[نبراس الروح]

بسم الله الرحمن الرحيم

اتا بسافر لزوجي في أمريكا وعندي طفل عمره 3 شهور ونص ولازم اسافر على الخطوط الالمانية لان لمن جيت انزل السعودية جيت عليها بس الله سهلها لان كان واحد من اهلي ويا زوحته نازل ونزلت معاه فكانت اورافي والجوازت عنده وكل شيء لان مطار فرانكفورت كبيرر ويضيع والترانزيت طوويل بعد وهم المطار اللي من ولايتي الى ولاية في امريكا ومنها الى المانيا اتوقع اسمه مطار لجورسي كبيررر عموما الرحلة كانت متعبة وعندي طفل وقتها عمره فقط 3 اسابيع

الحين في الرجعة توقعت مكتب الطيار بيرضى يغير لي الخطوط الى القطرية عشان تكون شبه دايركت ماانزل في مطارات اوروبا بس مارضى يغير فبليززز اللي ناوي يسافر امريكا نهاية شهر اكتوبر او نوفمبر بدايته مع عائلته يعطيني خبر عشان بغير الحجز الى نفس تاريخه

الدمام - فرانكفورت

[طائر رحال]

انا كنت حأطلع على الالمانية لكن حولت على البريطانية

خط سيري جدة لندن بوسطن

انصحك بالبريطانية ان كانت تذهب لولايتك

[نبراس الروح]

مكتب الطيار مو وراضي يغير الخطوط لي

فانا مضطرة ادهب على الخطوط الالمانية

[FlyingWings]

الله يسهلها عليك ان شاء الله

تقدرين ان شاء الله تقليل كثير من مشاكلك بانك تخلصين من كثير من الاجراءات في فرانكفورت في الدمام

اولا: تاخذين كروت صعود الطائرة للرحلتين من الدمام بحيث عند مغادرت الدمام تكونين تملكين كروت صعود للرحلة الى فرانكفورت وكذلك رحلة فرانكفورت-امريكا.

ثانيا: تسلمين العفش والشنط في مطار الدمام بحيث تستلميها في الوجهة النهائية(امريكا) بحيث لايكون هناك في فرانكفورت اي اجراءات مطلوبه منك سوا التوجه للبوابه الخاصة برحلتك والانتضار عندها.

ثالثا: في فرانكفورت اذهبي دائما مع لوحة (Transit) اي المسافرين غير الراغبين لدخول المانيا بل لديهم وجهات دولية اخرى.
لاتحتاجي كسعودية الى فيزة ترانزيت في المانيا ولاتختيم جوازات او اي اجراء اخر فقط فحص امني عادي للشنط وغيرها والموجود في كل المطارات.

رابعا: رحلة فرانكفورت بمكانك الطلب من المضيفين اللوفتهانزا انهم يطلبون من موظفي الخدمات الارضية مساعدتك وتوجيهك للبوابه الخاصة بك(وهذا واجبهم) خصوصا الحالات الانسانية مثل النساء مع اطفال او كبار السن فلها معاملة خاصة.

خامسا: وعند وصولك امريكا توجهي الى طابور الامقريشن الخاص بالامريكيين فيبدو لي ان ابنك مولود في امريكا فمن المفترض انكم طلعتوا له جواز امريكي في الرياض او اذا لم تكونوا قد طلعتوا له جواز ،جيبي معك شهادة ميلاده الامريكية فهذا سيسهل اجراءات دخولك.

المشكلة انك لم تحددي في اي مطار ستصلي بالضبط ممكن احدد لك في اي صاله ستهبط اللوفتهانزا وفي اي صاله اخرى ستقلعي رحلتك الداخلية

الله يسهل امورك ان شاء الله.

[نبراس الروح]

شكرا جزززيلا لك اخي الكريم ...

نعم طفلي ولد في أمريكا ولديه جواز امريكي

انا لدي حجز على اللوفاتنزا على تاريخ 11 اكتوبر الدمام - فرانكفورت - نيويورك - اكلاهوما ستي

لكن سوف اغير الحجز الى نهاية الشهر او بداية شهر نوفمبر لان ابني لم يظهر جوازه السعودي بعد

هل يمكنني انا اسال مكتب الطيار ادا التاريخ اللي بحجز عليه في عائلة سعودية راح تكون نفس رحلتي او لا

[B773]

تحيه لكم جميعا

بخصوص الحجوزات الطيران مع مكتب الطيار
دام انك انتي كل حجوزاتك عن طريق المكتب .. تقدري تغيري الشركة
لكن تذاكر الي عندك يسمونها تذاكر حكومية حق الابتعاث من التعاليم العالي
والتعاليم العالي تعطي ارخص شركة وارخص سعر تذكره للطالب و زوجته
يعني اذا كانت ارخص شي كان على خطوط لوفتهانزا وعلى درجة (( V )) وهي ارخص درجة
وهذي الدرجة ماتقدري تسترجعي قيمة التذكره لانه تم تثبيتها
وفي حاله انك غيرتي اليوم او الوقت الرحله تقدري بس بيكون عليها رسوم اضافية ...
اما بخصوص وجود عائلة سعودية على نفس الرحله مكتب الطيار ممكن يقدر ساعدك
لكن مكتب الخاص لي لوفتهانزا في الدمام هو الي يقدر يعطيكي كل المعلومات ..

وتمنياتي لكم رحله موفقه

وتقبلوا مروري

[نبراس الروح]

الف شكر لكم اخوتي

يعني اقدر ادق ع خطوط لفاتنزا في الدمام واستفسر عن اذا كان فيه عائلة سعودية بتطلع او لا