[طيار كويتي]

السلام عليكم ورحمة الله وبركاته ..
اخواني في خط الطيران
اتمنى تكونو في احسن حال .

انا متواجد حاليا في المملكه المتحده تحديدا في عاصمتها الضبابيه (لندن)
حاليا ادرس في معهد لغه عشان اطور لغتي لان مستواي الحالي مستوى 4 من 5 يعني شهرين بالكثير انا مخلص اللغه .

انا سويت اختبار تحديد مستوى حطوني بمستوى 3 وخلال اسبوعين سويت اختبار ثاني وجبت فيه درجه عاليه فحطوني مستوى 4 .
المهم اللغه مو محور حديثنا .


جيت بريطانيا لانها تعطي ليسن jaa ولان مدراسها عريقه وقويه بالمقارنه مع بعض الدول ..
والسبب الاخر الوظيفه المطلوب بغالبيه الشركات الكويتيه JAA .

واخترت كاب اير لانها تعطيك بعض ساعات الطيران في فلوريدا (امريكا) يعني بنفس الوقت تقدر تاخذ ليسن بريطاني وامريكي FAA .

عموما اتوكل على الله وادخل هالكليه ...؟

شلون سمعتها زينه ولا شينه ؟

ام اختار كليه غيرها اقصد اتلانتك ...؟

يعني المطلوب منكم ايهو افضل كاب اير ولا اتلانتك

ومع العلم اقدر اجيب قبول من الكليتين واقدر اتحمل مصاريفهم بالكامل .

ويا شباب الله يخليكم ترى الموضوع جدي لأبعد الحدود

همسه:مابي احد يجيبلي طاري كليه اكسفورد

بإنتضاركم يا حلوين
تصبحون على خير ..

[الطيار الشايب]

ياليت اقدر افيدك بس ممكن عنوانها على الانترنت وياليت اسعارها لو تكرمت

[Cpt.Ahmad]

السلام عليكم
بلتوفيق لك اخي في تكمله دراستك اللغه ,والاكاديميتين يلي حضرتك حاططهم همي لهم سمعه كبيره في مجال الطيران ولكن بقترح عليك اقتراح بماانك ببريطانيا حاليا فلامور جدا رح تكون عندك سهله روح وزور الاكاديمتين بنفسك وتعرف عليهم وشوف نظامهم وقارن ايو الاحسن يلك توكل على الله هيك بتستفيد اكتر ان شاء الله ,بلتوفيق.

[CapTiN A7maD]

اقتباس:     المشاركة الأصلية كتبت بواسطة god,s lion  

السلام عليكم
بلتوفيق لك اخي في تكمله دراستك اللغه ,والاكاديميتين يلي حضرتك حاططهم همي لهم سمعه كبيره في مجال الطيران ولكن بقترح عليك اقتراح بماانك ببريطانيا حاليا فلامور جدا رح تكون عندك سهله روح وزور الاكاديمتين بنفسك وتعرف عليهم وشوف نظامهم وقارن ايو الاحسن يلك توكل على الله هيك بتستفيد اكتر ان شاء الله ,بلتوفيق.

ونعم الرد المنطقي 100/100 .. !

ويا ليت تعطينا خبر عن أسعآر هالأكآديميآت .. ؟؟

وما أقول الا الله يوفقك ويعينك ع السعر الغآلي جدآ .. :( !

[KUWAIT AIRWAYS]

انا اقترح عليك ترد الديره وتسافر على اشراف الكويتيه احسن ولا ترد الديره وتندقر مافي قبول اله اذا في واسطه بعد مادري مالي خبره بالكليتين بس وايد طيارين كويتين دارسين فيها وفكر بمستقبلك عدل لانه ذكر اخوي بدر (الطيران ليسن مو شهاده)

[pilot-MD90]

بالتوفيق إن شاء الله
وعقبال ماترجع لأهلك سالم غانم ومعك الشهااده طبعاً
بس ياليت تفيدنا بالامور التاليه
مدة الدراسه
أسعار الاكاديميه
عدد الساعات بعد التخرج
وسلامتـــــك ,,,

[Boudys]

انا شايف ان اللى يروح انجلترا يروح امريكا .... و فى مدارس كتير فى فلوريدا ... أفضل و أرخص من انجلترا ؟؟ .. .أمريكا بدون شك هى بلد الطيران... لماذا انجلترا تحديداً ؟؟

اتمنى لك التوفيق يا أخى و نقولك يا كابتن

""""مبارك عليكم الشهر يا كباتن""""

[احمد الغرفي]

اخوي ممكن تعطينا سعر الدراسة بالكامل مع السكن جزاك الله خير

[كابتن:يوسف البهرامي]

توكل على الله كاب أير

[طيار كويتي]

بسم الله الرحمن الرحيم
صباح الخير اخواني
منورين الموضوع والله ...
ان شاء الله راح ارد عليكم كلكم بالتفصيل الممل .
وحياكم الله بأي وقت

توكلنا على الله ..
الطيار الشايب هلا طال عمرك
موقعهم:
https://www.cabairflyingschools.com/

الاسعار هنا:
https://www.cabairintegrated.com/prices_startdates.htm

زور الموقع حقهم وراح تعرف كل شي تحتاجه .

