[ايمان جمال]

ازيك يا هنود عامله ايه يا قمر
اولا انا بشكرك جدا جدا على مساعدتك ليا
انا بعت السى فى بتاعى على الايميل واتصلوا بيه وقالولى روحى امتحنى فى المعهد البريطانى
وبعتولى على الايميل بتاعى كمان رقم المعهد وموقع كده بالانجليزى
معلش يا قمر كنت عاوزة بس اسالك هو الامتحان فى المعهد عباره عن ايه يعنى جرمر واختيارى لا ايه بالظبط
ربنا يخليكى ردى عليه بسرعه
اه كنت هنسى هو فى رسوم للامتحان ولا ايه
والامتحان بيبقى فى نفس اليوم اللى بروح فيه ولا هما بيدونى معاد للامتحان
اصلى بتصل بيهم محدش برد بالله عليكى ردى عليه
ربنا يحققك كل اللى بتتمنيه
وتبقى مضيفه اد الدنيا
ونبقى زمايل يا قمر:ANSmile15:

[hendaaa mahmoud]

ياحبيبتي متقوليش كدة احنا هنا كلنا اخوات ولازم نساعد بعض وانا مقدرش اتخللى عن اي حد محتاج مساعدة,, انا تقريبا جاوبتك على معظم الاسئلة دي لما اتكلمنا وانا ان شاء الله هساعدك لو احتجتي اي حاجة تانية وربنا يكرمك ان شاء الله وتنجحي في الامتحان زينا كدة :) ونكمل للاخر ونتقبل كلنا هنا باذن الله :)
I'm at ur service any time sweety :)

[ايمان جمال]

ربنا يكرمك يا قمر بجد انتى شخصية ظريفه جداااااااااا
وبعد مكالمتك نفسى بجد اتعرف عليكى
انتى طيبه اوى
انا ما شفتش حد كده قبل كده
بس انا معلش هرزل عليكى لغيت ما امتحن
انا دخلت على الموقع اللى بعتهولى على الايميل bulats
ودخلت على قسم الامتحانات وشفت الامتحان بيجى ازى
بس مش عارفه ادخل على الامتحانات نفسها بيقلى ادخلى الرقم مش عارفه رقم ايه
المهم ممكن تعمللى كل يوم امتحانين بالشكل اللى انتى امتحنى بيه وانا اجوبك عليه هنا او على الاميل
طبعا اعمليه بالنجليزى وانا برضه اجاوب بالانجليزى
ووبكده اتعلم المصطلحات بتاعت البيزنيس
انتى عارفه بعد ما قفلت معاكى قعت اعيط وما اكلتش
وماما قالتلى يا بنتى طب روحى وربنا معاكى
قلتها انا مش هعرف انا على قدى فى الانجليزى
ولما فتحت الموقع وشفت الامتحانات اطمنت شويه
معلش همتك معايا بقى
انا عارفه انى هتعبك معايا
بس ربنا يجعله فى ميزان حسناتك
انا هسطب الماسنجر علشان نتكلم عليه
بس لما ارجع البيت انا عند عمتى دلوقتى

[hendaaa mahmoud]

