[Pilot:Bader]

بسم الله الرحمن الرحيم
السلام عليكم:

شوفوا يا شباب في موضوع أنا أكتشفته و أهو جدا مهم و هو عن الخطوط الجوية الكويتية ...............
والله العظيم يا شباب انا صفقات قطع غيار حق الأسطول وصفقات شراء طيارات كلها قاموا يضيعونها الكويتية تدرون ليش؟؟
علشان الخصخصة ... أوكي سو خصخصة ما قلنا شي
بس منو بذمته اذا طاحت الطيارة ... هذي أهي المشكلة تضيع أرواح الناس علشان الخصخصة .....
والله العظيم يا شباب في واحد من الربع كانت عنده رحله من الكويت الى جدة على A310 العادة بالكوكبيت يجيك دفتر صيانة ..
حق الطيارة يبينلك جم مرة دشت الطيارة الصيانة والمشاكل الي على الطيارة ... العادة تجيك ورقة أو ورقتين الحين صار متروس من الصيانة ... حتى كلم الادرارة حق الطيران المدني قالهم منو بذمتة اذا طاحت الطيارة طبعا الطيارتين السكراب الي عند الكويتية أهي A300 and A310
هذول نوعيتين أكثر عليها مشاكل بالصيانة
بس على كلامهم بعد الخصخصة الي راح تم عام 2009 راح يفصلونهم عن الخدمة ......
وترا السيفتي عند الكويتية تعبااااااااااان جدا .....
تقبلوا مشاركتي
ون نرجوا الرد على المشاركة
أخوكم:بدر العبدالكريم
من:دولة الكويت

[salem339]

لاحول و لا قوة إلا بالله و الله هذا استهتار بحياة الناس

اللهم سلم الطائرة حتى تاريخ فصلهم من الخدمة

[المعتزبالله]

لاحول و لا قوة إلا بالله

الله يكون في العون كابتن ولله هذي مره مشكله كبيره

تحياتي

[الفتيحي]

وعليكم السلام كابتن بدر .
الصراحة يا كابتن بدر كلامك أنا حسيت به بعد ما سافرت على الكويتية إلى مصر الصيف العام الماضي .
الطيارات قدمت وما تحس في تجديد , والله ركبنا من دبي إيرباص 320 صوت محركها الله يسلمك يخليك تتشهد وتوحد .
ما أدري إيش اللي مأخر الكويت في مجال الطيران ؟!!!!!!!!

[العميد]

لا حول ولا قوة الا بالله ... الله يكون في عونهم ... والله شايف الكويتية بتنزل الى اسفل ... ان شاء الله ما تكون الا كبوة ... وترجع الكويتية كويتية

[Pilot:Bader]

الي مأخر الكويت في مجال الطيران أهو اهمال يا كابتن فتيحي
قبل جم يوم طيارة كويتية A300 احترق جناجها اثناء تعبة الوقود

[momo_2010_2015]

ليه بس كده والله انا بحب اشوف كل اساطيل العالم العربي في تقدم ان شاء الله تتقدم

[Ehab Samy]

اخوانى من المعروف ان الخطوط الكويتيه بعد حرب الخليج وهي فى الضياع و لا فى اى تجديد وتستعمل ايرباص 300 و 310 الى ما فى احد يستعملها الحين واسطول جداً صغير الله يعين

[..»F.a.h.a.d«..]

الله يستر من كارثه ...

[عبد الله المهنا]

كما قالوا الاهمال

العديد من الشركات تستعمل طائرات A300 و A310 وما فيها مشاكل

العيب بالأهمال وليسة بالطائرات

الكويتيه تملك أمهر مهندسين طيران لاكن وين الاهتمام !

أنا أتمنى ان بعد ما تتخصص يشترون طائرات 330 و 777 لأنها أسرع بالتسليم للتخلص من الاسطول الحالي المتهالك

[على يمين الكابتن]

مو عندكم بس ... ......

