[mohammad alajmi]

في رحلتي الاخير الي برشلونة قبل شهر.
كانت الرحلة تقلع الساعه الخامسة صباحا.
قررت ان اوقف سيارتي في مواقف المدى الطويل..
لكن ماجاز لي المنظر المزدحم للسيارات في ظل الطقس الحار والشمس الحارة .. على ايش ياخذون مبالغ مادية طالما ليس هناك مواقف تتسع لسيارات المسافرين؟
وليش يسمح بدخول السيارات طالما ليس هناك موقف؟
شي عجيب.. مو قلت لكم قبل التاجر الكويتي يفسد بالغالب؟ يعني مو قادر يبني دور ثاني وثالث ويفك الازمة؟
ولا يفكر في المطار المستحيل؟ اقصد الجديد؟
لكم الصور هي تبرر كلامي اعلاه

وبما ان الكلام عن مواقف المطار.. انا قبل بشهر ابريل كنت اهناك الساعه 12 ونص صباحا مودي الخادمة برحلتها الي مانيلا طيران سيبو.. ولمى كنت في مواقف المغادرين خذت لكم كم صورة والوقت كان تقريبا نص ساعه او ساعه الا ربع علشان اطلع من البلشة اللي كنت فيها

فوق في نقطة للخروج .. لكن الظاهر مستخسرين يجيبون موظف يشتغل ويفك هالامة.. مايفتح ابدا

بأنتظار المطار الجديد ان شاءالله

[mohammed_shq]

يبا منصجك صافط في المصافط هذي قط سيارتك باي مكان التسيب شيئ عادي

[ابو نيره]

المشكلة بوابة خروجة ودخوله واحد
على نفس الشارع
وعلى نفس الإتجاة
يعني في موسم الصيف تكون الزحمه عارمه

[kuwaity-pilot]

مواقف مطار الكويت مأسااااااااااااه

[Ali_albader]

المشكلة فيه ناس تمدح المطار بالشاردة والواردة وهو أساسا قمة بالفشل ومافيه اي إيجابية للاسف وللاسف كثير يعتقد بان تجديد الحمام عزك الله إنجاز كبير

[دمووع^الحزن]

الله يسهل لكم يا أهل الكويت بالامانة ارى ان كثير من ركاب الاماراتية والقطرية من الاخوان الكويتين
الكويتين يستحقون مطار أفضل وأسطول طائرات افضل

[يونس2008]

اقتباس:     المشاركة الأصلية كتبت بواسطة Ali_albader  

المشكلة فيه ناس تمدح المطار بالشاردة والواردة وهو أساسا قمة بالفشل ومافيه اي إيجابية للاسف وللاسف كثير يعتقد بان تجديد الحمام عزك الله إنجاز كبير

حتى الحمام التي تم تجديدها معظمها ألحين خربان ، للحين ما كملوا حتى 6 أشهر ...!!!!!

[يونس2008]

بخصوص المخارج ، الشركة التي تدير المشروع ليس من مصلحتها أن تفتح مخارج إضافيةلأنها فيها خسارة ، فالثانية بعد الساعة تحتسب ب400 فلس
فمن مصلحتها أن يضل الإزدحام حتى تمكث السيارات أكثر وقت ( حتى يتم الحلب ) الزائر بطريقة سياسية .

مثال :

أول ساعة = 200 فلس ، ثانية بعد الساعة الأولى 400 فلس ،ثانية بعد الساعة ثانية 400 فلس ،،، يلاه إحسب سيارة تحتاج ساعة وقوف وساعة خروج 600 فلس فليش يفتحون مخارج إضافية ؟؟؟؟؟؟؟؟؟

[كابتن الإيرباص]

الله يعين

اذكر لما كنت اداوم برج مراقبة اول مره استغربت من مبنى سعد العبدالله و المواقف
بس طلع باول يوم دوام اني اصفط سيارتي داخل ساحة الطائرات عند البرج وتصريح
وكل يوم تمر على نقطة أمنية علشان توصل و بعدها اي مكان ثاني اروح له داخل المطار استلم سيارة تابعه للطيران المدني علشان اتجول بالساحة للخدمات الهندسية

[Ali_albader]

اقتباس:     المشاركة الأصلية كتبت بواسطة يونس2008  

حتى الحمام التي تم تجديدها معظمها ألحين خربان ، للحين ما كملوا حتى 6 أشهر ...!!!!!

