[Esraa.MD]

السلام عليكم ورحمة الله وبركته

كيف حالكم ان شاءلله الجميع بخير

اول شي انا ان شاءلله مسافرة على باريس والعودة من التشيك والاقلاع حقي من جدة

فالمشكلة الكبيرة الان خطوط الطيران انا اول شي قلت التركية وبعد كلام الاخوان عنها في المنتدى وافادتهم لي تراجعت عنها والان حاطة يا الاردنية او الاماراتية

سبب اختياري للاماراتية :-
1- سعر التذكرة جدا ممتاز 4056 ريال والاهم انها مرنة يعني اقدر استرجعها او اغير عليها
2- قالولي بانها مريحة جدا وكمان عشان في عودة من التشيك

اما العيوب والي خايفة منه :-
الترانزيت لا حول ولا قوة الا بالله خصوصا انه بابا رجال كبير في السن الله يطول ف يعمرو و يتعب

والرحلة الي لقيتها عالاماراتية خايفة منها الاقلاع 8 ونص المساء والوصول 12 الا وبعد كدا الاقلاع من دبي الى باريس الساعة 4 ونص فجرا طيب الخطوط الاماراتية فين بيقعدونا يعني حانقعد 4 ساعات فاضيين هل في خدمات تقدمها او لا انا سمعت انه خدماتها فقط اذا الترانزيت 8 ساعات فاكثر ؟؟؟؟؟؟؟

ولا بنقعد كدا بالمطار
والمشكلة ليل فين الواحد يبغا يروح

والطيارة حاتكون من جدة الى دبي Airbus A380-800

ومن دبي الى باريس Boeing 777-300ER

والله تعبت دووووورت بكل الخطوط ماخليت على قلبي

ايش تشورو عليا من ناحية كل شي السعر والترانزيت والطيارة وكل كل شي

ووكمان سؤال معليش تعبتكم وهو هل الشنط حقتي بتنشحن خلاص ولا انزلها معايا في دبي وارجع اطلعها تاني ولا كييييف ؟؟؟

ولكم دعوة مني من قلب مكة المكرمة

[ABOOD.1]

أهـلـيـن فـيـك أخـتـي ..

بالنسبة للترانزيت في المطار سهل .. الشنط تسلمونها بالمطار الي تطيرون منه (جدة ) وتقولون لهم بنستلمها بالمحطة النهائية ( باريس ) ..


الأمـور سهلة .. بالنسبة لل 4 ساعات في مطار دبي .. يوجد عدة صالات مختلفة ..

الدخول فيها تقريباً 150 درهم مريحة وفيها كل شيء ..


أو تجلسوا في الكراسي العامة وتتفرجوا على الناس .. فيه سوق حرة و مطاعم مختلفة ..


بالنسبة للأوقـات لا أعـلـم هـل هي مـنـاسبـة لـكي أم لا ..


الإماراتية خدمتهم لا بأس بها .. وكل الطائرات الي بتركبون فيها موجود بها ترفية متطور وطائرات حديثة ..

أنا جربت عودة باريس .. كانت جيدة .. قبل سنتين ..


و عندي رحلة اليوم مع العائلة من الرياض إلى لوس أنجلوس 16 ساعة من دبي على طيران الامارات ..

شـايـل هـم الاطفال الي مـعـاي .. دائماً أروح عليها لوحدي ومرتاح ..


لا تشيلي هــم الأمور جداً سهله .. بالنسبة للسعر ما عندي فـكـرة لكن أشوفه معقول بالنسبة لي ..


دعواتـكـ ..

[Esraa.MD]

مشكووووووووور جدا اخوي عبود


والله يريح خاطرك ريحت خاطري مررررررة شكرا
وتوصل بالسلامةا ن شاءلله

[صغير بس خطير 2011]

انشاء الله رحلة تستمتعين فيها


اولا الاربع ساعات تنقضي بسررعة في مطار دبي الضخم عندك المطاعم والسوق يكفون

والطائرات ولا اروع على فكرة انتي اي يوم مسافرة من دبي الى باريس ؟؟؟؟؟؟

[saqer79]

اختي العزيزه ايسراء
اتصلي على مكتب طيران الامارات واحجزي صالة مرحبا وهي مثل ماقالو فوق 150 درهم تقريبا للشخص الكبير
وهي صاله فيها يقدمون شاي وقهوه وجميله وهدوء يعني الوالد ربي يخليه لكم بيرتاح فيها
وبالنسبه للشنط انسيها لانك ماراح تستلمينها الا في باريس لنهم من مطار جده راح يطونج بوردنج القلاع من جده ومن دبي ودمتي بخير ....

وبالنسبه للطائره 777 فهي قمه بالروعه خيال.. بس اختاري الكراسي من تحجزين

[essam4ever]

بالنسبة للترانزيت في مطار دبي أعتبره أفضل ترانزيت
لضخامة وفخامة المطار فالوقت يمشي سريعا وسوف تكون تجربة جميلة جدا
أتمنى لك رحلة سعيدة

[Augusteen]

اختي الفاضلة

جربي الطيران الفرنسي من جدة ، فالرحلة بتكون اقصر كون سيكون والدك معك . فستأخذين الرحلة من جدة الى باريس وبعدين المسافة بين باريس و التشيك بتكوم قصيرة والعودة بتكون سهلة وستوفيرين قؤابة 10 ترانزيت وراحه.

تحياتي