[يا رب عايز ابقى طيار]

بسم الله الرحمن الرحيم
كيفكم شباب ان شالله تكون بخير وعافية يا رب
انا مش بدخل كتير لقسم الريموت كنترول بس ملاحظ ان معظم شراء الشباب بيكون من مواقع امريكيا أمازون أو هوبى كينج أو المواقع الاخرى و معظمها بيتطلب فيزا تسوق الكترونية
فى بعض الناس بتواجه مشاكل فى أستخراجها
انا اليوم فى مصر لسه راجع من البنك من ربع ساعة فتحت حساب جديد فى البنك الاهلى سوستيه جنرال (مصر) و للعلم البنك فى الاساس فرنسى لكن تم بيعه منذ أربع شهور (سوستيه جنرال مصر )
لمجموعة QNB القطرية و ده من الدوافع الى خلتنى افتح حساب فى البنك ده لأنوه أصبح تابع لدولة عربية و فيه العديد من المميزات الجميلة جدا

طبعا معظم الشباب الى بيمارسو الهواية تحت سن 21 طبعا مع أحترامى لأخواننا الكبار فى السن و العمر
_____________
بدأت بعد عدة مشاورات مع الحاج بأتخاذ القرار عشان أفتح الحساب
مميزات و شروط فتح الحساب
أن تكون مقيم فى مصر او لو فى فرع لسوستيه جنرال فى بلدك توجه لأقرب فرع و أسئلهم
ثانيا تكون أتممت ال16 سنة و ألا تكون تجاوزت ال21 سنة ده بالنسبة لحساب الشباب الى أحنا بنتكلم عنه Yo!! Account
هتروح البنك و تاخد دورك و تخش المكتب الموظف أو الموظفة هتسئلك عمرك كام و بتاع اسئلة فاضية و هتديلك أقرار عشان ولى أمرك يوقع عليه عشان يكون هوا المسئول عن اى حاجة تحصل فى الحساب لأن حسب القانون المصرى تحت سن ال21 بيكون قاصر
بعد ما الحاج يمضيلك على الأقرار أو الحاجة هتصور بطاقة تحقيق الشخصية بتاع ولى أمرك صورتين و تخليهم مع الاقرار و تروح البنك و يستحسن ان بابا يروح معاك فى نفس اليوم عشان تنجزو بدل ما ترجعله با الاقرار و يمضيه و ترجع تانى شغلانة ملهاش لزمة يعنى
هتروح هيطلبوا منك بطاقتك و هتديلك أبليكشن شكلوا ظريف كده D:
و تملاه و تحت هتبقى عندك خيارات أنك تختار لون بطاقتك من بين أخضر و بنفسجى و أزرق هيدولك بطاقتين واحدة لأستخدام الصراف الالى و التانية بتاع الانترنت ( دى الى احنا عاوزينها عشان التسوق )
بعد ما تملى و تحدد توقيع واحد و يكون موحد فى جميع الاوراق
هتديلك ورقة ملهاش اى تلاتين لزمة مكتوب فيها رقم الحساب بتاعك
صورة للورقة بتاعتى ( ده رقم حسابى لو حد عاوز يتبرع بحاجة ولا حاجة :iconloli:)

و بعد كده هتروح تاخد دور للأيداع و تودع مبلغ 50 جنيه فى حسابك على الرقم الى أدتهولك عشان يكملوا بيه الاجراءات ده على الاقل 50 لو انتا عاوز تودع أكتر مفيش مشكلة
و بعد ما تخلص هتاخد فاتورة بالايداع زى دى كده مثلا

و تبقى ترجع لنفس الموظفة الى مليت معاها الابليكشن بعد 10 أيام أو 15 يوم عشان تاخد الفيزتين بتوعك ( البطاقتين )
أن شاء الله ليا تكملة عند أستلام البطاقتين و هبقى أصورهم عشان تشوفو شكلهم عامل ازاى
تحياتى

[يا رب عايز ابقى طيار]

اقتباس: ما فى حد عبرك اخوى والله أحسنلك تمسح الموضوع ما فى حد هيرد عليك ايش هنسوى بيه

[alpha one]

شكرا لك اخي على الموضوع المفيد وان شاء الله الشباب يستفيدوا منه.

