[يارب اسافر]

مساء الخيراتمنى منكم افادتي بارخص طيران لعائله لان الخطوط السعوديه المبلغ مره كبيره والسفر للكويت

اتمنى تفيدوني اي خطوط الارخص ووين مكاتب طيران الجزيره بالرياض لانه ماعرفت طريقة الحجز من موقعهم بالنت

[طيران بوبيان]

ارخص شي طيران الجزيرة


اربع رحلات بالاسبوع الى الرياض



540 ريال

كويت رياض كويت

و هذا موقعهم

Great low fares only on jazeeraairways.com

[يارب اسافر]

مشكور اخوي بس انا بسافر من الرياض للكويت عددنا 4 كبار و 2 صغار الاسبوع الجاي ان شاءالله
ومدري متى بنرجع على حسب الحاله الجويه الي بتكون بالكويت الشهر القادم لانه السنه الي راحت الاجواء كانت تخوف

فاتمنى تفيدوني بارخص الاسعار وش افضل اختار ذهاب واياب او بس ذهاب لاني ماعرف اي يوم بنرجع
وكيف طريقة العفش

[طيران بوبيان]

انصحك تجي بداية شهر اربعه

نصيحة لوجه الله


لآن راح تفتح مدينة اكوابارك المائية

و الاجواء دافئة الى حارة نسبيا

و الجو معتدل و بارد نسبيا بالليل

انصحك اخوي

لكن شهر 3 بارد و حار و غبار و مو واضح كجو



شرايك اخوووي

[يارب اسافر]

مو بكيفي لازم اروح الاسبوع الجاي فبليز حابه اعرف عن اسعار التذاكر وتكون رخيصه ويصير احجز ذهاب واياب من الجزيره بس اخلي العوده مفتوحه مدري اول مره احجز من الجزيره وماعرف

[طيران بوبيان]

عطيني يا اختي التاريخ بالميلادي

المغادرة و العودة

و اعطيج الاسعار

[يارب اسافر]

يعطيك العافيه اخوي

التاريخ ان شاءالله 15 -3-2012

العوده بعد عشر ايام ان شاءالله ولحد الان ماتحددت اي يوم لانه نخاف من الاجواء بالكويىت تكون نفس السنه الي راحت
والافضل ايش تختار ذهاب او ذهاب واياب انا الاهم يكون عندي الاسعار تكون معقوله وكيغ طريقة العفش

[يارب اسافر]

وهل فيه مكاتب لطيران الجزيره بالرياض ؟

[طيران بوبيان]

والله مادري لكن الجزيرة تطير من الرياض الى الكويت


15 - 3 ا الحرارة لعظمى 30 و الصغرى 15 + رطوبة

16 - 3 العظمى 27 و الصغرى 14 + رطوبة

17 - 3 العظمى 25 و الصغرى 12 + رياح نشطة


و الحساب سيكون اختي العزيزة


4910 ريال لست اشخاص اربع كبار و طفلين


ماهو بتاريخ 15

لا 14 لآن فل

حظكم بس يوم الاربعاء 14 - 3



انصحكم في خمس ايام كافي و يزيد ما دام بتجون في ايام الالعاب المائية مغلقة

[طيران بوبيان]

السعر

3412 ريال للعائلة كلها



من تاريخ 14 الى 20 مارس 2012

[الخطوط الكويتيه]

عندك طيران ناس

[طيران بوبيان]

الكويتية

6816 ريال


ناس مشكلته رحلتين اسبوعيا و غالي من عندهم

ارخص شي الجزيرة

يوم لاربعاء 14 العصر

[يارب اسافر]

الله يعافيكم ماقصرتو اخوي ابو بيان عطيتني سعرين اي واحد فيهم الذهاب والذهاب والاياب والافضل ايش احجز ذهاب او. ذهاب واياب وبالنسبه لمدة جلستنا بالكويت بنجلس ان شاءالله لبداية شهر 4

[طيران بوبيان]

عمري 16 و صرت بو بيان


طيران بوبيان

بوبيان ( جزيرة بالكويت ) :)




ادخلي موقعهم

انا تعبت الصراحة


في اختراع اسمه موقع

و شوفي السعر


متوفر باللغة العربية

[يارب اسافر]

اسفه على اللخبطه اخوي

ومشكور

[طيران بوبيان]

هااا كم حصلتي

[يونس2008]

على حسب التواريخ
أرخص شي طيران الجزيرة ب 1.100 ريال للفرد
بعدها الخطوط السعودية ب 1.400 ريال للفرد

[يارب اسافر]

حجزت على الخطوط السعوديه لانهم متخوفين من الجزيره بس حبيت استفسر ليه الاسعار اغلى لما احجز من الكويت للرياض غعكس لما احجز من الرياض للكويت وكيف احجز تذكرة العوده على الخطوط السعوديه بسعر نفس لما اروح من الرياض للكويت

[طيران بوبيان]

الجزيرة ارخص و افضل


رحلة من الكويت الي البحرين تقريبا ارخص من الكويت للدمام و سعر الرحلة من الكويت الى مسقط ارخص من كويت لجدة و سعر رحلة كويت الى دبي ارخص من سعر رحلة كويت الى الرياض

المشكلة في مطارات السعودية و ليس في مطار الكويت