[الدهمشي]

بسم الله الرحمن الرحيم



أخواني حبيت أسألكم وتشاركوني


أنا طالع مع أصحابي أمريكا للدراسة

وبنمر على واشنطن للملحقية المشكلة وقتنا

صعب بعد العيد بيوم على شان المعهد يبدأ

بدري على كل شركات الطيران مالقينا حجز إلا على الأوربي

وغالي جداً وعلى القطرية أخذنا القطرية

من الدمام بيركبونا باص إلى البحرين ومن البحرين إلى الدوحة ومنها إلى واشنطن

طبعاً السعر خيالي 2838 ومافيه الترانزيت كبيربالدوحة بس ساعتين ونص

بس السعر مشروط ولازم تقص بدري ومن هالكلام لكن استغربت من شي

هل هم يلزموني بمقعد بالطائرة لأني أشوف درجة الخدمة السياحية H هل يقصد

ان المقعد بيكون في المنتصف على 777 300ER


أو أقدر أختار البوردنق اللي أبي من المقاعد


ياليت تفيدوني لأن احترت ودقيت على مكتبهم بجدة مايعرفون

[FlyingWings]

الله يوفقكم اخوي

لا طبعا H هذا الكلاس حق التذكرة الي شريتوها
الشركات الان تقسم الدرجة السياحية الى عدة اسعار بنفس الخدمة ولكن لكل سعر رمز مثل V و M و H و Q .....الخ
طبعا تقدر تختار المقعد الي تبيه على حسب التوفر والاسبقية والخدمة متساوية على السياحي بس الي يفرق السعر وكل ماحجزت بدري او كان عدد الركاب على الرحلة قليل كل ماكان كلاس او درجة سعرك اقل وهكذا
طبعا عادة الكلاسات قليلة السعر مغرية طبعا لكن بشروط منها او اهمها عدم امكانية تغيير موعد الرحلة او الغائها حتى والدفع فوري كذلك بعض الشركات ماتعطي فندق في الكلاسات الدنيا حتى لو كان الترانزيت طويل

تحياتي

[عسل]

بالتوفيق اخوي انا طرت عل القطريه من الدمام الى هيثروا طبعا عبر الدوحه
بس الله يساعدك على العفش مارضوا يمشوا لي من الدمام اكثر من 20 كيلو رغم اني من هيثروا الى الدمام مشوا لي 27 كيلو وعلى فكره دفعت مبالغ على زياده العفش في الدمام

وعلى طاري حجز الكراسي تقدر تحجز عن طريق الموقع
بس الموقع ما يفتح معاك لحجز الكراسي لا قبل 3 ايام للرحله
والحل الثاني انك تكلمهم تلفون قبل حتى شهر عادي تقدر تحجز الكراسي

بالتوفيق انشاء الله وتوصل بالسلامه

[Search]

اقتباس:     المشاركة الأصلية كتبت بواسطة عسل  

بالتوفيق اخوي انا طرت عل القطريه من الدمام الى هيثروا طبعا عبر الدوحه
بس الله يساعدك على العفش مارضوا يمشوا لي من الدمام اكثر من 20 كيلو رغم اني من هيثروا الى الدمام مشوا لي 27 كيلو وعلى فكره دفعت مبالغ على زياده العفش في الدمام

وعلى طاري حجز الكراسي تقدر تحجز عن طريق الموقع
بس الموقع ما يفتح معاك لحجز الكراسي لا قبل 3 ايام للرحله
والحل الثاني انك تكلمهم تلفون قبل حتى شهر عادي تقدر تحجز الكراسي

بالتوفيق انشاء الله وتوصل بالسلامه

بخصوص حجز الكراسي تقدر وقت الحجز ، يعني لازم تكون حاجز من النت وعقب ماتدفع تقدر تختار الكرسي ، بس اذا سكرت الصفحه خلاص ماتقدر تختار الكرسي من النت الا قبل 36 ساعه لجميع الوجهات ماعدا الوجهات الامريكية قبل 24 ساعه ،

[الدهمشي]

الله يعافيكم ماقصرتوا


الله يسهلنا هالسفرة إن شاء الله