[Abuzeid]

الصراحة طريقة الكتابة حلوه 10/10


الف شكر يا محمد ومستني ابداعاتك يا سديكي

بس سؤال محيرني!! :P انت خدت لون اييه

don't stop

[يا رب عايز ابقى طيار]

هههههههههههههههه
انا أخترت بتاع الATM زرقاء و بتاع الانترنت خضراء
دى صورة لألوان الكروت المتوفرة


التلاتة الى على اليمين بتوع الصراف الالى ATM
و الى على الشمال بتوع الانترنت D:
____________
شكرا ليك كابتن ألفا وان على الدعم :))))

[يا رب عايز ابقى طيار]

اليوم تسلمت رسالة على هاتفى المحمول مضمونها
::عزيزى العميل برجاء زيارة فرعكم لإستلام بطاقة فيزا إلكترون الخاصة بكم ::
طبعا أول ما تسلمت الرسالة سبت كل الى كنت بعمله D: و روحت على فرع البنك الى فتحت منه الحساب و وجدت بالفعل البطاقة بتاع الATM (الصراف الالى) وصلت من يوم الاحد
انما بطاقة الانترنت قالولى أن شاء الله يوم الاثنين القادم 25 / 2 /2013
ف أخدت البطاقة كانت فى مظروف مغلق بأحكام و الرقم السرى متبرشم بمعنى الكلمة و كان صعب عليا جدا فتحه من غير ما أحدث ضرر بالبطاقة بس الحمدلله فتحت المظروفين و كان عليا أتنين جنيه D: LOOOOL
و سددتهم للبنك و لما سئلت عن الحد الادنى للإيداع قالولى نص جنيه :iconloli:
انا كنت فاكر خمسين جنيه مثلا ولا حاجة أتفجأت D:
و أخدت الفيزا و مضيت على الاستلام و اخدت كل حاجة و خرجت جربتها فى ماكينة الصرافة الالى لأكتر من بنك للتأكد أنها شغالة تمام بدون أى مشاكل و الحمدلله كانت كويسة
و صورتها عشان تشوفوها D:


ده وجه البطاقة الامامى طبعا العلامات السوداء انا الى معلم عليها عشان دى معلومات مينفعش حد يشوفها D:

و دى الوجه الخلفى للبطاقة العلامة السوداء الصغيرة الى على اليمين دى برضوا انا الى عاملها عشان فيها رقم مينفعش حد يعرفه D:
طبعا دى بطاقة السحب و الاستعلام عن طريقة ماكينات الصراف الالى و لما جربتها على بعض المواقع مفيش غير أمازون هوا الوحيد الى قبل دى عشان دى ديبت كارد بتاع ATM و باقى المواقع لم تقبلها
بس أن شاء الله البطاقة الخاصة بالتسوق عبر الانترنت هتكون شغالة و هتتقبل فى معظم المواقع العالمية و المعروفة
أن شاء الله لى رجعة مع بطاقة الانترنت و هصورهالكم برضوا D:
تحياتى...

[يا رب عايز ابقى طيار]

أستلمت اليوم فيزا الانترنت و قد صدرت يوم 18 مارس 2013

طبعا بعد تعب و طلعان عين و حاجة وحشة جدا فى خدمة العملاء
هوا بس فضلت معاهم لغاية ما أدونى الفيزة بتاع الانترنت و لسه خدمة النيتا بنك الى أقدر أتحكم فى حسابى من الانترنت طبعا ده هيغننى عن الذهاب للفرع كل شوية بس لسه مستلمتوش
طبعا خدمة العملا مش كويسة بس