ميرسي ياحبيبتي ربنا يخليكي والله ده كتييير بجد :) وبعدين ليه تعيطي بس وتزعلي نفسك ان شاء الله خير والموضوع بسيط وهتعديه باذن الله زي ماكلنا عديناه, والله انا كنت زيك كدة قبل الامتحاان وكنت قلقانة موت ولا بنام ولا باكل بس الحمد لله ربنا كرمني وجبت اعلى من المطلوب كمان :) عشان كده لازم تهدي وتريحي اعصابك خاااالص عشان تعرفي تركزي معلش هتتعبي شوية اليومين دول في المزاكرة بس ربنا هيكرمك والله بس شدي حيليك ,,, بصي ده لينك في مثال لامتحان BULATS والله ده اللي معايا دلوقتي كان في غيره بس ضاع من عندي ههههه
https://www.bulats.org/docs/writing_en.pdf
وفي لينكات تانية برضو تساعدك ازاي تكتبي Business letter وبرضو في مصطلحات كتير في البيزنس زاكريها كويس هتساعدك وانتي بتكتبي
https://esl.about.com/od/businessengl.../a/bizdocs.htm
https://esl.about.com/od/businessengl...ss-Letters.htm
https://www.learn-english-today.com/b...-contents.html
https://www.ehow.com/how_2314237_write-formal-email.html
https://www.unc.edu/depts/wcweb/handouts/business.html
https://www.usingenglish.com/resource...er-writing.php#
لو عايزة اي حاجة تاني انا موجودة وانا برضو لو لقيت حاجة جديدة هبعتهالك :)

[ايمان جمال]

طيب معلش اروح الساعه كام بكرة المعهد البريطانى علشان اخذ معاد الامتحان

[hendaaa mahmoud]

بصي انا اللي فهمته انه تقريبا يوم الاربعاء 6 يوليو والامتحان يوم الاحد 12 يوليو, بس انتي برضو حاولتي تكلميهم تاني واتأكدي بنفسك,, وحاولي تروحي بدري شوية يعني على قبل الضهر كدة :)

[مونيمووو]

انا كمان معاكى يا حبيبتى بس مش عارفه هروح ازاى عندى مشكله كبيره لانى بشتغل ممكن تساعدونى معاكم لانى خايفه موت ومش عارفه ابدا منين

[مونيمووو]

الامتحان يا هند كان زى ده نفس الفكره بالظبط ولا كان فى اختلاف وكان الموضوع عن ايه بالظبط والوقت كافى ولا لا معلش استحملينى شويه

[hendaaa mahmoud]

مونيمووو لو بتشتغلي عادي خدي اجازة يومين مثلا يوم الحجز ويوم الامتحان ,, اما بقى الامتحان هو هييجي تيبيكل من ده انا قصدي نفس الشكل لكن اكيد المواضيع هتختلف, انا مثلا جالي في السؤال الاول ارد على ميل لصديقي بعتذرله وكده, والسؤال التاني اكتب تقرير ليه منتجات الشركة اللي انا بشتغل فيها مفيهاش اقبال من العملاء ومش محققة مبيعات انا قولت الاسباب وايه اقترحاتي لحل المشكلة دي, هو الامتحان هيجي في السياق ده((بس زي ماقولتلك الامتحانات والمواضيع هتختلف)),,, حاولي تشوفي اللينكات اللي انا حاطاها دي هتساعدك كتييير, وبرضو لو عايزة اي حاجة تاني انا موجودة, بس حاولو تشدو حيلكو شوية لان خلاص مفيش وقت ودي اخر فرصة, وربنا معاكو :)

[نهى الجوهرى]

اقتباس:     المشاركة الأصلية كتبت بواسطة hendaaa mahmoud  

بصي انا اللي فهمته انه تقريبا يوم الاربعاء 6 يوليو والامتحان يوم الاحد 12 يوليو, بس انتي برضو حاولتي تكلميهم تاني واتأكدي بنفسك,, وحاولي تروحي بدري شوية يعني على قبل الضهر كدة :)

انا نفسى حد يقولى اعمل ايه انا امتحانى يوم 27 ديسمبر ومش عارفة اعمل اية وانا وحشة اوى فى الانجليزىىىى

[blue rose7]

هاي نهى ,,,, انا بصراحه مش عارفه اقولك ايه يعني ان شاء الله البنات يساعدوكي لانو انا عشان هنا في السعوديه وضعي مختلف شويه عنك يعني انا بروح علي الانترفيو الفاينل علي طول وبعدها بعمل اختبار الخطوط الانجلش
انا بس حبيت ارد عليكي

ربنا معاكي ويوفقك ان شاء الله