هو وصلة الربط بين اسيا واوروبا قالوها من زمان , اكيد هالشي بيكون في صالح الاماراتيه , وبعدين ليش مستعجل مطار الدوحه الجديد اخر سنه بيفتح وبتشوف بعينك من الصح ومن الغلط من زحمه ومن المقاعد متوفره , القطريه دوم مقاعدها زحمه عمري ماجفت لها فضاوه , رحلتها من جده لدوحه والله ماكان في مكان فل الطياره :) كان رفيجي صاحب هالرحله :) زحمه ماكان في مقعد واحد :) القطريه خذت 5 نجوم مب لشي لكفائتها وجودتها ولا كان ماخذته :) وفي نهايه لا تزعل من كلامي ترا مجرد نقاش :) بس بفهمك شغله القطريه عمرها ماكانت كراسيها متوفره دوم زحمه

رحلات جدة شي ثاني مافي خطوط تجي جدة رحلات ماهي فل خاصتا لانه العمرة صارت طول السنة
انت اطلع لرحلات شرق اسيا مثل كوريا وشوف الفرق وانا شغال اصلا في المطار واجلس مع موضفين القطرية هم بنفسهم يقولون بعض الوجهات ماعليها اشغال
والسبب الثاني مطار دبي ماله شغل في الموضوع قصدك دبي لان ركاب الترانزيت يغريهم الجلوس يوم في دبي لماتحتويه من اماكن ترفيه والخ
عكس الدوحة يعني الناس ماتفكر تزورها كثير
طبعا مجرد نقاش

[صدى الغربة]

اقتباس:     المشاركة الأصلية كتبت بواسطة الكابتن القطري  

لا لا الكلام للـ إثنين إنت و ضباب الدوحه
لذلك ذكرت ما في أحد يتحسس من أحد و كلنا إخوان
وتحت مضلة وحده يعطيك العافية ..

!!
يا خووووي مخي دخلت المعلومات ببعضها ^_^
كيف ما قصدت الأرباح ؟؟





كنا نتكلم عن الآرباح و علاقتها بـ فضاوة و إمتلاء الطائرة صح ؟!
أخوي والله لخبطتني sory
إنت الحين بغض النظر عن الموضوع الي نتكلم فيه ...
ما هي وجهة نظرك بالضبط
إن الإماراتية في آرباح أكثر من القـطـرية
أم القطـرية ما تكون full
أو نسب الآشغال ؟

اولا الكلام هذا ماتوجه لي لاني ماغلطت تقدر نقتبس رد الاخ وترد عليه اما انا ماااغلطت طبعا اسمحلي لاتزعل مني لاني انا ماااحب اغلط على احد وعندي مبدا الاحترام فوق كل شي

عن موضوع القطرية ممكن خاني التعبير وقصدي نسبة الاشغال في رحلاتها وانا موظف في المطاروعندي زملاء شغالين على القطرية هم اللي اقعد اتناقش معاهم