[Pilot:Bader]

أخوي طيران الجزيرة ...
صح في شركات تستخدم A300 and A310 و هي القطرية A300 و الهندية A310

بس الكويتية صفقات طيارات جدد حق الكوييتة قاموا يضعوونه و قطع غيار كلها قامت تروح

بس أنا أقصد أغلب التعطيل والخراب يكون على A300 and A310
لاتنسى أخوي انا هذي جدا قديمة الكويتية تستخدمها من قبل الغزو
و أما السيفتي الا هو الأمان دمااااار حتى واحد من الورزاء صرحانا سيفتي مو زين بالكويتية

[بنت الكويت]

بصراحه انا ماحب ال 310 لانها صج مزعجه مع العلم استغرب ان الكويتيه تستخدمها لرحلات اوربا مثل روما اما ال 300 اعتبرها افضل بشوي و اريح.احب اضيف معلومه ان الملكيه الاردنيه تستخدم ايضا ال 310 وماعندهم مشاكل و بالعكس يستخدمونها على رحلات تايلند


تحياتي

[kuwaity_pilot]

الله يسهل على الكويتية وتمر السنة هذي على خير بدون حوادث

[s-a-l-e-m]

السلام عليكم
والله العيب مو من الa300 ولا من ال a310 العيب منهم اهم ماكوا صيانه وانا ما الوم اسطول الكويتيه اذا تعطل لانه ولا طياره عمرها الافتراضي ما انتهى مره وانا راد من ماليزيا ع الكويتيه فتحه من فتحات الاكسجين نازل منها الكمام مكسور بالسياحيه وهم يوم وصلنا مريت ع الدرجه الاولى هم لقيت واحد اهناك هم مكسور مع انه الطياره الي راد فيها من احدث الطيارات عندهم الي هي A340 -313

[WILLY WALSH]

الله يستر بس ...

[yasin2006]

الله يستر وما تحدث كوارث تسيء الى سمعة الشركة والطيران العربي في العالم ويتم معالجة هذا الاهمال باسرع وقت شكرا على التنبيه كابتن Pilot:Bade تقبل مروري

[y.w.i]

ظلت الحكومة الكويتية تتخذ من حرب الخليج شماعة على كل تراجع في مستوى شركة طيرانهم

مع ان الحرب مضى عليها 18 عام



و الان ستكون الخصخصة هي الشماعة الجديدة لاي كارثة قد تحصل لا قدر الله


شكرا على تبليغنا اخي

[Pilot:Bader]

لا بشرا بالخير بدلو 300 و 310
نفس الشي بدلو الهيدرولك و الفيول سيستم والشغلات هذي صارت أفضل من أول بوايد

بس المشكلة بالقطع الغيار حق 310

[Royal]

صح لسانك ، ومشكور على الموضوع ، الله المستعان بس .

[night-arrows]

انا لا يمكن اركب الكويتيه مها صار لو خيروني اسافر بالبر اسافر

[KUWAIT ATC]

السلام عليكم
شلونك بدر صاير كلش ماتشبك؟

و وين بدر الي كان يدافع عن الكويتيه حتى لو الغلط منها؟ ولا خلاص

تدرون شنو مسكلت الكويتيه:انها تابعه للحكومه ...تقولي ليش شنو المشكله؟انا اقولك

1-لان عندنا الخطوط الجويه الكويتيه الواحد يقولك اذا اهيه تابعه للحكومه وانا مالس شغل فيها خسرت ولا ارتقت عيل ليش ما اعطيهم سكيب واحط الفلوس بجيبي وخلاص....<<حلال عمك مايهمك>>

2-لما واحد بمجلس الاداره يجي يبي يشتري مثلا طياره لازم اول شي ياخذ موافقة مجلس الامه >>مجلس ×××<<
طبعا الاخوان مع احترامي لهم يعني واحد كان سواق تكسي والثاني كان مدرس تربيه اسلاميه يعني والله مع احترامي لهم اهم شعرفهم والله احنا بنشتري طيارتين a340 ونبي نغير داخلية الطيارات ونبي ناجر a330

ولكن نأمل خير مع الخصخصه وبعد ما تم توقيعها خلاص والحمدلله

تم التعديل من قبل الادارة

[(AirArabia)]

اقتباس:     المشاركة الأصلية كتبت بواسطة Pilot:Bader  

أخوي طيران الجزيرة ...
صح في شركات تستخدم A300 and A310 و هي القطرية A300 و الهندية A310

بس الكويتية صفقات طيارات جدد حق الكوييتة قاموا يضعوونه و قطع غيار كلها قامت تروح

بس أنا أقصد أغلب التعطيل والخراب يكون على A300 and A310
لاتنسى أخوي انا هذي جدا قديمة الكويتية تستخدمها من قبل الغزو
و أما السيفتي الا هو الأمان دمااااار حتى واحد من الورزاء صرحانا سيفتي مو زين بالكويتية

