[eslam_mohamed]

يعني انا عايز اعرف هما امتة طالبوا ولاد لان انا كنت هناك من اسبوع وقالولي انهم عايزين بنات بس هما امتة طالبوا ولاد ارجو الافادة لان انا نفسي اكون مضيف جوي انا سني 21 بكالوريس سياحة وفنادق بتكلم انجليزي كويس وشوية ايطالي والطول 182 الوزن 85 وكنت شغال في ماليزيا في فنادق وكنت شغال في ماريوت الزمالك غير المطاعم يعني عندي خبرة في مجال الضيافة ممكن كدا يقبالوني ولا ليهم شروط تانية ياريت حد يرد والله يوفقك الجميع

[roka21]

هااااااااااااااااااااااااااااااااااااااااا ي ازيكو انا لسة جديده في المنتدي بس عاجني الموضوع جدااااااااااااااااااااااااااااا وعايزه اشترك في الرد والاسئله وكده................بس مش عارفه اعمل ده ازاى ياريت لو حد يقولي من فضلكم شكرااااااااااااااااااااااااااااااااااااااااااااااا اااااااااااااا على فكره انا اسمي روكا باااااااااااااااااااااااااااااااااي

[reda bond (HR)]

أولا
المطلوب بنات فقط

ثانيا
العنوان / المجمع الإدارى لمصر للطيران - المبنى الجنوبى - الدور الثالث - جناح 6
وتسألوا على الأستاذ / حسام

نفسكم فى حاجه تانى
؟؟؟

وهحاول أجيبلكم نمرة تليفون مكتبه المباشر ... هو معايا فى المبنى بس هو فى دور تانى
سلام مؤقت

[Princees]

جزاكم الله خير الجزاء
اود ان اعرف ميعاد التقديم من كام لكام؟ وآخر يوم بالتقديم امتى؟
وما هو الورق المطلوب؟ وماهى مقايس الطول والوزن؟
وجزاك الله كل خير يا أخ رضا وفى انتظار ردك

دمتم فى رعاية الله

[Princees]

اخواتى الفَضليات
انا ذهبت للمبنى الجنوبى اليوم
وسألت على أ / حسام كما تفضل وذكر الأخ رضا جزاه الله خيراً
وقال لى ان من شروط التقديم ان تكون المتقدمة غير محجبة
وهذا البريد الإلكترونى الخاص بإرسال السى فى للضيافة الجوية
[email protected]
مع امنياتى لكم جميعاً بالتوفيق

[المعتز]

يعطيك العافية اخت Princees
والله يعوضك باحسن منها

[reda bond (HR)]

اقتباس:     المشاركة الأصلية كتبت بواسطة Princees  

اخواتى الفَضليات

انا ذهبت للمبنى الجنوبى اليوم
وسألت على أ / حسام كما تفضل وذكر الأخ رضا جزاه الله خيراً
وقال لى ان من شروط التقديم ان تكون المتقدمة غير محجبة
وهذا البريد الإلكترونى الخاص بإرسال السى فى للضيافة الجوية
[email protected]

مع امنياتى لكم جميعاً بالتوفيق

آسف لإختفائى بسبب ضغط الشغل
انا لسه عارف من حسام النهاردة انهم فعلا غيروا نظام قبول الطلبات وأصبح عن طريق الإيميل
وأعتقد أنه ده هيكون أريح وأسرع
وبالتوفيق

ملحوظه

هو انتى محجبه يا برنسيس ؟؟

[Princees]

كان الله فى عونك يا اخ رضا
والله يوفقك ويصلح لك الحال
والحمد لله انا محجبة
جزاك الله خيراً

[loly2007]

بليز رضا هو التقديم لسه مستمر ولا اتقفل

[reda bond (HR)]

اقتباس:     المشاركة الأصلية كتبت بواسطة loly2007  

بليز رضا هو التقديم لسه مستمر ولا اتقفل

التقديم لسه شغال وأعتقد لسه قدامه مش أقل من اسبوعين كمان
ابعتى السى فى على الايميل

وهما هيتصلوا بيكى

[loly2007]

ميرسى جدا ليك

[Tiphereth]

انا بعتلهم ال CV بتاعى امبارح على الايميل اللى انتوا حطينه هنا ..بس انا مكتبتش الطول و الوزن فى ال CV عادى ولا ابعت تانى؟ انا معنديش خبرة فى الموضوع ده خالص بس انا بتكلم انجليزى و اسبانى و شوية ايطالى و طولى 164 و وزنى 54 او 53 D: وعمرى 19 ..ياريت حد يقولى ابعتلهم تانى ولا ايه؟ ولا الاحسن اوديه بنفسى؟ انا نفسى جدااا اشتغل مضيفة فعايزة اهتم جامد يعنى..و لو هيكلمونى هيبقى على امتى كدة؟ باريت تردوا عليه بسرعة عشان انا خايفة يقفلوا التقديم
شكرا

