[Dreamliner_787]

السلام عليكم ورحمة الله وبركاته
أخواني أنا طالب في الصف الثالث ثانوي ( أدبي ) طبعاً أنا كويتي الجنسيه
حلمي أن أصبح طياراً لأعمل في الخطوط الكويتيه أو طيران الجزيره
الأسئله لدي كثيره سامحوني :
1-هل يقبلون طلاب الأدبي ؟؟
2- ما هي الرخصه التي تطلبها الشركتين ؟؟
3- أين هو المكان الأفضل لدراسة الطيران متوفقاً مع شروط الشركتين ؟؟
4- كم مدة الدراسه ؟؟؟ وكم تكلف ؟؟؟
5- أنا حالياً نظري 6/6 لاكن معرض جداً لضعف النظر بسبب الوراثه فهل هناك مشكله في ذالك ؟؟
6- أنا أعاني من بعض الأمراض المزمنه مثل الربو والحساسيه بالأنف والجلد فهل ذلك يعيق قبولي لديهم ؟؟؟
7- ما هي الشركه التي تقدم رواتب أكبر من الشركتين ؟؟
8- هل الوزن الزائد مشكله كبرى أم أنها مشكله عاديه بالنسبه للشركتين ؟؟
9- كم تقريباً عدد الرحلات الإسبوعيه للطيار المتوظف حديثاً والخبير ؟؟؟
أتمنى أن أحصل على جواب شافي ووافي
وجزاكم الله خير

[Dreamliner_787]

يا ليت أحصل على إجابه الموضوع في المنتدى منذ 14 ساعه

[fighterpilot197]

اخى الكريم يمكنك الذهاب الى مقر الكويتية وتسالهم عن متطلبات العمل فى الكويتيه وما هى الرخص المعترف بها اعتقد بانهم يقبلون الرخصة البريطانيه واعتقد ان هناك موضوع فى المنتدى عن العمل فى الكويتية يمكنك البحث عنه
بالتوفيق ان شاء الله

[Dreamliner_787]

شكراً لك اخي العزيز
اتمنى ان احصل على الجابه من الإخوه الكباتن في الكويتيه والجزيره

[ahmed fouad]

ياسيدى الموضوع صعب شوية يبغالكم تدفع فلوس شوية ذيادة,الشركتين تطلب الjaa +atpl مع 1500 ساعة طيران على الاقل

[كابتن:يوسف البهرامي]

والله أخوي مادري شقولك أنا كابتن بالكويتية و ترا عندنا اكتفاء و حتى طيران الجزيرة صكرت البعثات اهي و الكويتية

تحياااااااتي...
أخوكم يوسف البهرامي

[Dreamliner_787]

خلاص يعني حلمي بالطيران راح
الظاهر أني راح أقضي هوايتي في المحاكي فقط .....!!

[fighterpilot197]

اقتباس:     المشاركة الأصلية كتبت بواسطة Dreamliner_787  

خلاص يعني حلمي بالطيران راح
الظاهر أني راح أقضي هوايتي في المحاكي فقط .....!!

لماذا هذا التشاؤم اخى الكريم
بتحب تكون طيار روح ادرس وتوكل على الله يمكن لما تخلص الكويتية تطلب طيارين ويكون لك الاولوية وبعدين مش لازم الكويتية او الجزيرة جايز ربنا يكرمك وتعمل فى اى الشركات الخليجية ومع مر الايام تعمل فى الكويتية
لا يأس مع الحياة ولا حياة مع اليأس

[كابتن:يوسف البهرامي]

والله العظيم صدقت أخوي : شوف أنا عندي لك خوش راي

روح أدرس طيران و اذا خلصت قدم على شركة طيران ثانية مثل عندك طيران الخليج طالبة طيارين غير بحرينين و عندك الاماراتية و جمع ساعات تدري ليش لأنه الخطوط الوطنية طالبة طيارين جتهزين لأنه ما عندهم برنامج تدريب و انطر الين ما يفرجه ربك يمكن بعد الخصخصة تحتاج

[Dreamliner_787]

طيب شباب الله يكرمكم
أريد نصيحتكم في الدوله التي أدرس فيها إذا أردت العمل في طيران الإمارات أو الإتحاد
وكم مدة الدراسه فيها ؟؟ وكم تقريباً تكلف ؟؟
وهل الأمراض التي ذكرتها تسبب مشاكل في الفحص الطبي ؟؟
وجزاكم الله خير