بالنسبة لل A310 و A300 التابعات للخطوط الجوية الكويتية مش من قبل الغزو وخصوصا انهم على التوالي موديل 300 و 605 لكن الغزو حاليا ستمر علي الذكرى 19 وعموما الطائرات المذكورة سلمت من عام 1993م بينما طائرات ما قبل الغزو تم بيعهم

Airways - KU / KAC

Kuwait Founded: 03-1954 Web: https://www.kuwait-airways.com
» View Airline Details and Fleet Information

Reg
c/n
ln
Aircraft Type
Delivered
Status
Prev. Reg
Remark
9K-ADE 273381046Boeing 747-469(M) 29-11-1994 Active9K-AKA 181Airbus A320-212 29-10-1992 Active-lsd 9K-AKB 182Airbus A320-212 21-12-1992 ActiveF-WWDBlsd 9K-AKC 195Airbus A320-212 23-12-1992 ActiveF-WWDPlsd, cvtd -212, dmgd during landing with nosegear retracted Ras-al-Khaimah (RKT), United Arab Emirates 30Jan07 9K-ALA 647Airbus A310-308 19-05-1993 ActiveF-WWCQntu TEA UK 9K-ALB 649Airbus A310-308 18-06-1993 ActiveF-WWCVntu TEA 9K-ALC 663Airbus A310-308 28-04-2002
(30-06-1993) ActiveJY-AGTret 9K-AMA 673Airbus A300B4-605R 28-05-1993 ActiveF-WWAQ9K-AMB 694Airbus A300B4-605R 08-07-1993 ActiveF-WWAV9K-AMC 699Airbus A300B4-605R 22-07-1993 ActiveF-WWAM9K-AMD 719Airbus A300B4-605R 21-01-1994 ActiveF-WWAB9K-AME 721Airbus A300B4-605R 01-02-1994 ActiveF-WWAG9K-ANA 089Airbus A340-313 29-03-1995 ActiveF-WWJAWarba 9K-ANB 090Airbus A340-313 07-04-1995 ActiveF-WWJZBayan 9K-ANC 101Airbus A340-313 04-1999
(31-05-1995) ActiveF-WWJEMeskan, ret 9K-AND 104Airbus A340-313 05-07-1995 ActiveF-WWJJAl-Riggah 9K-AOA 28743125Boeing 777-269(ER) 30-03-1998 ActiveAl-Gurain 9K-AOB 28744145Boeing 777-269(ER) 12-06-1998 ActiveN1790BGarouh


https://www.planespotters.net/Product...Country/Kuwait

[مشروع دراسة طيران]

الكابتن بدر الله يعطيك العافية ويجزيك الخير على التوضيح
بصراحة أنا سافرت على الخطوط الكويتية مرة وحدة وواضح من خلال هذيك الرحلة إن الخطوط الكويتية راقية في التعامل، لكن ربما تكون المشكلة الوحيدة لهذه الخطوط العزيزة علينا هي مشكلة قطع الغيار أو الصيانة كما تفضلت في موضوعك، لذلك نسأل الله تعالى أن يتم إصلاح ما فسد وأن يتم علاج مشكلاتها، وإن شاء الله ستعود متألقة.
ندعوا لها بالتوفيق
تقبل مروري

[سارة 2009]

جزاك الله كل خير على التنبيه
شكرا جزيلا

[dark pilot]

[QUOTE=kac-pilot;636314]السلام عليكم
شلونك بدر صاير كلش ماتشبك؟

و وين بدر الي كان يدافع عن الكويتيه حتى لو الغلط منها؟ ولا خلاص


******************************************


اي والله فقدناك كابتن بدر عساك ماتفقد غالي ,,,,,,, الله يعينكم والله مالومكوم لي متى ساكتين ومتحملين :(


تحياتي : راكان

[@بنت الديرة@]

[Miss Cockpit]

الله يحفظكم يا كابتن والله كلامكم يحزن بس الله يكون في عونكم ويحفظكم ويحفظ المسافرين.

تقبل مروري كابتن عبد الكريم

[غسان الطيار]

تدهور من اجل الرقي

[غسان الطيار]

شكرا على الموضوع