لانه الحمام وكل مرافق المطار عموما تعمل فوق طاقتها فأكيد بتخرب بأسرع وقت غير الشغل التجاري

[كابتن الإيرباص]

ملاحظة المبنى اللي فيه كاونترات 1 و 4
و المحلات التجارية و شركات الاتصالات مع مواقفهم
هذي تتبع مستثمر هو اللي بنى المبنى و عقده ما انتهى
و هو المسؤل عن صيانه
لكن المبنى الثاني اللي فيه البوابات
هذا يتبع إدارة الطيران المدني و هي المسؤلة عن صيانه
عن طريق إدارة الهندسة في الإدارة العامة للطيران المدني
و دائما و ابدا أي توسيع أو ما إلى ذالك شنو يبي المدير ينفذ
بدون لا يرد على الحلول و الطلبات من قسم الهندسة
مما يؤدي إلى أخطاء في التصميم و ضعف المبنى لخدمة المسافرين
من واقع تجربة مهندسين إدارة الهندسة

[G650]

لا حل الى بمطار جديد متكامل الخدمات من مباني ومدرجات وبوابات ومواقف مدى قصير + مدى طويل وبنيه تحتيه شاملة

اما شغل الترهيم وقص ولزق اذا بتنفع تنفع بالدول الاوروبيه لان عندهم ذمه وضمير

تفتح لي كاونتر وتحط لي محصل عصير وتقول المطار ممتاز ... انت فكرك رجعي

[يونس2008]

اقتباس:     المشاركة الأصلية كتبت بواسطة كابتن الإيرباص  

ملاحظة المبنى اللي فيه كاونترات 1 و 4
و المحلات التجارية و شركات الاتصالات مع مواقفهم
هذي تتبع مستثمر هو اللي بنى المبنى و عقده ما انتهى
و هو المسؤل عن صيانه
لكن المبنى الثاني اللي فيه البوابات
هذا يتبع إدارة الطيران المدني و هي المسؤلة عن صيانه
عن طريق إدارة الهندسة في الإدارة العامة للطيران المدني
و دائما و ابدا أي توسيع أو ما إلى ذالك شنو يبي المدير ينفذ
بدون لا يرد على الحلول و الطلبات من قسم الهندسة
مما يؤدي إلى أخطاء في التصميم و ضعف المبنى لخدمة المسافرين
من واقع تجربة مهندسين إدارة الهندسة

نفس مبنى المستثمر نفس مبنى التابع للطيران المدني " كله سم سم " على قولت الهنود

[kuwaity-pilot]

بعض الناس اذا قلنا المطار تجدد باغلب مرافقه هجمو واذا قلنا اتعس مطار يطبلون لك ويرفعون لك العقال هاذي الرجعية بحد ذاتها يا توافقني الفكر والراي او انت ماتفهم شي ارد واقول المطار الحالي جيد مو ممتاز ولا يطمح للي اتمناه لو بيدي ابني مطار بخدمة 5 نجوم وبانشاء القطاع الخاص لمنع الفساد وسرعة الانجاز

[kuwaity-pilot]

نسيت نقطه مشكله المطار الحالي قله المواقف والتنظيم

[saleh-q8]

من مشاكل المطار هي العمال الي يشيلون الجناط ويوصلونها , لو كل عايلة تشيل جناطها بنفسها كان الزحمة خفت لان اغلب العمال يتجمعون عند المداخل و يسوون زحمة عالفاضي

[يونس2008]

اقتباس:     المشاركة الأصلية كتبت بواسطة saleh-q8  

من مشاكل المطار هي العمال الي يشيلون الجناط ويوصلونها , لو كل عايلة تشيل جناطها بنفسها كان الزحمة خفت لان اغلب العمال يتجمعون عند المداخل و يسوون زحمة عالفاضي

هادول مافيا مو عمال تحميل ولي عودة في الموضوع

[بنت_الكويت]

اكثر شعب يسافر و اكثر شعب محبط من شركة طيرانه و المطار و الخدمات ولله بديت اكره السفر و اكتأب قبل السفر بسبب المعاناة بالمطار