[Dreamliner_787]

شباب والله فكرتكم جميله أن أعمل في إحدى الخطوط الخليجيه لمدة معينه
لاكن هل قبولي مضمون ؟؟ لاني إذا درست ودفعت دم قلبي للدراسه ولم يتم قبولي ربما أجن !!
وعلى فكره أنا لا أريد الخطوط الكويتيه بالتحديد
أنا مثل ما قلت لكم أريد أي شركه كويتيه حتى لو الجزيره أو الوطنيه
بس الوطنيه صعب القبول فيها لانها أول ما تبدأ تعمل في نهاية 2009 سيكون لديها فقط 3 طائرات من نوع أيرباص 320 لا أعرف ربما لا يحتاجون عدد كبير من الطيارين

[كابتن:يوسف البهرامي]

أخوي أان عندي لك خوش راي روح على حسابك بس على اشراف أي شركة طيران ثانية
مثلا الحين بس ما متأكد 100% انا طيران الخليج تبي طيارين أجانب و عندك أخوي ولي أعرفه انا طيران الخليج تقبل JAA

[بلاميعاد مسافر]

اخي ممكن تحقق حلمك انشاء الله في دراسات بدون اي تكليف من اي شركه طيران في العالم موجود دراسات في احد دول العرب بي مبلغ 5000دولار امريكي في سنه فقظ ودراستها سنتين مساعد طيار او كبتن اربع سنوات فقظ لايهمك حين تريد ان تكون طيار عليك ان توكل علي الله
وانا مستعد ان اساعدك في اي وقت وانا تحت خدمتك

[Dreamliner_787]

الله يعطيكم العافيه كباتن
للأسف الشغله ليست مكتوبه لي لأن أحد الإخوه قال لي أن مرض الربو المزمن الذي أعاني منه سيصعب عملية القبول في عالم الطيران
الله يعطيكم العافيه مره أخرى وجزاكم الله خير جميعاً

[s-a-l-e-m]

العفوو اخوي انا نفس قصتك فيني ربوا مزمن بي اختلف انه نسبتي نازله حيل وانا الحين ب ثالث ثانوي يعني 11 مو المهم المهم اني سمعت ترا الادبي ما يصير يددش طيران

[s-a-l-e-m]

ثالث ثانوي علمي طبعا

[عاشق الطيارات]

اخوي الكابتن يوسف ....طيران الخليج طالبه طيارين ؟؟والطيارين الي طالبتهم اجانب بس طالبين ولا البحرينيين بعد ..؟؟وشنو تقصد انها طالبتهم؟؟ يعني تدرس ع حسابك وتروح تقدم لهم ؟؟ ولا طيران الخليج هي الي تبعثك للدراسة؟؟وهل يبعثون طلاب بحرينين ولا لا؟شكراً لك ....وبالتوفيق اخواني جيعاً.....

[بنت الكويت]

اخي العزيز الي اعرفه و تقريبا متاكده منه ان الكويتيه ما تقبل قسم الادبي :( و نظام البعثات تكون تحت رعاية الكويتيه يعني تدفع لهم 25 الف على ما اعتقد و هذي تعتبر مصاريف الدراسه فقط في بريطانيا و المصاريف الثانيه مثل السكن و الاكل انت تتكفل فيها لان يصير لنا واحد قدم و طلبو منه هالاشياء بس كان المبلغ كبير و ماقدر يدرس لكن الي شبه متاكده منه لازم يكون تخصصك علمي

تحياتي

[Malaysia A320]

روح الجزيرة أحسلك

[حالم1980]

اقتباس:     المشاركة الأصلية كتبت بواسطة بلاميعاد مسافر  

اخي ممكن تحقق حلمك انشاء الله في دراسات بدون اي تكليف من اي شركه طيران في العالم موجود دراسات في احد دول العرب بي مبلغ 5000دولار امريكي في سنه فقظ ودراستها سنتين مساعد طيار او كبتن اربع سنوات فقظ لايهمك حين تريد ان تكون طيار عليك ان توكل علي الله
وانا مستعد ان اساعدك في اي وقت وانا تحت خدمتك

مشكور أخي مسافر بلا ميعاد
لاكن في أي دولة عربية توجد هده الفرصة لدراسة الطيران بهدا المبلغ و المدة

[Abu Bakr]

