[بوعبدالله]

السلام عليكم اخواني
موضوعي اليوم يتحدث عن مميزات الحجز عبر الانترنت.
ابصراحه انا عزمت هذا العام وكعادتي السنويه ان اخذ المدام الى مملكة تـــــــــــايلند
او لما ذهبت الى شركات الطيران والله ما حصلت اماكن تعذبت ابصراحة كل يوم ارجع من الدوام واروح افتر على الشركات وكلهم يقولون لي كلوز ماكو اماكن او انتظار المشكلة اني بسافر انا واصدقائي بشهر ثمانيه يعني لازم اسفر المدام بشهر سبعة وارجع واظبط اموري .
المهم فتحت اللاب توب بالدوام واناضايقه فيني الوسيعة
او قعدت ادور وادور وادور وفجأة لاحت لي بوادر انفراج المشكله حيث اني دخلت على سايت القطريه او سويت سيرج وبعدها لقيت اماكن بالتواريخ اللي ابيها لا وابأسعار ارخص والله التذكرة بالمكاتب اتكلف 300 دينار وا بالانترنت طلعت على بي 175 دينار والله انا ضحكت او بدون اي نقاش حجزت و لما رحت عشان اصدرها في موظفه بالقطريه قامت تظحك او تقول والله انتو يا الكويتيين مشكله ............... بكل مكان تدورون والمهم انا خلصت شغلي .
الخلاصه يا اخوان
الحجز بالانتر نت سهل وامان لحد يخاف والاسعار ارخص من المكاتب لعدم وجود العموله بعدين السايتات وايد سهله بس والله انا واجهتني صعوبه ابسايت الاتحاد بس
:poster_dots:
وتقبلو مني التحيه
:iconloli::iconloli::iconloli::iconloli::iconloli: :iconloli::iconloli::iconloli::iconloli::iconloli:

[إمبراطور الطيران]

فعلا الحجز عبر النت أسهل وأوفر بكثير من الحجز من المكاتب
بس بو عبد الله
لهذه الدرجة في فرق
يعني من المكتب 300 دينار
من الموقع 175؟؟؟؟

[World Liner]

يعطيك العافيه يا إخوي بوعبدالله

كلامك عدل الحجز عن طريق الانترنت له إيجابيات كثيره من بينها الأسعار الطيبه

بخصوص موقع الاتحاد قبل مايحدث الموقع كان بصراحه ممتاااز لكن الآن صارت فيه مشاكل كثير وأهمها إنه يعلق في البحث


كل الشكر لك يا بوعبدالله

[ساكون طيارا]

ماشاء الله اذا هاذي الحسبه طلعت كذا يبيلنا كل سفره نحجز على النت اوفر بكثير من المكاتب بصراحة هالمعلومة جديده وحلوه وجت في وقت مناسب قبل السفرة الصيفيه .