[gemyvip]

يا جماعه مصر للطيران عاوز مضيفات بس مش مضيفين للعلم اتا اتاكدت بنفسى انهم ومطلبوش مضيفين بقلهم اربع سنين والطلبات للمضيفات شغال ........ مع التوفيق للجميع

[gemyvip]

مصر للطيران مطلوب مضيفات فقطوانا اتاكدت بنفسى من خلال السيد حسام سكرتير شريف جلال

[frawla]

يعنى لسه طالبين مضيفات ممكن ابعت السى فى بتاعى دلوقتى. وياترى السن المطلوب لغاية كام.من فضلك حد يفيدنى فى الحكاية دى

[marwa scorpion]

السلام عليكم .... انا عضوه جديده وارجو مساعدتكم ..انا عايزه اعرف email مصر للطيران للتقديم .وهل في تقديمات دلوقتى ولا لأ؟؟ وعايزه اعرف لو عايزه اقدم على كونترات مصر للطيران ازاى؟؟انا مصريه وعمرى21 واعرف انجليزى كويس اوى..ياريت يا استاذ معتز ترد عليا او اى حد من الاعضاء يساعدنى ضرورى جدا علشان انا نفسى فيها جدا....

[totam]

الايميل هوا applay@egypt air.com
و بالتوفيق ان شاء الله

[semsemagdy]

نصيحة منى ليكى صدقينى عشان انا جربت قبل كده
روحى هناك مركز التدريب بتاع مصر للطيران بس مش السميولاتور لاء التانى اللى جانب مستشفى مصر للطيران للأمراض النفسيه
ومن حوالى سنتين كان المسؤل هوه مستر حسنى لكن انا اخر حاجه سمعتها من اصحابى ان دلوقتى مسؤل التقديم بتاع الضيافه هوه مستر حسام
بس كمان حاولى تعملى البسبور بتاعك دا لو انتى اصلا مش بتشتغلى مضيفه عشان حاجاتك تكون جاهزه بس كمان انا عايزه اقولك عن تجربه مصر للطيران حبلها طويله اوى لو عندك واسطه جامده طبعا يكون احسن وطبعا دا ما يخلكيش تيأسى عشان لأن ربنا بيدى لكل واحد على اد تعبه ودى صدقينى حطيها حلةه فى ودانك
وكمان عايزه اقولك على حاجه احسنلك انك تحاولى تقدمى فى الشريكات التشارتر عشان كل ما يكون معاكى خبره كل ما يكون احسن ربنا يكرمك ان شاء الله

[gina]

اختى العزيزه مروه الافضل انك تروحى انتى بنفسك وتسلمى السى فى بتاعك لمستر حسام وهو هيقولك ايه اللى هيحصل بعد كده بس انا عايزه اقولك انهم يومهم بسنه مش تقلقى خالص

[gina]

مساء الخير ليكم جميعا انا كنت من المتقدمين فى مصر للطيران شهر 10 اللى فات وبنصحكم انكم مش تبعتوا السى فى على الايميل الافضل انكم تتابعوا مستر حسام تليفونيا وده رقمه المباشر 26964935 ارجواانى اكون افادتكم واتمنى ليكم التوفيق جميعا

[marwa scorpion]

شكرا يا جماعه جدا على مساعدتكم وعلى نصايحكم وربنا يوفقنا جميعا

[nany]

انا بصراحه مش عارفه ليه مش بياخدوا محجبات في مصر للطيران
يا ريت حد يكون بيشتغل هناك يقولي سبب مقنع
و شكرا

[m_mody13]

كده كده اللى بيتاخدوا همااللى معاهم واسطة

[rubir]

هم مش بياخدو محجبات لأن اليونيفورم مفيش معاه حاجه تغطي الراس ومينفعش حد يضيف اي حاجه من عنده لليونيفورم حتى الاكسسوار الكبير ممنوع والتوك الي في الشعر او البنس ممنوع تبان تقريبا المفروض نأجر عفريت يرفعلنا شعرنا
اعتقد ان دي مبررات اي كلام لكن هو ده السبب الي سمعته في اكتر من شركه

[AUSSH]

0k ya rab ya moshl