واي استفسار ثاني ما يردك الا كيبوردك .

,,,,
god,s lion:
هلا وغلا ..
والله اخوي كلامك عين العقل .
لكن انا قلت باخذ راي الاخوان المجربين اولا وبعدها بروح للكليات وبستقر على راي بعدها .
لان عالم الطيران عالم تجاري فربما يبينون لك اشياء عكس الواقع وهذا سبب ترددي .
فأنا قلت اخذ خلفيه عن سمعه الشركتين بالاول وبعدها اتوكل على الله .
مع العلم اني ناوي على كاب اير . والله يسهل اموري ان شاء الله
شكرا على المداخله العطره وانا اطمح بمداخله اخرى
دمت في حفظ الله .
,,,,
CapTiN A7maD:
هلا والله ابو شهاب
شكرا على تأيد اخونا god,s lion
وبالنسبه للأسعار فهي موضحه بالرابط اعلاه .
والسعر اكيد غالي اللي يبي الدح ما يقول اح

,,,,
KUWAIT AIRWAYS:
اخوي تكفى الله يرحم والديك لا تسولف عن شي ما تدري عنه .
انت تقول اشراف الشركه صح ؟
انا الحين متخرج من الثنويه سنه 2008 وطوال هالفتره انطرهم يفتحون باب التسجيل وما فتحوه .
يعني سنتين راحت عالفاضي
صيف 2008 وصيف 2009 .
اخر بعثه ب2007 بإشراف الشركه
مع العلم ان شهادتي علمي ونسبتي تدخلني هندسه سواء بالكويت او بعثه .
عموما دام الدراسه حاليا على حسابي صرت ما افكر اتوظف بالكويتيه لان طياراتهم اصلن قديمه ومشاكلها كثيره وخدماتهم اقل من عاديه
وخلاص كفايه السنه اللي ضيعتها وانا حاط ايدي على خدي انطرهم والحمدلله الفلوس جاهزه الحين
,,,,
pilot-MD90
الله يجزاك خير ويمال العافيه على الدعوه اللي تثلج الصدر
بالنسبه للإستفارات فهي موضحه بالموقع اعلاه .
واي استفسار ثاني حاظر اعيوني لك والله .
وحياك بأي وقت الموضوع موضوعك .

,,,,
Boudys:
هلا والله
علينا وعليك باقي الشهر
شكرا على التشجيع اولا


ثانيا اخوي يا بعد عمري الله لا يهينك ممكن ما تنحرف عن محتوى الموضوع لانه يتكلم عن بريطانيا فقط
شدخل امريكا بالموضوع :iconloli:
,,,,

احمد الغرفي:
موضحه بالرابط اعلاه .
,,,,
يوسف:
انا ضفتك بالاميل وناطرك تشبك
وحياك الله .

[كابتن:يوسف البهرامي]

أهم شي يا حبيبي تكون مقنع بخيارك

[mudather87]

Its better for u if u continue in england , or any other jaa country.

[الكبتن خالد الغامدي]

الله يوفقك يا اخوي ويسهلك الي فيه الخير بغير الدعاء ما اقدر افيدك

[attorney82]

اخوي ادرس باتلانتك افضل لانه كليه كاب اير كانت تعمل مشاكل لبعض الطلبه الكويتين بس كليه اتلانتك افضل من ناحيه المعامله ونفسيا بترتاح اكثر

[The airplane captain]

الله يوفقك أخوي وعقبالي إن شاء الله

[pilot A380]

السلام عليكم
شكرا جزيلا كلية جميلة جدا وربنا يوفقق

[pilot A380]

وتقبل تحيااااتى

[طيار كويتي]

قريبا سيتم الرد على الجميع بإذن الله
وننتظر باقي الاخوان ,,,

[Boudys]

كل عام وانتم بخير .... انا رايح لندن أن شاء الله يوم 1 اكتوبر .... انا ممكن اروح cabair واستفسر عن كل شىء ...بس ارجو ارسال العنوان والأسئلة المطلوبة بالظبط ..... والله يوفق الجميع .