اقتباس:     المشاركة الأصلية كتبت بواسطة Dreamliner_787  

السلام عليكم ورحمة الله وبركاته

أخواني أنا طالب في الصف الثالث ثانوي ( أدبي ) طبعاً أنا كويتي الجنسيه
حلمي أن أصبح طياراً لأعمل في الخطوط الكويتيه أو طيران الجزيره
الأسئله لدي كثيره سامحوني :
1-هل يقبلون طلاب الأدبي ؟؟
2- ما هي الرخصه التي تطلبها الشركتين ؟؟
3- أين هو المكان الأفضل لدراسة الطيران متوفقاً مع شروط الشركتين ؟؟
4- كم مدة الدراسه ؟؟؟ وكم تكلف ؟؟؟
5- أنا حالياً نظري 6/6 لاكن معرض جداً لضعف النظر بسبب الوراثه فهل هناك مشكله في ذالك ؟؟
6- أنا أعاني من بعض الأمراض المزمنه مثل الربو والحساسيه بالأنف والجلد فهل ذلك يعيق قبولي لديهم ؟؟؟
7- ما هي الشركه التي تقدم رواتب أكبر من الشركتين ؟؟
8- هل الوزن الزائد مشكله كبرى أم أنها مشكله عاديه بالنسبه للشركتين ؟؟
9- كم تقريباً عدد الرحلات الإسبوعيه للطيار المتوظف حديثاً والخبير ؟؟؟
أتمنى أن أحصل على جواب شافي ووافي

وجزاكم الله خير

حياك الله أخي العزيز ..
تفضل هذا الرابط وإن شاء الله ستجد كل إجاباتك فيه
[درس] موضوع يفيد الأعضاء الجدد وحول أسئلتهم الشائعة

وإذا في شي غامض نحن بالخدمة
تحياتي لك عزيزي
أبوبكر

[Tr.Pilot]

اقتباس:     المشاركة الأصلية كتبت بواسطة doda q8  

اخي العزيز الي اعرفه و تقريبا متاكده منه ان الكويتيه ما تقبل قسم الادبي :( و نظام البعثات تكون تحت رعاية الكويتيه يعني تدفع لهم 25 الف على ما اعتقد و هذي تعتبر مصاريف الدراسه فقط في بريطانيا و المصاريف الثانيه مثل السكن و الاكل انت تتكفل فيها لان يصير لنا واحد قدم و طلبو منه هالاشياء بس كان المبلغ كبير و ماقدر يدرس لكن الي شبه متاكده منه لازم يكون تخصصك علمي

تحياتي

كانت ٣٥ الف شامله بس السكن والحين تدفع بس عشره ويخصمون الباجي بعدين من معاشك كل شهر ٥٠٪ لين تدفع الي عليك ، والمبلغ هذا يمكن يزيد اذا حتجت ساعات زياده في التدريب .... ، وبخصوص علمي ولا ادبي تقدر تقدم اذا انت ادبي بس اذا كان عندهم نقص راح ينادونك ( كل مره يقدم فوق ال ١٠٠ وياخذون عشره لي عشرين واحد بس ) تسوي الامتحانات وتشمل امتحان فيزياء و رياضيات

وبخصوص الادبي تقدر تروح تدرس علي حسابك ما يمنع بس لازم تمتحن رياضيات و فيزيا وكلها بيسك يعني مو صعبه ...

دوده وين تشتغلين انتي ؟

[فوق السحاب]

السلام عليكم اخواني
انا اخر سنه علمي بس المشكله اني سعودي الجنسيه وامي كويتيه بعرف يصير اذا خلصت دراستي اتوظف بالكويتيه وبعدين اذا درست مساعد طيار سنتين وتوظفت بعدها راح اصعد لكابتن ولا لازم ادرس اربع سنين اضافيه عشان اصير كابتن يآليت يكون فيه رد سريع واكون شاكر لكم

[s-a-l-e-m]

اقتباس:     المشاركة الأصلية كتبت بواسطة فوق السحاب  

السلام عليكم اخواني
انا اخر سنه علمي بس المشكله اني سعودي الجنسيه وامي كويتيه بعرف يصير اذا خلصت دراستي اتوظف بالكويتيه وبعدين اذا درست مساعد طيار سنتين وتوظفت بعدها راح اصعد لكابتن ولا لازم ادرس اربع سنين اضافيه عشان اصير كابتن يآليت يكون فيه رد سريع واكون شاكر لكم

والله يالغالي الكويتيين مو قادرين يدخلون .. ماعتقد تقدر تدخل